छत्रपती शिवाजी महाराजांच्या आयुष्यातल्या अत्यंत महत्वाच्या पत्रांपैकी हे एक पत्र. गडकोट बांधणीमध्ये आणि त्यासाठी लागणाऱ्या साहित्याच्या व्यवहारामध्ये महाराजांचं किती बारकाईने लक्ष असे हे सदरील पत्र वाचून लक्षात येतं... (मूळ पत्र उपलब्ध नाही. सदरील पत्राचा मायना महाराष्ट्र शासनाने छापलेल्या दुर्गविज्ञान अभ्यासक : प्र.के.घाणेकर सर, लिखित सिंधुदुर्ग पुस्तकात आलेला आहे). “आमचे लक्ष सिंधुदुर्गी स्थिरावले असे हे बरे जाणणे. अवघे काम चखोट करणे, माणसे नवी आहेत त्यास सांभाळोन इत्येकांचा उपेग कोन घेणे. पाया बहुत भला रुंद घेणे, खाली अवघा कातळ तरी वरी थोर इमारत तस्माद दो बाजूस दोन हात जागा सोडोन तर उभारता ये इतकी रुंदी घेणे, तर कोठे रुंद तर कोठे जाग जागा अरुंद येणेप्रमाणे धरावा लागतो. अनुकूल दिसेल त्याप्रमाणे करणे. पायात ओतण्यापायी शिसे धाडायची व्यवस्था केली असे. नीट पाहोन मोजोन माल ताब्यात घेणे. टोपीकर साहुकार (ब्रिटिश) लबाड जात. डोळियातील काजळ चोरून नेतील. पत्ता लागो देणार नाहीत. पुनः तत्परोन त्या कामाचा रोजमुरा मागतील. सावध असणे. गोडे पाणी हाताशी बहुत. पाण्याच्या ठावापाशी टाक्या बांधोन त्यात वाळू साठविणे. गोड्या पाण्यामध्ये चारदोनदा भिजू देणे. खारटाण धुतले जाईल. ती धुतलेली वापरणे. चुनखडी घाटावरोन पाठवीत असो. बरी तपासोन घेत जाणे. मिसळ असणार नाही, तरी सावध असणे उत्तम. रोजमुरा हररोज देणे, त्यास किमपि प्रश्नच न देणे...” #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त