റഷ്യയിലെ പ്രധാന സൈനിക ഉപകരണ നിർമ്മാതാക്കളായ ജെഎസ്‌സി അഗറ്റ് (JSC Agat), ജെഎസ്‌സി സല്യൂട്ട് (JSC Salyut) എന്നിവയുടെ പ്രതിനിധികൾ കെൽട്രോൺ സന്ദർശിച്ചതിന് ശേഷം നടത്തിയ കൂടിക്കാഴ്ച കേരളത്തിന് പുതിയ നേട്ടം സമ്മാനിച്ച സന്തോഷം പങ്കുവെക്കുകയാണ്. കാര്യവട്ടത്തെ കെൽട്രോൺ യൂണിറ്റും അരൂരിലെ കെൽട്രോൺ യൂണിറ്റും സന്ദർശിച്ച് അവിടുത്തെ സൗകര്യങ്ങളും നിർമ്മാണ ശേഷിയും മനസ്സിലാക്കിയതിന് ശേഷം ​അഗറ്റിന്റെ ഡയറക്ടർ ശ്രീ. ഡെനിസ് കോസ്‌തിയൂക്, സല്യൂട്ടിന്റെ ഡെപ്യൂട്ടി ഡയറക്ടർ ജനറൽ ശ്രീ. എ ഗാർസോവ് എന്നിവരുടെ നേതൃത്വത്തിലുള്ള സംഘം കെൽട്രോണുമായി സൈനിക, വാണിജ്യ മേഖലകളിൽ സഹകരിക്കാൻ താത്പര്യം പ്രകടിപ്പിച്ചിരിക്കുന്നു. ​റഡാറുകൾ, ഫയർ കൺട്രോൾ സിസ്റ്റങ്ങൾ തുടങ്ങിയവ നിർമ്മിക്കുന്ന ഈ റഷ്യൻ കമ്പനികൾ കെൽട്രോണിലെ ജോലിയുടെ നിലവാരത്തിൽ പൂർണ്ണ സംതൃപ്തി അറിയിച്ചു. ​പവർ സപ്ലൈസ്, ഡിസി കൺവെർട്ടറുകൾ, സിഗ്നൽ പ്രോസസ്സിംഗ് പോലുള്ള ഉപകരണങ്ങളുടെ രൂപകൽപ്പനയിലും നിർമ്മാണത്തിലും ഒരുമിച്ച് പ്രവർത്തിക്കാൻ കൂടിക്കാഴ്ചയിൽ ധാരണയാകുകയും അടുത്ത മൂന്ന് മാസത്തിനുള്ളിൽ ധാരണാപത്രം ഒപ്പിടാൻ തീരുമാനിക്കുകയും ചെയ്തു. സ. പി രാജീവ് വ്യവസായ വകുപ്പ് മന്ത്രി #🆕 ലേറ്റസ്റ്റ് അപ്ഡേറ്റ്