विदर्भातील अमरावतीच्या धारणी तालुक्यात अपरिचित झिल्पी अमनेरचा किल्ला... आमनेरचा किल्ला तापी नदी आणि गडगा नदी यांच्या संगमावर असलेल्या छोट्या टेकडीवजा उंचवट्यावर बांधलेला आहे.. आमनेर किल्ल्याच्या जवळचे गाव म्हणजे भोकरबर्डी हे होय...! भोकरबर्डी हे गाव बुर्हाणपूर ते अमरावती (धारणी मार्गे) या मार्गावर आहे....या परिसरात बहुतांश आदिवासी राहतात त्यामुळे याकडे कुणाचेही लक्ष नाही. अनेक दुर्गप्रेमी व दुर्ग अभ्यासकांना तर याची माहितीही नाही. किल्ल्याचे बांधकाम केव्हा झाले. याबाबत निश्चित माहिती नाही. हा किल्ला १७ व्या शतकात भोसल्यांच्या ताब्यात होता.. इ.स.१७७२ च्या सुमारास अचलपूरचा नवाब इस्माईल खावर स्वारी करण्यासाठी हैदराबादचा निजाम आला होता. त्याने सर्वप्रथम भोसत्यांच्या ताब्यात असलेला आमनेरचा किल्ला सर केला. यावेळी भोसले व निजामामध्ये तह झाला होता. गाईड टू चिकल्डा या ए. ई.नेल्सन याने प्रकाशित केलेल्या पुस्तकामध्ये आमनेर या किल्ल्यासंबंधीचा उल्लेख आहे. इंग्रजांचा असिस्टंट कमिश्नर कॅ. स्टब्ज याच्या १५ मार्च १९२५ व्या पत्रामध्ये आमनेरचा किल्ला पाडून टाकल्याचे तसेच या किल्ल्यावर दहा बंदुका सापडल्याचा उल्लेख आहे. या किल्ल्यात आदिवासी स्वातंत्र्य सेनानी तंट्या भिल्लचे काही काळ वास्तव्य होते, असा उल्लेख काही पुस्तकांमध्ये आहे. तसेच तात्या टोपे यांचेही या किल्ल्यात काही काळ वास्तव्य होते. इंग्रजांविरुद्ध लढताना तात्या टोपे येथे आले असावे...किल्ल्याला परकोट व सात बुरूज आहेत. किल्ल्याच्या बुरुजांवर जाण्यासाठी रस्ता आहे. हे बुरूज मजबूत परकोटाने एक दुसऱ्याला जोडले आहेत. या किल्ल्याचे बांधकाम कुणी व केव्हा केले. याबाबत निश्चित माहिती समोर आलेली नाही. किल्ल्याचे बांधकाम चुना आणि विटांमध्ये केलेले दिसते. त्यामुळे ते १७ व्या किंवा १८ व्या शतकात केले असावे, असे निदर्शनास येते. कित्ल्यातीत सातपैकी तीन बुरुज ढासळले असून, अन्य बुरुजही पडण्याच्या मार्गावर आहेत. कित्ल्यातीत कोणतीही वास्तू उभी नाही.याकडे पुरातत्व खात्याने लक्ष देऊन दुरुस्ती करणे गरजेचे आहे....👌🏼♥️🔥 #🙏शिवदिनविशेष📜 #📜इतिहास शिवरायांचा #🚩मी शिवबा भक्त #😇आमचे प्रेरणास्थान: छत्रपती🙏 #🚩शिवरायांचे भक्त