#🙏श्री गुरुदेव दत्त💐 स्कंद पुराण इ पुराणातील कथेनुसार विश्वाची निर्मीती झाली, तेव्हा ब्रम्हा आणी विष्णु यांच्यात श्रेष्ठ कोण यावरून वाद सुरू झाला त्यावेळी भगवान शिव एका विशाल प्रकाश स्तंभाच्या रुपात प्रकट झाले ज्याचा अंत किंवा सुरुवात नव्हती. या स्तंभाचा शोध घेण्याचा ब्रम्हा आणि विष्णु प्रयत्न करत असतांना, त्यांना त्याचा अंत किंवा सुरुवात सापडली नाही. तेव्हा त्यांना जाणवले की शिव सर्व शक्तीमान आहेत. याच स्तंभाला शिवलिंग मानले जाते. भगवान शिवाने आपल्या अस्तीत्वाचे दर्शन घडवण्यासाठी हा विशाल स्तंभ निर्माण केला. शिव आराधनेमध्ये लिंग पुजनाला सर्वाधीक महत्व आहे त्यातही स्तंभरुपातील शिवलिंग पुजकाला भाविक भाग्यशाली मानतात. अहिल्यानगर जिल्हातील श्रीरामपूर तालुक्यातील बेलापुरखुर्द बन, बेलापूर बु॥ व उक्कलगाव या तिन्ही ठिकाणी श्री केशव गोविंद देवतेचे स्तंभरुपात पूजन होते. स्कन्द पुराणानुसार बिल्वतीर्थ म्हणेज बेलापुर खुर्द बनात स्वत: श्रीहरी विष्णूंनी शिवलिंग स्थापन केले व शिवराधना करून महादेवांना प्रसन्न करून त्रिपुरासुराच्या वधाचे वरदान घेतले. तेच शिवलिंग हरिहर केशव गोविंद या नावाने ओळखले जाते. कलियुगामध्ये भगवान शिवांनी थोर संत भक्तराज नागु डांगू याना याच स्थानी नदीमध्ये वहात येणा-या चंदन स्तंभानां स्थापन करण्याचे सांगीतले. वर्षभर या ठिकाणी भाविकांची गर्दी असते कारण स्तंभ शिवलिंगाचे मंदिर अन्यत्र कोठेही नाहीत. श्री महादेव अनादी अनंत अश्या अग्निस्तंभाच्या रूपात प्रकट झाले, तो मार्गशीर्ष महिना होता आणी त्या दिवशी आर्द्रा नक्षत्र होते. या वर्षी 21 नोव्हेंबर पासून मार्गशीर्ष महिना सुरु झाला असून, आर्द्रा नक्षत्र शनिवार ६ डिसेंबरला सकाळी १०:३० पासून रविवार 7 डिसेंबर सकाळी ८.३० पर्यंत आहे म्हणून शनिवारी शिव स्तंभ प्राकट्य दिन आहे. युद्ध विरामानंतर जेव्हा त्या दिव्य अग्निस्तंभाची श्री विष्णू आणि ब्रम्हदेवानी विशेष पूजा केली तो दिवस महाशिवरात्री चा होता. या पर्वणीचा लाभ भाविक मोठ्या प्रमाणात या स्थानी शिवपूजन करून घेतील अशी आशा आहे. स्तंभ प्राकट्याच्या या दिवशी शिवराधनेचे फळ अनंत पटीने असल्याचा उल्लेख पुराणात आहे त्यामुळे या संधीचा सर्व शिवभक्तांनी हरिहर केशव गोविंद मंदिरामध्ये स्तंभ मूर्तीचे दर्शन, पूजन व स्तुती स्तोत्र पाठ करून लाभ घ्यावा.शक्य झाल्यास बेलापूर पंच क्रोशी मध्ये अनेक देवीदेवतानीं स्थापन केलेली सिद्ध लिंग आहेत त्यांचे दर्शन घ्यावे व शिवपंचक्षार स्तोत्र, शिवस्तुती, केशव गोविंद अष्टक, धावा आदींचा पाठ करावा ज्यामुळे आत्मिक बल वाढून आत्म शांती, समाधान प्राप्त होते. #shreedattarajgurumauli