குறிப்பாக, 2026 சட்டமன்றத் தேர்தலை முன்னிட்டு காங்கிரஸின் அகில இந்திய மேலிடப் பொறுப்பாளர்கள் மற்றும் சில முக்கிய நிர்வாகிகள், தமிழகத்தில் ‘கூட்டு ஆட்சி’ அல்லது ‘அதிகாரத்தில் பங்கு’ வேண்டும் என்ற கோரிக்கையை வலுவாக முன்வைத்து வருகின்றனர். இந்நிலையில் காங்கிரஸ்காரனுக்கு காந்தியும் காமராஜரும் தான் மாபெரும் தலைவர்கள், புறம்போக்குகள் எல்லாம் தலைவர்கள் இல்லை. கருணாநிதி தான் மாபெரும் தலைவர் என்பவர்களுக்கு காங்கிரஸ் கட்சி என்ன சின்ன வீடா? என்று திருச்சி வேலுசாமி இணையத்தில் வெளியிட்டுள்ள பதிவு திமுக கூட்டணியில் புதிய புயலை கிளப்பியுள்ளது. திமுகவைப் பொறுத்தவரை, தமிழகம் எப்போதும் ஒரு தனிப்பெரும் கட்சியின் தலைமையிலான ஆட்சியையே விரும்புவதாகத் தொடர்ந்து கூறி வருகிறது. “கூட்டாட்சிக்கு இடமில்லை” என்று அமைச்சர் ஐ. பெரியசாமி போன்ற மூத்த தலைவர்கள் பகிரங்கமாகத் தெரிவித்துள்ள நிலையில், காங்கிரஸின் இந்தத் தொடர் அழுத்தம் கூட்டணியில் விரிசல் ஏற்படுமோ என்ற ஐயத்தை ஏற்படுத்தியுள்ளது. குறிப்பாக, காங்கிரஸ் நிர்வாகிகள் சிலர் தமிழகத்தின் கடன் சுமை குறித்து விமர்சிப்பதும், நடிகர் விஜய்யின் தமிழக வெற்றிக் கழகத்துடன் காங்கிரஸ் நெருக்கம் காட்டுவது போன்ற பிம்பத்தை உருவாக்குவதும் திமுகவை அதிருப்தியின் உச்சத்துக்கே கொண்டு சென்றுள்ளது. ராகுல் காந்தி மற்றும் மு.க. ஸ்டாலின் இடையே நல்லுறவு நீடித்தாலும், கீழ்மட்ட மற்றும் மாநில அளவிலான நிர்வாகிகள் ஒருவரையொருவர் விமர்சித்துக் கொள்வது சமூக வலைதளங்களில் விவாதப் பொருளாகியுள்ளது. “அரசியலில் நிரந்தர நண்பனும் இல்லை, நிரந்தரப் பகைவனும் இல்லை” என்ற பழமொழிக்கேற்ப, வரும் நாட்களில் இந்தக் கூட்டணியின் நகர்வுகள் எப்படி இருக்கும் என்பதே அரசியல் விமர்சகர்களின் எதிர்பார்ப்பாக உள்ளது. காங்கிரஸின் பிடிவாதமும், திமுகவின் கறார் நிலைப்பாடும் தமிழகத் தேர்தல் களத்தில் புதிய திருப்பங்களை உருவாக்கக்கூடும் என்று கருதப்படுகிறது. #📢ஜனவரி 14 முக்கிய தகவல் 😃 #அரசியல் நையாண்டி 😜🤪 #அரசியல் மாற்றம்