#💹ચાંદીની કિંમત 3 લાખને પાર, ચાંદીના ભાવ આજે એટલે કે, સોમવાર 19 જાન્યુઆરીએ MCX પર 3 લાખ રૂપિયા પ્રતિ કિલોએ પહોંચી ગયા છે. તેમાં 14 હજાર રૂપિયાથી વધુનો ઉછાળો આવ્યો છે. શુક્રવારે ચાંદી 2.87 લાખની આસપાસ હતી. MCX પર 15 ડિસેમ્બર 2025ની આસપાસ ચાંદી પહેલીવાર 2 લાખ રૂપિયા પર પહોંચી હતી. એટલે કે ચાંદીને 2 લાખથી 3 લાખ રૂપિયા સુધી પહોંચવામાં માત્ર 1 મહિનાનો સમય લાગ્યો. જ્યારે તેને 1 થી 2 લાખ સુધી પહોંચવામાં 9 મહિના, જ્યારે 50 હજારથી 1 લાખ સુધી પહોંચવામાં 14 વર્ષ લાગ્યા હતા. જોકે, ઝવેરી બજારમાં ચાંદી આજે લગભગ 12 હજાર રૂપિયા વધીને 2.94 લાખ રૂપિયા કિલો પર છે. આવી સ્થિતિમાં ઘણા લોકોના મનમાં સવાલ છે કે ચાંદીના ભાવ આટલા કેમ વધી રહ્યા છે? શું આ ચાંદી ખરીદવાનો યોગ્ય સમય છે? ચાંદીમાં રોકાણ કરવાની સુરક્ષિત રીતો કઈ કઈ છે?સોના અને ચાંદી બંનેની કિંમત દરરોજ રેકોર્ડ તોડતી જોવા મળી રહી છે. સોમવારે, અઠવાડિયાના પહેલા કારોબારી દિવસે બજાર ખુલતાની સાથે જ ચાંદીમાં એવી હલચલ મચી ગઈ કે 1 કિલો ચાંદીનો ભાવ 3 લાખ રૂપિયાને પાર થઈ ગયો. ઇતિહાસમાં પહેલીવાર ચાંદીએ આ સ્તરને પાર કરી દીધું છે. આ દરમિયાન, સોનાના ભાવ પણ ઝડપથી વધીને નવી ટોચ પર પહોંચ્યા છે. અમદાવાદમાં 24 કેરેટ 10 ગ્રામ સોનાની કિંમત ₹1,45,740 છે.ચાંદીના ભાવ અટકવાના નથી. સોમવારે મલ્ટી કોમોડિટી એક્સચેન્જ (MCX)માં ખુલતા ચાંદીના ભાવમાં ₹14000નો વધારો થયો, જે પહેલી વાર ત્રણ લાખના આંકડાને પાર થઈ ગયો. ચાંદી પ્રતિ કિલોગ્રામ ₹3,01,315ની નવી ઓલ ટાઈમ હાઈ પર પહોંચી ગઈ છે. ગયા અઠવાડિયાના છેલ્લા ટ્રેડિંગ દિવસે, શુક્રવારે, MCX ચાંદીનો દર પ્રતિ કિલોગ્રામ ₹2,87,762 પર બંધ થયો હતો.હવે, સોનાના ભાવની વાત કરીએ તો, MCX સોનાનો ભાવ ચાંદીની જેમ વધી રહ્યો છે. ગયા અઠવાડિયે, શુક્રવાર, 5 ફેબ્રુઆરીના રોજ, સોનાના વાયદાના ભાવ ₹1,42,517 પ્રતિ 10 ગ્રામ પર બંધ થયા હતા.અને સોમવારે ખુલતા જ, તે ₹145,500ની નવી ઊંચી સપાટીએ પહોંચ્યો. આ ગણતરી કરતાં, 24 કેરેટ સોનાના 10 ગ્રામના ભાવમાં ₹2,983નો વધારો થયો છે. બીજી તરફ, જો આપણે આ વર્ષની શરૂઆતથી અત્યાર સુધી સોનાના ભાવમાં થયેલા વધારા પર નજર કરીએ તો, 31 ડિસેમ્બર, 2025ના રોજ, 10 ગ્રામ સોનાનો ભાવ 1,35,804 રૂપિયા હતો, જે મુજબ તે અત્યાર સુધીમાં સોનું પ્રતિ 10 ગ્રામ 9,696 રૂપિયા મોંઘું થયું છે.2025માં ભારે ઉછાળો આવ્યા પછી આ વર્ષના પહેલા મહિનામાં ચાંદીના ભાવમાં સતત વધારો થયો છે. આનો અંદાજ એ વાત પરથી લગાવી શકાય છે કે જાન્યુઆરી 2026માં ચાંદીનો ભાવ અત્યાર સુધીમાં ₹65,614 પ્રતિ કિલોગ્રામ થયો છે. 2025ના છેલ્લા દિવસે એટલે કે 31 ડિસેમ્બરે 1 કિલો ચાંદીનો ભાવ 2,35,701 રૂપિયા હતો, જે હવે 3,01,315 રૂપિયા પ્રતિ કિલો પર પહોંચી ગયો છે. #આજના સમાચાર #🔥 બિગ અપડેટ્સ #તાજા સમાચાર #🗞️ ગુજરાત અપડેટ્સ