#💐મહારાણા પ્રતાપની પૃણ્યતિથિ, "ભારતના ઈતિહાસના આકાશમાં મહારાણા પ્રતાપ એક એવા તેજસ્વી સૂર્ય છે, જેમનું નામ લેતા જ રગેરગમાં વીરતાના પૂર ઉમટે છે. આજે તેમની પુણ્યતિથિ પર આપણે એ મહાન યોદ્ધાને યાદ કરીએ છીએ જેમણે ક્યારેય અન્યાય સામે માથું ન નમાવ્યું. મહારાણા પ્રતાપ માત્ર એક રાજા નહોતા, પણ સ્વાતંત્ર્ય, સ્વાભિમાન અને અજેય મનોબળનો પર્યાય હતા. જ્યારે શક્તિશાળી મુઘલ સામ્રાજ્ય સામે અનેક રજવાડાઓએ ઘૂંટણ ટેકવી દીધા હતા, ત્યારે પ્રતાપે અગવડો વેઠીને પણ 'મેવાડ'ની ધરતીની આન-બાન-શાન જાળવી રાખી હતી. તેમણે મહેલોના સુખ છોડીને જંગલોમાં ઘાસના રોટલા ખાવાનું પસંદ કર્યું, પણ માતૃભૂમિની આઝાદી સાથે ક્યારેય સમાધાન ન કર્યું. તેમનો અશ્વ 'ચેતક' અને તેમની ૮૦ કિલોની તલવાર આજે પણ વાર્તાઓમાં નહીં, પણ ભારતીય સંસ્કારોમાં જીવંત છે. હલ્દીઘાટીની માટી આજે પણ તેમના પરાક્રમની સાક્ષી પૂરે છે. મહારાણા પ્રતાપનું જીવન આપણને શીખવે છે કે મુસીબતો ગમે તેટલી મોટી હોય, જો તમારામાં સાહસ અને સત્યનો સાથ હોય, તો તમે એકલા હાથે પણ ઈતિહાસ રચી શકો છો. આવા રાષ્ટ્રભક્ત અને અપ્રતિમ વીર યોદ્ધાના ચરણોમાં શત શત નમન."