*_"మన వంతు కొంత"_* *మానవుడు సంఘజీవి. ప్రతి నిత్యం సమాజం నుంచో, ప్రకృతి నుంచో ఏదో ఒకటి, ఎంతో కొంత తీసుకుంటూ ఉంటాడు,తిరిగి ఇస్తూ ఉంటాడు. అంటే ఆధారపడుతూ, ఆధారంగా ఉంటూ జీవిస్తున్నాడని అర్థం*. *ఇది సృష్టి నియమం. ఈ నియమాన్ని అతిక్రమించడానికి ప్రయత్నించేవాడు స్వార్థజీవి. అతడు ఎప్పుడూ ఇతరుల నుండి పొందాలనుకుంటారడేగానీ, ఇవ్వాలన్న ఆలోచనే ఉండదు.* *అందుకే స్వామి వివేకానంద అంటారు. “ఇవ్వండి! లేదంటే ప్రకృతి మీ నుంచి తీసేసుకుంటుంది. మీరు కేవలం తీసుకోవడానికి, ఇవ్వడానికి ఉన్న యంత్రాలు మాత్రమే! మీరు ఎంత ఇస్తే, అంతకంటే ఎక్కువ తిరిగి పొందుతారు.!”* *పరోపకారాయ వహన్తి నద్యః* *పరోపకారాయ దుహన్తి గావః* *పరోపకారాయ ఫలన్తి వృక్షాః* *పరోపకారార్థమిదం శరీరమ్.* *“ఇతరులకు ఉపకారం చేయడం కోసమే నదులు ప్రవహిస్తున్నాయి, ఆవులు పాలు ఇస్తున్నాయి, వృక్షాలు ఫలాలను ఇస్తున్నాయి, ఈ శరీరం ఉన్నది ఇతరులకు ఉపకారం చేయడం కోసమే!”అని చెబుతోంది సుభాషితం*. *పరోపకారానికి పరాకాష్ఠగా నిలిచిన కథలు మన పురాణ, ఇతిహాసాలలో ఎన్నో ఉన్నాయి* #మన సంప్రదాయాలు సమాచారం