வக்ஃப் வாரியத்தில் ஆர்எஸ்எஸ் பின்னணி கொண்டவர்களா? - திரும்பப் பெற இந்திய தவ்ஹீத் ஜமாஅத் வலியுறுத்தல்! இந்திய தவ்ஹீத் ஜமாஅத்தின் பொதுச் செயலாளர் வெளியிடும் முஹம்மது ஷிப்லி அறிக்கை... புதுச்சேரி வக்ஃபு வாரியத்திற்கு அகில இந்திய என்.ஆர் காங் கிரஸ் கட்சியின் உறுப்பினரான வி.பி. அப்துல் ரகுமானை தலைவராக நியமித்துள்ள ரங்கசாமி தலைமையிலான புதுச்சேரி பாஜக கூட்டணி அரசு,ஏழு உறுப்பினர்களைக் கொண்ட இந்தப் புதிய வாரியத்தில் முஸ்லிம் அல்லாத ஆர்எஸ்எஸ் பின்னணி கொண்டவர்களையும் சேர்த்திருப்பது முஸ்லிம் சமுதாயத்திற்கு கவலையையும் அதிருப்தியையும் ஏற்படுத்தியுள்ளது.புதுச்சேரி அரசின் இந்த செயலை இந்திய தவ்ஹீத் ஜமாஅத் வன்மையாக கண்டிக்கிறது. புதுச்சேரியில் உள்ள பதிவு செய்யப்பட்ட 45 பள்ளிவாசல்களை நிர்வகிப்பது மற்றும் இந்த வாரியத்தின் கீழ் உள்ள சொத்துக்களைப் பாதுகாப்பது என்ற நோக்கத்தில் இந்த வாரியம் அமைக்கப்பட்டிருப்பதாக புதுவை முஸ்லிம்களை ஏமாற்ற மாய்மாலம் செய்கிறது புதுச்சேரியின் பாஜக கூட்டணி அரசு. இத்தனை காலம் முஸ்லிம் சொத்துகளை பாதுகாப்பதில் இல்லாத அக்கறை திடீரென இப்போது முளைத்திருப்பதற்கு தேர்தல் நேரத்தில் அரசியல் ஆதாயம் அடையத்தான் என்பது திண்ணமாகத் தெரிகிறது. வாரியத்திற்கு நியமிக்கப்பட்டுள்ள முஸ்லிமல்லாத இருவரில் ஒருவர் எஸ்.செல்வ கணபதி.இவர் பாரதிய ஜனதா கட்சியின் முன்னாள் மாநிலத் தலைவர் மற்றும் தற்போதைய ராஜ்யசபா எம்.பி.யாக இருப்பவர்.பாஜகவின் முக்கியத் தலைவர் என்பதால், இவர் ஆர்எஸ்எஸ் சித்தாந்தப் பின்னணி கொண்டவராகவே அறியப்படுகிறார்.ஆக திட்டமிட்டே புதுவையின் பாஜக கூட்டணி அரசு முஸ்லிம் அல்லாதவர்களை வாரியத்தில் நியமித்துள்ளது. வக்ஃப் வாரியத்தில் முஸ்லிம் அல்லாதவர்கள் இடம்பெறுவது வாரியத்தின் செயல்பாடுகளில் சிக்கல்களை ஏற்படுத்தும். இந்த நியமனத்திற்கு புதுச்சேரியில் உள்ள எதிர்க்கட்சிகள் கடுமையாக எதிர்ப்புத் தெரிவித்ததை பொருட்படுத்தாமலும் ஒன்றிய அரசு புதிதாகக் கொண்டு வந்த வக்ஃப் திருத்தச் சட்டம் தொடர்பான வழக்கு உச்சநீதிமன்றத்தில் நிலுவையில் இருப்பதை கவனத்தில் கொள்ளாமலும் இந்த நியமனங்களை ரெங்கசாமி அரசு செய்துள்ளது. 2015-க்குப் பிறகு நீண்ட காலம் செயல்படாமல் இருந்த இந்த வாரியம், தற்போதைய AINRC-BJP கூட்டணி அரசால் மீண்டும் அமைக்கப்பட்டிருப்பது அரசியல் உள்நோக்கம் தவிர வேறில்லை. தேர்தல் ஆதாயம் கருதி முஸ்லிம்களை திருப்தி படுத்துவதாக எண்ணிக்கொண்டு,செயல்படாமல் இருந்த வக்ஃப் வாரியத்தை ஆர்எஸ்எஸ் சித்தாந்தவாதிகளையும் உறுப்பினராக்கி புதிதாக அமைத்திருப்பது ரெங்கசாமி மீது முஸ்லிம்களுக்கு வெறுப்பையும் அதிருப்தியையுமே தரும் என்பதை அவர் உணர்ந்து தகுதியும் திறமையும் வாய்ந்த முஸ்லிம் சமூகத்தைச் சார்ந்தவர்களை வாரியத்தில் நியமிக்க வேண்டும். முஸ்லிம் சமூகத்தின் உணர்வுகளுக்கும் அபிலாஷைகளுக்கும் உரிய மதிப்பளிக்கும் வகையில் சர்ச்சைக்குரிய நியமனங்களை உடனே அவர் திரும்பப் பெற வேண்டும்.இந்த சர்ச்சைக்குரிய நியமனங்கள் நாட்டின் பிற மாநிலங்களிலும் பிரதிபலிக்கும் அபாயம் உள்ளதால் தவறான முன்னுதாரணத்தை ஏற்படுத்த,தான் காரணம் ஆகிவிடக்கூடாது என்பதை புதுவை முதல்வர் ரெங்கசாமி புரிந்து கொள்ள வேண்டும் எனக் கேட்டுக்கொள்கிறேன் இப்படிக்கு முஹம்மது ஷிப்லி பொதுச்செயலாளர் இந்திய தவ்ஹீத் ஐமாஅத். நாள்: 05.03.2026 #shiblivoice #mohamedshibli #shiblivlogs #BJPFailsIndia #VoteChori #makkalreport #INTJMEDIA #WaqfBoard #👨மோடி அரசாங்கம்