చైత్ర శుద్ధ తదియ అంటే ఈ రోజు మహావిష్ణువు దశావతారాల్లోని మొట్టమొదటి అవతారమైన మత్స్య అవతారం ఉద్భవించిన రోజు.... పురాణ కథలు, నేపథ్యాలు ఎలా ఉన్నా ఈ దశావతారాలు జీవ పరిణామక్రమాన్ని వివరిస్తాయి... ఈ భూమి మీద తొలి జీవం నీటిలో నుండే పుట్టిందని ఆధునిక శాస్త్ర విజ్ఞానం అంగీకరిస్తోంది... ఈ విషయాన్ని వేల సంవత్సరాల క్రితమే మన ఋషులు పురాణాల రూపంలో వివరించారు... మన రాష్ట్రంలో చిత్తూరు దగ్గర నాగలాపురం అనే పట్టణం లో వేదనారాయణ స్వామి రూపంలో ఈ మత్స్య అవతార దేవాలయం ఉంది... శ్రీ కృష్ణ దేవరాయలు తన తల్లి నాగలాంబ పేరుతో ఈ పట్టణాన్ని నిర్మించాడు.. ఈ ఆలయం విశాలమైన ప్రాకారాలు, ఎత్తైన గోపురాలతో, అద్భుతమైన శిల్ప సౌందర్యం తో అలరారుతూ ఉంటుంది... మార్చి నెలలో వసంత విషువత్ సమయం లో పశ్చిమాభిముఖుడై ఉన్న వేదనారాయణ స్వామి వారిని సాయం సంధ్యా సమయం లో సూర్య కిరణాలు తాకుతాయి... మొదటి రోజు పాదాలను, రెండవ రోజు నాభిని, మూడో రోజు శిరస్సును తాకుతాయి... ఇది ఒక ఖగోళ మరియు ఆలయ నిర్మాణ చమత్కృతి... ఈసారి మీరు తిరుమల వెళ్ళినప్పుడు నాగలాపురం వేదనారాయణస్వామి ని కూడా దర్శించండి.... శ్రీ వేదనారాయణ స్వామి విగ్రహం యొక్క ఒక ముఖ్యమైన ప్రత్యేకత 'ప్రయోగ చక్రం' ధరించి ఉండటం... దీనికి సంబంధించిన మరిన్ని వివరాలు... సాధారణంగా విష్ణుమూర్తి విగ్రహాలలో సుదర్శన చక్రం చేతిలో నిశ్చలంగా (సమాంతరంగా) ఉంటుంది. కానీ, 'ప్రయోగ చక్రం' అంటే శత్రువుల మీదకు లేదా రాక్షసుల మీదకు ప్రయోగించడానికి సిద్ధంగా ఉన్నట్లుగా, చక్రం యొక్క అంచు పైకి తిరిగి ఉంటుంది.... ఎందుకు ధరించారు?: వేదాలను దొంగిలించిన 'సోమకాసురుడు' అనే రాక్షసుడిని సంహరించి, వేదాలను తిరిగి తీసుకురావడానికి స్వామి మత్స్యావతారం ఎత్తారు. ఆ రాక్షసుడితో యుద్ధం చేయడానికి సిద్ధంగా ఉన్న భంగిమ కాబట్టి, ఇక్కడ స్వామివారు చక్రాన్ని ప్రయోగ ముద్రలో ధరించి ఉంటారు.... విగ్రహ రూపం: స్వామివారికి నాలుగు చేతులు ఉంటాయి. ఎగువ కుడి చేతిలో ప్రయోగ చక్రం, ఎగువ ఎడమ చేతిలో శంఖం ఉంటాయి. దిగువ రెండు చేతులు అభయ, వరద ముద్రలలో ఉంటాయి.... శిల్పకళా విశేషం: సాధారణంగా చాలా తక్కువ ఆలయాలలో మాత్రమే విష్ణుమూర్తి ప్రయోగ చక్రంతో కనిపిస్తారు. ఇది స్వామివారి పరాక్రమానికి మరియు ధర్మ రక్షణకు సంకేతం.... నాగలాపురం వెళ్ళినప్పుడు మీరు స్వామివారి కుడి చేతిని గమనిస్తే, చక్రం ప్రయోగానికి సిద్ధంగా ఉన్నట్లుగా కనిపించడం గమనించవచ్చు. ఓం తత్పురుషాయ విద్మహే మహా మీనాయ ధీమహి తన్నో విష్ణుః ప్రచోదయాత్ || 🙏🍀🙏🍀🙏🍀🙏🍀🙏🍀🙏 #తెలుసుకుందాం #🙏 ఓం నమో నారాయణ #om namo venkatesaya #వసంత నవరాత్రులు💐🎂 #వసంత నవరాత్రులు