இசையமைப்பாளர் சுனில் அவர்கள் என்னுடைய நீண்டகால நண்பர் இயக்குனர் எஸ்.எழில் அவர்கள் இயக்கிய அமுதே திரைப்படத்தில் இசையமைப்பாளராக அறிமுகமாகிய சுனில் அவர்கள் என்னையும் அத்திரைப்படத்தில் அனைத்து பாடல்களையும் எழுத வைத்து அழகு பார்த்தவர். முதல் படத்திலேயே அனைத்து பாடல்களையும் எழுதுப் வாய்ப்பையும் தந்தவர். சிறந்த மனிதர் யாரையும் நோகடித்து பேசக்கூடிய தன்மை இல்லாதவர். எல்லோரையும் அரவணைத்து செல்கிற அன்புமிக்கவர். நான் கை காட்டுகிற பாடலாசிரியர்களுக்குப் பாடல் எழுதும் வாய்ப்பையும் கொடுத்தவர்.RRR DEVOTIONALS எனும் யூடியூப் சேனல் தொடங்கி அதன் மூலமாக 25 புதிய பாடலாசிரியர்களுக்கு வாய்ப்புகளை வழங்கியவர்.அவர் சிறுவயதிலேயே குழந்தை நட்சத்திரமாக நூற்றுக்கு மேற்பட்ட திரைப்படங்களில் நடித்தவர். முக்கியமாக மழலை பட்டாளம் திரைப்படத்திலே நடித்திருக்கிறார். அது மட்டுமின்றி இசையமைப்பாளர்,நடிகர்,இயக்குனர் என பன்முக ஆற்றல் கொண்ட டி.ராஜேந்தர் அவர்களிடம் கம்போசிங் கிடாரிஸ்டாகவும் இசைவசந்தம் எஸ்ஏ ராஜ்குமார் அவர்களிடமும் பணியாற்றி விட்டு தனியாக முயற்சி செய்து அமுதே திரைப்படத்தில் அறிமுகமாகி 20 படங்களுக்கு மேல் இசையமைத்திருக்கிறார். அவரது மறைவு செய்தி கேட்டு வருத்தமடைகிறேன். அன்னாரது குடும்பத்திற்கு என்னுடைய ஆழ்ந்த இரங்கலைத் தெரிவித்துக் கொள்கிறேன். #தமிழ்அமுதன்