मुघलांच्या ताब्यातील प्रदेशावर शिवाजी महाराजांची पहिली स्वारी...🚩 शिवाजी महाराजांनी थेट औरंगजेबालाही खलिता धाडला होता. सोनाजीपंत हा त्यांचा वकील मार्च १६५७ मध्ये औरंगजेबाच्या भेटीसाठी गेला. त्या वेळी औरंगजेबानं बिदरला वेढा घातला होता. सोनाजीपंतांनी त्याच्या तेथील छावणीत औरंगजेबाची भेट घेतली. मराठा प्रमुखाच्या सर्व मागण्या मान्य केल्या जातील. अशी हमी औरंगजेबानं मुघलांच्या वतीनं दिली... ● या मागण्या अशा होत्या : १) विजापूरच्या ताब्यातील सर्व किल्ल्यांवरच्या आणि प्रत्यक्ष त्यांच्या ताब्यात असलेल्या गावांवरच्या महाराजांच्या हक्काला औपचारिक मान्यता दिली जावी.. २) दाभोळ आणि त्याच्या सभोवतालचा प्रांत महाराजांकडेच राहू द्यावा. या अटींच्या संदर्भात २३ एप्रिल १६५७ रोजी औरंगजेबानं शिवाजी महाराजांना खलिता पाठवला. त्या वेळी कल्याणीच्या वेढ्याला सुरुवात झाली होती आणि महाराजांनी सशस्त्र मदत पाठवून मुघलांच्या हितासाठी मुघलांना मदत करून आपली निष्ठा सिद्ध करावी, असं त्यानं म्हटलं होतं.. (पारसनीस एम.एस. पत्र क्र.५, अदब १४६ अ). परंतु त्याच्या खूप आधी शिवाजी महाराजांनी आधीच आपल्या स्वतःसाठी लढण्याचं एक वेगळंच धोरण ठरवलं होतं. मुघल शाहजाद्यानं दिलेल्या संदिग्ध आश्वासनांमुळे त्यांच समाधान झालं नव्हतं. अगदी त्यांच्यापेक्षा कमी मुत्सद्दी व्यक्तीला सुद्धा हे समजलच असतं की, अशा वचनांना प्रत्यक्ष व्यवहारात काहीच अर्थ नसतो. ज्या वेळी त्या साम्राज्य वाद्याची गरज संपली असती, त्या वेळी त्याने केव्हाच ती वचनं मोडून टाकली असती. त्याऐवजी विजापूर दरबाराला अनुकूल ठरण्याजोग्या विजापूरच्या नैऋत्य कोपऱ्यात असलेल्या मुघलांच्या ताब्यातील दख्खन प्रदेशावर स्वाऱ्या करणं जास्त लाभदायक ठरेल, असा विचार त्यांनी केला होता. त्या वेळी औरंगजेबाच्या फौजा महाराजांच्या आग्नेय आघाडीच्या पलीकडे असलेल्या कल्याणीच्या वेढ्यात गुंतल्या होत्या. त्यानंतर सल्लामसलत करण्याच्या मिषानं त्यांनी अतिशय चतुराईनं आणि शांतपणे आपल्या दूताला औरंगजेबाच्या शिबिरातून माघारी बोलावून घेतलं (एप्रिलच्या मध्यावर) आणि त्यानंतर तातडीनं त्यांनी मुघलांच्या विरोधात युद्ध पुकारलं... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त