ஓடிப்போனவனுக்கு ஒன்பதுல குரு... "ஓடிப்போன செங்கோட்டையனுக்கு ஒன்பதிலே குருவா அல்லது அகப்பட்ட காங்கிரசுக்கு அஷ்டமத்திலே சனியா என்று தெரியவில்லை" என்று நமச்சிவாயம் ஒரு விவாதத்திற்கு விதை போட்டார்! “ஓடிப்போனவனுக்கு ஒன்பதுல குரு, அகப்பட்டவனுக்கு அஷ்டமத்துல சனி” என்ற பழமொழி, ஜோதிடக் கருத்தை நகைச்சுவையுடன் சொல்லும் ஒரு பழமொழி. இதில் வரும் “ஒன்பது” மற்றும் “எட்டு” என்பது ஜாதகத்தில் உள்ள பாவங்களை (houses) குறிக்கிறது. இந்திய ஜோதிடத்தில், குறிப்பாக வேத ஜோதிடம் (Vedic Astrology) முறையில், பிறந்த நேரத்தில் கிழக்கு திசையில் உதித்த ராசி “லக்னம்” ஆக கருதப்படுகிறது. அந்த லக்னத்தை முதல் பாவமாக வைத்து, அடுத்தடுத்து 12 பாவங்கள் எண்ணப்படுகின்றன. ஒவ்வொரு பாவமும் வாழ்க்கையின் ஒரு துறையை குறிக்கும். எட்டாம் பாவம் (அஷ்டமம்): இது மரணம், ரகசியம், திடீர் மாற்றம், விபத்து, இழப்பு, மன அழுத்தம் போன்றவற்றை குறிக்கும். சனி கிரகம் தாமதம், சோதனை, தண்டனை, கட்டுப்பாடு ஆகியவற்றின் காரகன். சனி எட்டாம் பாவத்தில் இருந்தால் வாழ்க்கையில் சிரமங்கள், தாமதங்கள், எதிர்பாராத தடைகள் அதிகம் வரலாம் என்று நம்பப்படுகிறது. அதனால் “அகப்பட்டவனுக்கு அஷ்டமத்துல சனி” என்று சொல்வார்கள் — அஷ்டமத்தில் சனி என்றால் மனுஷன் துன்பத்திலே சிக்கிக் கொள்வான் என்பதற்கான உவமை. ஒன்பதாம் பாவம் (நவமம்): இது அதிர்ஷ்டம், தர்மம், ஆசான், தந்தை, நீண்ட பயணம், உயர்வு ஆகியவற்றை குறிக்கும். குரு (வியாழன்) அறிவு, வளம், ஆசீர்வாதம் ஆகியவற்றின் காரகன். குரு ஒன்பதாம் பாவத்தில் இருந்தால் அதிர்ஷ்டம், நல்ல வழிகாட்டுதல், திடீர் உதவி போன்றவை கிடைக்கும் என்று கருதப்படுகிறது. அதனால் “ஓடிப்போனவனுக்கு ஒன்பதுல குரு”, அதாவது, தப்பித்து ஓடிப்போய் பிழைத்தவனுக்கு அதிர்ஷ்டம் துணை நிற்கும் என்பதைக் குறிக்கிறது. ஒரு சிறுகதை மூலம் இதை விளக்கலாம்: ஒரு கிராமத்தில் இரு நண்பர்கள் இருந்தனர் — அருண், வருண். இருவரும் ஒரே தொழிலில் கூட்டாளிகளாக இருந்தார்கள். ஒரு சமயம் வியாபாரத்தில் பெரிய நஷ்டம் ஏற்பட்டது. வருண் "இது ஒத்து வராது" என்று சொல்லி, எல்லாவற்றையும் விட்டுவிட்டு ஊரை விட்டே ஓடிவிட்டான். அருண் மட்டும் “ஏன் ஓட வேண்டும்?” என்று இருந்து போராடினான். ஆனால் அதிர்ஷ்டம் விசித்திரமானது! "அது + இஷ்டம்" என்பதுதான் அதிர்ஷ்டம் என்று சொல்வார்கள். அது இஷ்டப்படி வரும், போகும். "வருண் போன ஊரில் ஒரு பழைய நண்பரை சந்தித்து, புதிய வேலை கிடைத்து செல்வந்தனானான். அருண் மட்டும் வழக்குகள், கடன்கள், சண்டைகள் என சிக்கிக் கொண்டான். கிராமத்தார் சிரித்துக் கொண்டு, “ஓடிப்போனவனுக்கு ஒன்பதுல குரு; அகப்பட்டவனுக்கு அஷ்டமத்துல சனி!” என்றார்கள். இது ஜோதிட நம்பிக்கையை மட்டுமல்ல, வாழ்க்கை நையாண்டியையும் காட்டுகிறது. சில நேரங்களில் தைரியமாக முடிவு எடுப்பவன் முன்னேறுவான்; சிலர் சூழ்நிலையிலே சிக்கிக் கொள்வார்கள். அதிர்ஷ்டம், முயற்சி, சூழ்நிலை — மூன்றும் சேர்ந்தால்தான் பலன் அமையும். இவ்வாறு, எட்டும் ஒன்பதும் ஜாதகப் பாவங்களின் கணக்கிலிருந்து வந்தாலும், இந்தப் பழமொழி மனித வாழ்க்கையின் ஏற்றத் தாழ்வுகளைச் சுட்டிக்காட்டும் ஆழமான அனுபவச் சொல் ஆகும். அதிமுகவிலிருந்து செங்கோட்டையன் தவெகவிற்கு ஓடினார். NDA கூட்டணியில் இருந்து திமுக பக்கம் தேமுதிக ஓடியது. மு.க. அழகிரியின் ஆதரவாளர்கள் அதிமுகவை நோக்கி ஓடினர். OPS திமுகவிற்கு ஓடினார். அகப்பட்டு நிற்பது காங்கிரஸ். ராமதாஸ் மற்றும் சசிகலாவை எந்தக் கணக்கில் சேர்ப்பது என்று தெரியவில்லை. இதில் குருவும் சனியும் யார்யாருக்கு எப்படியெல்லாம் அருள் பாலிக்கப் போகிறார்களோ தெரியவில்லை! வேற வழி? இன்றைய அரசியல் ஜோதிடம் பார்ப்பது மாதிரிதான் இருக்கிறது. கிளியாவது சரியான சீட்டை எடுக்கும்! #DMK #ADMK #astrology #prediction #🚹உளவியல் சிந்தனை #📺அரசியல் 360🔴