Log bolna toh seekh jate hain… par sunna dheere-dheere bhool rahe hain. Silence se darr isliye lagta hai kyonki khamoshi mein hum khud se milte hain. Shor mein hum bach jaate hain— kaam, phone, log, baatein… sab kuch ek dhakkan ban jaata hai jo mann ki awaaz ko dabaa deta hai. Par jab khamoshi hoti hai, toh woh sawaal saamne aa jaate hain jinhe hum roz taal dete hain— main theek hoon ya sirf chal raha hoon? jo mehsoos ho raha hai, uska kya karoon? Silence darr isliye bhi lagti hai kyonki woh jhooth nahi bolti. Woh dikhati hai thakaan, khaali-pan, aur kabhi-kabhi akelapan bhi. Lekin sach yeh hai— agar hum thodi der us khamoshi ke saath baith paayein, toh wahi silence dheere-dheere samajh, shanti aur sachchai ban jaati hai. Khamoshi dushman nahi, woh sirf ek imaandaar sheesha hai. #life