#🧟 പ്രേതകഥകൾ! #📙 നോവൽ #✍ തുടർക്കഥ #✍️ വട്ടെഴുത്തുകൾ #💥💤🌟 വെള്ളത്തിലാശാൻ റിട്ടേൺസ് -The Liquid Apocalypse ( sequel of വെള്ളത്തിലാശാൻ -രക്ത വിന്റേജ്,കഥയും കഥാപാത്രങ്ങളും സാങ്കല്പികം. മരിച്ചവരോ മരിക്കാൻ പോകുന്നവരോ ആയി സാമ്യം തോന്നിയാൽ യാദൃശ്ചികം മാത്രം ) …………………………………. ഫോർട്ട് കൊച്ചിയിലെ ആ പഴയ മോർച്ചറിയിൽ നിന്ന് തുടങ്ങിയ ആ രാത്രി, കേരളത്തിന്റെ ചരിത്രത്തിലെ തന്നെ ഏറ്റവും ഭീകരവും ലഹരിപിടിച്ചതുമായ ഒന്നായി മാറുമെന്ന് ആരും കരുതിയിരുന്നില്ല. വെള്ളത്തിലാശാൻ എന്ന സജിത്തിന്റെ രണ്ടാം ജന്മം കേവലം ഒരു പ്രേതകഥയായിരുന്നില്ല, അതൊരു ലിക്വിഡ് അപ്പോക്കലിപ്സ് ആയിരുന്നു. …… അന്ന് ഫോർട്ട് കൊച്ചി ആശുപത്രിയിലെ മോർച്ചറിക്ക് ഒരു ബാർ അറ്റാച്ച്ഡ് റെസ്റ്റോറന്റിന്റെ ഗന്ധമായിരുന്നു. പോസ്റ്റ്മോർട്ടം ടേബിളിൽ കിടന്ന സജിത്തിന്റെ നെഞ്ചിലെ വെടിയുണ്ടകൾ ഉണ്ടാക്കിയ ദ്വാരങ്ങൾ, ആറടി നീളമുള്ള ഒരു പഴയ വിസ്കി ബാരലിലെ സുഷിരങ്ങൾ പോലെ തോന്നിപ്പിച്ചു. അവിടെയുണ്ടായിരുന്ന സ്പിരിറ്റ് ബോട്ടിലുകൾ അജ്ഞാതമായ കാരണത്താൽ മറിഞ്ഞ് സജിത്തിന്റെ മുറിവുകളിലേക്ക് ഒഴുകിയിറങ്ങി.സജിത്തിന്റെ തലച്ചോറിലെ ന്യൂ റോണുകൾ വീണ്ടും ഉദ്ദീപിക്കപെട്ടു.ശരീരത്തിൽ അസാധാരണമായ മാറ്റം സംഭവിച്ചു സാധാരണക്കാരന്റെ ഉള്ളിൽ രക്തം പായുമ്പോൾ, ആശാന്റെ സിരകളിൽ ഇപ്പോൾ ഒരു മൾട്ടിബ്രാൻഡഡ് ലിക്വിഡ്' പായുകയാണ്. അവന്റെ ഹൃദയം ഒരു പമ്പ് പോലെ പ്രവർത്തിച്ചു തുടങ്ങി പക്ഷേ അത് പമ്പ് ചെയ്യുന്നത് രക്തമല്ല, 100% കോൺസെൻട്രേറ്റഡ് മദ്യം. സ്പിരിറ്റ്‌ ബോട്ടിലുകൾ കിടക്കുന്ന കണ്ട് "ചത്തവനെന്തിനാ ഇത്ര സ്പിരിറ്റ്?" എന്ന് പിറുപിറുത്ത് കൊണ്ട് സജിത്തിന്റെ മുറിവ് തുടയ്ക്കാൻ വന്ന ബിജു ജോൺ കണ്ടത്, സജിത്തിന്റെ വയറ്റിലെ വലിയ മുറിവിൽ നിന്ന് ഒരു കുമിള പൊങ്ങുന്നതാണ്.. സജിത്ത് പെട്ടെന്ന് എഴുന്നേറ്റിരുന്നു ഒരു ദീർഘനിദ്ര കഴിഞ്ഞ് ഉണരുന്നതുപോലെ അവൻ കോട്ടുവായ ഇട്ടു. അവന്റെ വായിൽ നിന്ന് പുറത്തുവന്നത് മുപ്പത് വർഷം പഴക്കമുള്ള ഒരു വിന്റേജ് വൈനിന്റെ ഗന്ധമായിരുന്നു. "ബിജു... ഒരു ഗ്ലാസ് എടുക്കട്ടെ?" സജിത്തിന്റെ ശബ്ദത്തിൽ ഐസ് ക്യൂബുകൾ തമ്മിൽ കൂട്ടിമുട്ടുന്ന കടുപ്പമുണ്ടായിരുന്നു. അയ്യോ... പ്രേതം!" ബിജു പേടിച്ചു പിന്നോട്ടാഞ്ഞു "പ്രേതമോ? പോടാ പുല്ലേ... ഞാൻ പുതിയ ബ്രാൻഡാണ്. 'വെള്ളത്തിലാശാൻ എക്സ്ട്രാ സ്ട്രോങ്ങ്!'" സജിത്ത് എഴുന്നേറ്റ് ബിജു ജോണിന്റെ തോളിൽ കൈവെച്ചു. ബിജു ജോണിന്റെ തോളിൽ സജിത്ത് തൊട്ടതും, ആ ഭാഗത്തെ യൂണിഫോം ലഹരിയുടെ അമിത വീര്യത്താൽ കരിഞ്ഞുപോയി. "ഇത് ലേബലില്ലാത്ത ഐറ്റമാണ് ബിജു. കുടിച്ചാൽ പിന്നെ മരണമില്ല, മദ്യലഹരി മാത്രമേയുള്ളൂ!" സജിത്ത് സ്വന്തം കൈത്തണ്ടയിലെ സിര കടിച്ചു മുറിച്ചു. ചോരയ്ക്ക് പകരം പുകയുന്ന ഒരു ദ്രാവകം ബിജു ജോണിന്റെ വായിലേക്ക് ചീറ്റി. ബിജു ജോണിന്റെ ശരീരം നിമിഷങ്ങൾക്കുള്ളിൽ നീലനിറമായി മാറി. അവൻ മരിച്ചില്ല, പകരം സജിത്തിന്റെ ആദ്യത്തെ ലഹരി സൈനികനായിപരിവർത്തനം ചെയ്യപ്പെട്ടു. ……. അപ്പോഴാണ് സീനിയർ സർജൻ ഡോക്ടർ വേണു പിള്ള അകത്തേക്ക് വന്നത്. സജിത്ത് ടേബിളിൽ ഇരിക്കുന്നത് കണ്ട് ഡോക്ടർ തന്റെ കണ്ണട തുടച്ചു നോക്കി. "ഇതെങ്ങനെ ? താൻ മരിച്ചതാണല്ലോ സജിത്തേ!" ഡോക്ടർ അത്ഭുതപ്പെട്ടു. "ഡോക്ടറേ, നിങ്ങൾ എന്റെ ഹൃദയമല്ലേ പരിശോധിച്ചത്? എന്റെ ലിവർ നോക്കണമായിരുന്നു. അത് പണ്ടേ കല്ലായി മാറിയതാ. ഈ വെടിയുണ്ടയൊന്നും അങ്ങോട്ട് കേറില്ല," സജിത്ത് തന്റെ നെഞ്ചിലെ ദ്വാരത്തിൽ വിരലിട്ടു കൊണ്ട് പറഞ്ഞു. "പിന്നെ ഡോക്ടർക്ക് ഒരു കാര്യം അറിയാമോ? എന്റെ ശരീരത്തിലെ ബ്ലഡ് ഗ്രൂപ്പ് ഇപ്പോൾ 'O നെഗറ്റീവ്' അല്ല... അത് ഓൾഡ് മങ്ക് ആണ്!" സജിത്ത് ഡോക്ടറുടെ നേർക്ക് നടന്നു. അവന്റെ ഓരോ ചുവടിലും തറയിൽ മദ്യത്തിന്റെ നനവുള്ള പാടുകൾ പതിഞ്ഞു. "ഡോക്ടർക്ക് ചെക്കപ്പ് ചെയ്ത് നോക്കണോ? എന്റെ പൾസ് നോക്കണ്ട, എന്റെ ബ്ലഡ്‌ ടേസ്റ്റ് ചെയ്ത് നോക്കിയാൽ മതി." “അയ്യോ ഓ പ്രേ..തം ” "ഓടണ്ട ഡോക്ടറേ! ഇനി മുതൽ കൊച്ചിയിലെ എല്ലാ ബാറിലും ഞാനുണ്ടാകും. “ ഡോക്ടർ വേണു പേടിച്ച് ഓടാൻ തുടങ്ങിയപ്പോൾ സജിത്ത് പരിഹാസത്തോടെ വിളിച്ചു പറഞ്ഞു …… സജിത്ത് മോർച്ചറിയിൽ നിന്ന് പുറത്തിറങ്ങി ഒപ്പം ബിജുവും. ഫോർട്ട് കൊച്ചിയിലെ തണുത്ത കാറ്റ് ഏറ്റപ്പോൾ അവന്റെ ഉള്ളിലെ സ്പിരിറ്റ് ഒന്നുകൂടി ജ്വലിച്ചു. അവൻ ആകാശത്തേക്ക് നോക്കി ഉറക്കെ ചിരിച്ചു. ആ ചിരിയിൽ നിന്ന് തെറിച്ച ഉമിനീർ തുള്ളികൾ താഴെ വീണപ്പോൾ അവിടുത്തെ പുല്ലുകൾ പോലും മദ്യത്തിന്റെ ലഹരിയിൽ ആടാൻ തുടങ്ങി. "ഇനി വെള്ളമില്ല... ഇനി രക്തമില്ല... ഇനി ലഹരി മാത്രം!" സജിത്തിന്റെ ശരീരം ഇപ്പോൾ ഒരു ' വാക്കിംഗ് ബാർആണ്. അവൻ നടന്നു നീങ്ങുമ്പോൾ പുറകിൽ വരുന്നത് മരണത്തിന്റെ മണമല്ല, മറിച്ച് പണ്ട് ഗീതയും ആദർശനും മരിച്ച ആ കായലിലെ ഉപ്പുവെള്ളവും വിലകൂടിയ വിസ്കിയും ചേർന്ന ഒരു വിചിത്രമായ ഗന്ധമാണ്. ….. അന്ന് രാത്രി തന്നെ സജിത്തും ബിജുവും നേരെ പോയത് ഇൻസ്പെക്ടർ രാജേഷിന്റെ വീട്ടിലേക്കായിരുന്നു. തന്നെ വെടിവെച്ച ആ ഉദ്യോഗസ്ഥന് ഒരു സ്പെഷ്യൽ ട്രീറ്റ്നൽകാനായിരുന്നു സജിത്തിന്റെ തീരുമാനം. രാജേഷ് തന്റെ സ്വീകരണമുറിയിൽ വിസ്കി ഗ്ലാസ്സുമായി ഇരിക്കുകയായിരുന്നു. പെട്ടെന്നാണ് ജനലിലൂടെ സജിത്ത് അകത്തേക്ക് കയറിയത്. രാജേഷ് പേടിച്ച് വീണ്ടും വെടിയുതിർത്തു. പക്ഷേ, ഇത്തവണ മുറിവിൽ നിന്ന് രക്തമല്ല, ഹൈ-വോൾട്ടേജ് സ്പിരിറ്റാണ് രാജേഷിന്റെ മുഖത്തേക്ക് തെറിച്ചത്. "ഈ ഉണ്ടയൊന്നും എന്റെ ശരീരത്തിൽ നിൽക്കില്ല രാജേഷേ. പണ്ട് നിന്റെ ലോക്കപ്പിൽ കിടന്നപ്പോൾ നീ എനിക്ക് തന്നത് ലോക്കൽ സാധനം? ഇന്ന് ഞാൻ നിനക്ക് തരുന്നത് ഒറിജിനൽ വിന്റേജ് ഐറ്റമാണ്." സജിത്ത് രാജേഷിന്റെ കഴുത്തിന് പിടിച്ചു. സജിത്തിന്റെ ശരീരത്തിലെ ആൽക്കഹോൾ പ്രവാഹം രാജേഷിന്റെ സിരകളിലേക്ക് പടർന്നു. രാജേഷിന്റെ കണ്ണുകൾ മഞ്ഞനിറമായി മാറി. അയാൾക്ക് പിന്നീട് ഒരിക്കലും ബോധം വന്നില്ല, പകരം അയാൾ ഒരു ജീവിക്കുന്ന ബിയർ ബക്കറ്റായി സജിത്തിന് പിന്നാലെ നടക്കാൻ തുടങ്ങി. കൊച്ചിയിലെ ഏറ്റവും പ്രശസ്തമായ സ്നേഹവലയം ബാറിൽ അന്ന് വൻ തിരക്കായിരുന്നു. അവിടേക്കാണ് സജിത്ത് തന്റെ പുതിയ അനുയായികളുമായി കടന്നുചെന്നത്. സെക്യൂരിറ്റി ജീവനക്കാർ തടയാൻ നോക്കിയെങ്കിലും സജിത്തിന്റെ ശരീരത്തിൽ നിന്ന് പുറപ്പെട്ട മദ്യത്തിന്റെ ആവി അവരെ ബോധരഹിതരാക്കി. സജിത്ത് ബാർ കൗണ്ടറിൽ കയറി ഇരുന്നുകൊണ്ട് ഉറക്കെ പ്രഖ്യാപിച്ചു: "എല്ലാവർക്കും ഓരോന്ന് ഒഴിക്കൂ... ഇന്ന് വെള്ളത്തിലാശാന്റെ വക ഫ്രീ ട്രീറ്റാണ്!" അവൻ തന്റെ നെഞ്ചിലെ ദ്വാരത്തിലൂടെ ഒരു ജഗ്ഗിലേക്ക് ലഹരി നിറച്ചു. അവിടെയുണ്ടായിരുന്നവർ ആ ഗന്ധത്തിൽ വശീകരിക്കപ്പെട്ട് അത് കുടിക്കാൻ തുടങ്ങി. ഓരോരുത്തരായി നിലത്ത് വീഴുകയും നിമിഷങ്ങൾക്കകം ലിക്വിഡ് സോംബികളായിഎഴുന്നേൽക്കുകയും ചെയ്തു. ബാറിലെ വിലകൂടിയ കുപ്പികൾ സജിത്തിന്റെ സാന്നിധ്യത്തിൽ തനിയെ പൊട്ടിത്തെറിച്ചു. ബാറിലുണ്ടായിരുന്ന നൂറോളം പേർ സജിത്തിന്റെ അടിമകളായി മാറി. …… നഗരം കീഴടക്കാൻ സജിത്ത് പുതിയൊരു വഴി കണ്ടെത്തി. അവൻ കൊച്ചി നഗരത്തിലെ പ്രധാന വാട്ടർ ടാങ്കിലേക്ക് തന്റെ ഉമിനീർ തുപ്പി. 100% കോൺസെൻട്രേറ്റഡ് സ്പിരിറ്റ് ആ വെള്ളത്തിൽ കലർന്നു. വീടുകളിൽ ടാപ്പ് തുറന്നവർ കണ്ടത് പതഞ്ഞു വരുന്ന പച്ചമദ്യമാണ്. കുട്ടികളെന്നോ മുതിർന്നവരെന്നോ വ്യത്യാസമില്ലാതെ എല്ലാവരും ഈ ലഹരിയിൽ നനഞ്ഞു. റോഡരികിലെ ഓടകളിൽ വെള്ളത്തിന് പകരം മദ്യം ഒഴുകാൻ തുടങ്ങി. അവിടെയുണ്ടായിരുന്ന മൃഗങ്ങൾ പോലും ആ മദ്യം കുടിച്ച് വിചിത്രമായി പെരുമാറി. നഗരം മുഴുവൻ അബോധാവസ്ഥയിലായി, പക്ഷേ ആരും മരിക്കുന്നില്ല. എല്ലാവരും സജിത്തിന്റെ ആജ്ഞയ്ക്കായി കാത്തുനിൽക്കുന്ന ഒരു വലിയ മദ്യപ്പുഴയിലെ തുള്ളികളായി മാറി. …… നേരം പുലരാറായപ്പോൾ സജിത്ത് ഫോർട്ട് കൊച്ചി കടൽത്തീരത്തെത്തി. അവന്റെ പുറകിൽ ബിജുവും , രാജേഷും, നൂറുകണക്കിന് ലഹരി ബാധിച്ച മനുഷ്യരും അണിനിരന്നു. സജിത്ത് കടൽവെള്ളത്തിലേക്ക് തന്റെ കൈകൾ താഴ്ത്തി. കടൽവെള്ളം മുഴുവൻ വിചിത്രമായ ഒരു ഗന്ധത്തിലേക്ക് മാറി. "ഇനി വെള്ളമില്ല... ഇനി രക്തമില്ല... ഇനി ലഹരി മാത്രം!" അവൻ ആകാശത്തേക്ക് നോക്കി ഉറക്കെ ചിരിച്ചു. ആ ചിരിയിൽ നിന്ന് തെറിച്ച ഉമിനീർ തുള്ളികൾ വായുവിലെ ഈർപ്പത്തിൽ കലർന്ന് ഒരു മദ്യമഴയായി പെയ്യാൻ തുടങ്ങി. കൊച്ചിയിലെ പോലീസ് കൺട്രോൾ റൂമിലെ വയർലെസ് സെറ്റുകളിൽ നിന്ന് ഇപ്പോൾ കേൾക്കുന്നത് ഒരേയൊരു ശബ്ദം മാത്രമാണ്: "ഗ്ലുഗ്... ഗ്ലുഗ്... ഗ്ലുഗ്..." വെള്ളത്തിലാശാൻ തിരിച്ചു വന്നത് കുടിക്കാനല്ല, ലോകം മുഴുവൻ തന്റെ ലഹരിയിൽ മുക്കി കുടിപ്പിക്കാനാണ്. ആ മഴ പെയ്യുമ്പോൾ, നനയുന്ന ഓരോരുത്തരും വെള്ളത്തിലാശാന്റെ ലഹരി സാമ്രാജ്യത്തിലെ പുതിയ കുപ്പികളായി മാറും. ……… End സജിത്തിന്റെ ഈ ലഹരി പ്രവാഹം തടയാൻ ആർക്കെങ്കിലും സാധിക്കുമോ? അതോ കേരളം മുഴുവൻ ഒരു വലിയ 'ബാറായി' മാറുമോ? ആർക്കറിയാം