सुडाग्नी🔥 एक रक्तरंजित प्रेम कथा.. भाग 7 https://pratilipifm.app.link/soBLv9Aso1b 👆 या लिंक वरून पूर्ण कथा प्रतिलिपी fm वर ऐका तिला आत्ता आई आप्पासोबत बोलायच होत पण तिथे एकच लँडलाईन फोन होता, तो पण बैठकीच्या खोलीत... तिकडे राधाक्का बसलेली होती शिवाय नोकर चाकर आजूबाजूला असायचेच.. सुहासिनी पण तिला आराम कर म्हणुन थोडया वेळा पूर्वीच बाहेर निघुन गेलेली. आज राधाक्काला आबासाहेबांचा राग आलेला कारण त्यांनी तळघरात नेहून टाकलेल्या सुभानरावाच्या पोरीला आबांनी तिथुन आणुन तिला राहायला एक खोली पण दिली होती... "राधाक्का काय झालं कसला एवढा विचार करताय???" राधाक्का बैठकीच्या खोलीची किश्या आणि संगीता कडून साफ सफाई करून घेत होती तिथे सुहासिनीने येत विचारले... "ए किश्या ते झाल आसल तर आता बाहेरच काम बघजास... संगे तु पण जा सयपाक घरात भांडी पडल्यात ती घास जास.." राधाक्का त्या दोघांना तिथुन हटकत म्हणाली... "राधाक्का मी बी जातो की सयपाक घरात.भायरच आम्ही मघाशीच झाडलंय...." किश्याला सांगिच्या मागे मागे करायला पाहिजे असत ते राधाक्काला चांगलंच माहित होत... "गुमान भायर जाऊन झाडून घे आन मग झाडांला पाणी पण घाल.... संध्याकाळी तुला सयपाक घरात भाकरी बडवायला लावते बघ...!!" राधाक्काने त्याला दम भरला... तशी संगी त्याच्यावर हसत तिथुन निघुन गेली... किश्या पण तोंड पाडून राधाक्काने सांगितलेलं काम करायला गेला... "हं काय म्हणाला वहिनी..." राधाक्काने डोक्यावरचा पदर सारखा करत विचारले... "काय नाय ते तुम्ही एकट्याच कसल्या तरी इचारत हरवला हुता म्हणुन विचारले..." सुहासिनी.. "वहिनी तुम्ही तर बोलूच नगा..दादांनी सांगितले आणि तुम्ही लगीच त्या सुभाण्याच्या पोरीच्या सेवेस लागला..... नाका पेक्षा मोती जड! म्हणत्यात तशातली गत झाली.." राधाक्का नाक मुरडत म्हणाल्या... "वन्स मग काय करायला पाहिजे होत मी.... आन आव ती पोर लय घाबरली होती ओ..." सुहासिनी तिची पाहिलेली अवस्था आठवत म्हणाली. "पूर पूर मला नगा सांगु त्या पोरीचं कौतुक. आबासाहेबांना एक कळत नाय पण तुम्ही बी...." राधाक्का चिडून म्हणाल्या... "वन्स आव आत्ता पर्यंत जे घडल त्यात त्या पोरीची काय चुक हाय." सुहासिनी राधाक्काला समजवण्याच्या सुरात म्हणाली.... "जाऊद्या वहिनी मला त्या इषयावर बोलायचच नाय.... माझा सूर्या परत आलाय काल ह्या सगळ्या गोंधळात काय करायला घावल नाय... आज काय तरी गोड धोड करा. https://pratilipi.app.link/WwitgvgCD1b या 👆 लिंक वरून ही पूर्ण कथा प्रतिलिपी अँपवर वाचा. #✍मराठी साहित्य #📚मराठी रोमांचक कथा🧐 #✍🏽 माझ्या लेखणीतून #☺️प्रेरक विचार #🌹प्रेमरंग