🍃🍃🌼🍃🍃 બાળ ચરીત્ર...      પછી પોતે ત્યાં થકી ચાલ્યા તેદીઘાઘાટે ગયા. ત્યાં બોતેર નદીઓનો સંગમ થાય છે. તે જગ્યાએ ત્રણ દિવસ રહીને સ્નાન કરતા સતા વહાણ સિવાય નદીમાં ઉતરીને આગળ ચાલ્યા. તે કેટલાક દિવસે જનકપુરીમાં જતા હતા. અને ત્યાં ત્રણ દિવસ રહીને ત્યાંના રાજાની સેવા અંગીકાર કરીને કેટલાક મનુષ્યોને પોતાનો પ્રતાપ જણાવતા સતા ત્યાં થકી ચાલ્યા તે ગયાજી થઈને આગળ ચાલ્યા તે પુલહાશ્રમ જતાં વચ્ચે મહાઘોર એક જંગલ આવ્યું અને તે વનને વિશે કેટલાક વૈરાગી એક મોટા વડના વૃક્ષનીચે બેઠેલા જોઇને તેમની પાસે ગયા.અને તે વૈરાગીઓ પ્રત્યે બોલ્યા જે, હે સંતો ! તમો સર્વે કયાં જાવ છો ? ત્યારે બોલ્યા જે, અમો તો મોક્ષ માટે હિમાળામાં ગળવા સારૂં ઉત્તર દિશામાં જઈએ છીએ અને તમો આવી બાલ્યાવસ્થામાં કેમ ઘેરથી નીકળ્યા છો ? અને યોગીનું સ્વરૂપ ધારણ કરીને આવા મહા વિકટ વનમાં એકલા તેમ વિચરો છો ? અને આ વનમાં તો વાઘ, હાથી, સુરભી ગાયો, અરણાપાડા ઇત્યાદિક ઘણાંક હિંસક જનાવરો તથા ઘણાક અઘોરી પણ રહે છે. તે મનુષ્યોને મારી નાખે છે. તેવું સાંભળીને બાલાયોગી બોલ્યા જે, હે સંતો ! અમો તો નિર્ભય છીએ અને અમને કોઈની બીક નથી. અને આત્મારૂપે છીએ. પણ તમો હિમાળામાં ગળવા જાઓ છો. પરંતુ પ્રગટ ભગવાન અને તે પ્રગટ ભગવાનના સંત મળ્યા સિવાય આ જીવનો મોક્ષ ન થાય. ત્યારે બોલ્યા જે, હે બાલાયોગી ! એ પ્રગટ ભગવાન અમોને કેમ મળે ? ત્યારે બોલ્યા જે, તમો જો સાચા ભાવથી નીકળ્યા હશો તો અહીં ને અહીં જ મળશે. ત્યારે તો હે બાલાયોગી ! તમો કહો તેમ અમો કરીએ. આવું નિર્માનિપણાનું વચન સાંભળીને શ્રીનીલકંઠ બ્રહ્મચારી બોલ્યા જે, હે સંતો ! ચાલો આપણે સર્વે ભેગા ચાલીએ. એમ કહીને ત્યાં થકી ચાલ્યા તે માર્ગમાં જતાં ઘણિક ધર્મ, જ્ઞાન, વૈરાગ્યની વાતો કરી. તેથી તેમના મનમાં એમ થયું જે, આ કોઈક મોટા પુરુષ છે. પછી તો કૃપા કરીને ચતુર્ભુજ રામચંદ્રજી રૂપે દર્શન દીધું. તેથી તે વૈરાગીઓને એમ નિશ્ચય થયો જે, આજ સાક્ષાત ભગવાન છે. એમ ચાલતાં થકાં જ્યા૨ે સાંજ પડી ત્યારે શ્રીનીલકંઠ બ્રહ્મચારી તો એક મોટા વડના વૃક્ષથી દસ કદમ દૂર આસન કરીને બેઠા અને તે સર્વે વૈરાગી તો વડના વૃક્ષ ઉપર પોતાનાં કપડાંની ઝોળીઓ બાંધીને તેમાં સૂઇ ગયા. એટલે કેટલીક રાત્રી ગયા બાદ એક જનાવર બલાખારી નામનું તે વડ નીચે આવીને બેઠું. તે આખી રાત બેસી રહીને સવારે ઉઠતી વખતે લઘુશંકા કરીને તેમાં પોતાનું પૂછડું પલાળીને ઉચું ઉપાડીને છાંટવા લાગ્યું. તેના છાંટા ઝોળીએ અડવાથી એકદમ તે સર્વે વૈરાગી શ્વાસ રહિત થઇને મરણ પામ્યા. તેને નિલકંઠ બ્રહ્મચારી દિવ્ય ગતિ આપતા હતા. આવી રીતે શ્રીનીલકંઠ બ્રહ્મચારીને શરણે પામેલા જે મુમુક્ષુ જીવ તે સર્વેને પોતાનું મહા અલૌકિક રૂપે દર્શન આપીને સદગતિને પમાડતા હતા.                           🍃🍃🌼🍃🍃 #🦋😊 𝗝𝗮𝘆 𝘀𝘄𝗮𝗺𝗶𝗻𝗮𝗿𝗮𝘆𝗮𝗻 🤗 #✋ જય સ્વામીનારાયણ #અનાદિમુક્તરાજ શ્રી અબજીબાપા #🙏 સ્વામિનારાયણ મંદિર