*_#ప్రవర్తన- పరివర్తన_*
*ఎవరి గురించి అయినా మనం ఎప్పుడూ చెడుగా ఆలోచించకూడదు.*
*ఇది ఒక నియమంగా పెట్టుకోవాలి.*
*అలా ఆలోచించకుండా ఉండగలమా అని సందేహం కలుగుతుంది. అయినా దీన్ని మనం అభ్యాసం చెయ్యాలి.*
*_ఎందుకంటే..._*
*దీనివల్ల చాలా లాభాలున్నాయి*.
*నిరంతరం ఇతరుల గురించి చెడుగా ఆలోచించటంవల్ల ముందు మన మనసులో చెడ్డ వాతావరణం ఏర్పడుతుంది. అది అవతలవారికి ఎంత హాని చేస్తుందో తెలియదు కాని, ముందు మన ఆరోగ్యాన్ని పాడుచేస్తుంది*, *కుటుంబాన్ని ఇబ్బందులపాలు చేస్తుంది..* *అనిచెప్పటంలో తిరుగు లేదు. ఎంత ధ్యానం చేసినా, యోగా, వ్యాయామం.. చేసినా దానిని సరిచేయలేవు.*
*దీనికి శాస్త్రీయమైన దాఖలాలు ఉన్నాయి.*
*రక్తపోటు పెరుగుతుంది. మధుమేహం అదుపు తప్పుతుంది. మనిషి ఎలా ఆలోచిస్తే అలాగే ఉంటాడంటారు*. *చెడుగా ఆలోచించి, ఆలోచించి చెడ్డలో మునిగిపోతే మన మనసును దయ్యంలా చెడు పట్టుకుంటుంది. ఎంత పూజ చేసినా ఉపయోగం ఉండదు. అది అవతలవారికి హాని చేసే లోపలే మనం దానికి బలి అయిపోతాం*.
*నేడు చాలామంది తనలోని మంచిని వదిలేసి ఎదుటివారిలో చెడుని మాత్రమే చూస్తున్నారు-చూపిస్తున్నారు. తామే నీతి మంతులము, సచ్చీలురము...* *ఎదుటివారు అందరూ సత్ప్రవర్తన లేనివారే అని భ్రమ పడుతుంటారు, కానీ వారే సమాజానికి ఉపయోగం లేనివారు*.
*దీనివలన ఎదుటివారికి చెందవలసిన అశుభపరిణామాలను ప్రత్యక్షంగాకాని పరోక్షంగాకాని వీరు అనుభవిస్తున్నారు.*
*దుర్యోధనుడు ఒకసారి వెదికితే ఎక్కడా అతడికి ఒక్క మంచివాడు కూడా కనపడలేదట. వీరు కూడా అంతే..!* *చెడ్డవాడికి మంచి ఎక్కడ కనిపిస్తుంది?*
*ఏ చూపుతో చూస్తే ఆ భావమే అందరిలో కనిపిస్తుంది*.
*ఉదయం లేవగానే ‘ఈ లోకం లో అందరూ బాగుండాలి అందులో నేను ఉండాలి!’ అని హృదయపూర్వకంగా పది నిమిషాలపాటు కోరుకోవాలి.*
*ఇలా చేస్తే...*
*మందులు వేసుకోకుండానే ఆరోగ్యం బాగుంటుందని పరిశోధనలు చెబుతున్నాయి.* *ఆధ్యాత్మిక శాస్త్రాలు తెలియజేస్తున్నాయి. గురువులు బోధిస్తున్నారు*.
*మనం కూడా ఆలోచించాలి, ఆచరించాలి. మంచి చెడుల మిశ్రమమే జీవితం.* *సుఖదుఃఖాల సంగమమే జీవనం. త్రేతాయుగంలో అవతార పురుషుడైన శ్రీరాముడున్నాడు. మంచికి, ధర్మానికి మారుపేరు ఆయన. ఆ యుగంలోనే అతి దురాత్ముడు, మహా పాపి అయిన రావణాసురుడూ ఉన్నాడు. ఏ యుగమూ చెడ్డను తప్పించుకోలేదు*.
*మంచిని నిర్మించే శక్తి మనకు లేకపోవచ్చు. చెడ్డను నిరసించే శక్తి కావాలి. చెడుభావనలు మనసును హింస పెడుతున్నప్పుడు తత్సమానమైన మంచి భావాలతో నింపుకోవాలి.*
*అంతేకాని మీకు సంబంధం లేని ఎదుటివారి పాపకర్మలను నిందించి లేదా ప్రచారం చేసి వారికి చెందవలసిన చెడును మీరు అనుభవించకండి..!*
*పుట్టుకతో ఎవరూ దుర్మార్గులు కాదు, పాపాత్ములుకాదు. ప్రతివారిలోనూ మంచి-చెడు రెండూ ఉంటాయి. కానీ మన దురదృష్టమేమిటంటే నేటి సమాజం చెడును చూసినంత ఎక్కువగా మంచిని చూడటంలేదు*.
*దీనివల్ల అలాంటివారిపై దుష్ప్రభావం ఎక్కువగా ఉండి అనేక రకాలుగా ఇబ్బందులకు గురి అవుతున్నారు. జీవితాలు, ఆరోగ్యం, మనశ్శాంతి పోగొట్టుకుంటున్నారు.. విరోధులను పెంచుకుంటున్నారు, బావిలో కప్పలు లాగా జీవిస్తున్నారు*.
*దయచేసి అంతా క్షమాగుణం కలిగి, ఎదుటివారిలోగల చెడుని వదిలేసి మంచిని మాత్రమే చూద్దాం, మంచిగురించిమాత్రమే చెబుదాం* #మన సంప్రదాయాలు సమాచారం