சிவ சிவ தென்னாடுடைய சிவனே போற்றி எந்நாட்டவர்க்கும் இறைவா போற்றி! இதன் பொருள் என்ன? ==================================================================== பலரும் பல மாதிரி விளக்குவர். இச்சிறியோனின் சிற்றறிவிற்கு எட்டிய சில புரிதல்களைப் பகிர்கிறேன். (இணையத்தில் படித்தது) எளிமையாகச் சொன்னால், தென்னாடுடையவன் சிவன். அதாவது தென்னாடான தமிழகத்தைச் சேர்ந்தவன் சிவன். எனினும் என்னாட்டவர்க்கும் வேறுபாடின்றி அருள் பாலிக்கும் இறைவன் சிவன். ஆனால் சிவன் தென்னாட்டில் பிறந்து வளர்ந்தவனா என்று வினா எழுப்புவோர் பலர். இமயத்தைத் தன் வீடாக வைத்து பின்னர் மலையில் இறங்கி வந்து பார்வதியை (பர்வத மன்னனின் மகளை) மணந்தான் என்பன புராணங்கள். திருவிளையாடற்புராணத்திலும் பரஞ்சோதி முனிவர் சிவனார் வடநாட்டிலிருந்து ரதகஜ துரக பதாதி எனப்படும் நால்வகைப் படைகள் சூழ மங்கல இசை முழங்க மதுரை மாநகருக்கு வந்து மீனாட்சியம்மையைக் கைப்பற்றுகிறார் என்கிறது. இதையே இன்னொரு நோக்கிலும் பார்க்கலாம்: தென்திசைக் கடவுள் அல்லது தென்முகக்கடவுள் அல்லது தெற்கினை நோக்கும் கடவுள் தட்சிணாமூர்த்தி, ஏனெனில் தட்சிண் என்பது வடமொழியில் தெற்கைக் குறிக்கும் சொல். எனவே தென்னாட்டையே நோக்கிக் கொண்டிருப்பினும் எல்லா நாட்டவர்க்கும் அருள் புரிவான் சிவன் என்று பொருள் கொள்ளலாம். இன்னொரு வகையிலும் புரிந்து கொள்ளலாம்: தெற்கின் காவலன் இயமன் (எமன்) என்பதால் தான் திருவண்ணாமலை கிரிவலத்திலும் தென்திசையில் எமலிங்கம் உள்ளது. எமன் என்பவனுக்குக் காலன் என்று பொருள். முக்காலும் உணர்ந்த சிவன் தன் காலால் காலனை உதைத்த வரலாற்றைச் சிவபக்தர்கள் அறிவர். எனவே காலனை உதைத்தபின்னர் சிவனே தென்திசைக் கடவுளாகவும் இருந்திருக்கலாம். இயமனும் வாழ்வின் முடிவை, ஆன்மாவிற்கு வீடுபேறா இல்லை மறுபிறவியா என்று நிர்ணயிப்பவர் என்பதால் சிவனைத் தென்திசைக் கடவுள் என்றும் அழைக்கலாம். ஆன்மீகத்தை விடுத்துப் பூலோக அறிவியல் வாயிலாகப் பார்த்தால், இமயம் என்பது இந்தியாவின் வடக்கே இருக்கும் பெரிய அணை போன்ற மலை. அதிலிருந்து தெற்கே இறங்குவது சுலபம். ஏற்கனவே உயரத்தில் குளிர்வதால் வடக்கு நோக்கிப் பயணிப்பதென்பது அரிது. எனவே வரையுச்சியில் இருப்பவர் தெற்கு நோக்கியே இறங்குவதே வழக்காகக் கொண்டிருப்பதாலும் தெற்கு நோக்கிய கடவுள் என்று மலைச்சிகையில் வாழும் சிவனாரைக் குறிப்பிட்டிருக்கலாம். #viral #trending #edits #marvel #aanmigam #animetamil #naruto #devotional #🕉️சிவன் ஸ்டேட்டஸ்🎶 #🙏ஆன்மீகம் #🙏ஹர ஹர மஹாதேவ்⭐ #🙏🏼ஓம் நமசிவாய #🙏🏼சிவ பெருமான் பாடல்கள்