#📙 നോവൽ - മുറ ചെറുക്കൻ...... 🔻 ഭാഗം_38 ✍️ രചന - Aysha akbar തനിക്കെപ്പോഴാ തിരിച്ചു പോകേണ്ടത്....... ഒരു ഒന്നര മണിക്കൂർ കഴിഞ്ഞാൽ വണ്ടി വരും..... സച്ചു ചോദിച്ചതിന് ഇഷാനി പതിഞ്ഞ ശബ്ദത്തിൽ മറുപടി പറയുമ്പോൾ കണ്ണുകളിൽ വല്ലാത്തൊരു വിങ്ങൽ നിറഞ്ഞു നിന്നിരുന്നു..... നമുക്കിടയിൽ കുറച്ചു സമയം മാത്രമേയുള്ളു എന്ന ഓർമപ്പെടുത്തൽ സച്ചുവിന്റെയുള്ളിലും ഒരു പിടപ്പ് തീർത്തു..... അവിടെ..... എല്ലാവർക്കും സുഖമല്ലേ....... മുത്തശ്ശി മീനു അമ്മ അച്ഛൻ അമ്മു ചേച്ചി..... എല്ലാവർക്കും..... അവളോരോറ്റ ശ്വാസത്തിൽ അത്‌ ചോദിച്ചു നിർത്തുമ്പോൾ ആ കണ്ണുകളിൽ അവരോടുള്ള സ്നേഹം സച്ചുവിന് തെളിഞ്ഞു കാണുന്നുണ്ടായിരുന്നു..... മ്മ്......... സച്ചു അവളെ നോക്കി പതിയെ യൊന്നു മൂളി...... ഒരായിരം കാര്യങ്ങൾ പരസ്പരം പറയാനുണ്ടവങ്കിലും ഒന്നും പറയാൻ കഴിയാത്ത വിധം ഒരു നിശബ്ദത അവർക്കിടയിൽ തങ്ങി നിന്നു....... സച്ചു ഇടം കണ്ണാൽ തനിക്കരികിൽ തല താഴ്ത്തി യിരിക്കുന്നവളെയൊന്ന് നോക്കി........ വിശാലമായ നെറ്റി തടത്തിലേക്ക് മുടിയിഴകൾ വീണു കിടന്നു അലങ്കോലമായി ട്ടുണ്ട്...... കൺ പീലികൾക്ക് ഇപ്പോഴും നനവാണ്... വരണ്ട ചുണ്ടുകൾ അവൾ വെറുതെ കൂട്ടി പിടിച്ചിട്ടുണ്ട്..... എന്തൊക്കെയോ ചിന്തകളിലെന്ന വണ്ണം ആ കണ്ണുകളിൽ നിഴലിക്കുന്ന ദുഃഖം തനിക്ക് കാണാം....... എന്നാൽ അതിനിടയിലും താൻ അരികിലുണ്ടെന്ന ആശ്വാസമാണ് അവളിൽ നിറഞ്ഞു നിൽക്കുന്ന തെന്ന് അവന് തോന്നി.... നേരത്തെ താൻ കൊടുത്ത കർച്ചീഫ് കയ്യിൽ പിടിച്ചു തെരു പിടിക്കുന്നുണ്ടവൾ.... പെട്ടെന്നാണ് കഴുത്തിൽ കിടക്കുന്ന ആ മാലയിൽ അവന്റെ കണ്ണുകൾ വീണ്ടും കൊരുത്തത്.... ഇതെന്താ കഴുത്തിൽ...... പുതിയൊരു മോഡൽ...... അവനൊരു കുസൃതി ചിരിയോടെ അത്‌ ചോദിച്ചതും അവളാകെ നാണം കൊണ്ട് പൂത്തുലഞ്ഞു പോയിരുന്നു....... അവന്റെ മുഖത്തേക്ക് നോക്കാൻ കഴിയാതെ യെന്ന വണ്ണം ആ കവിളുകളിൽ ചുവപ്പ് പടർന്നു...... മ്മ്......?അവളുടെ കണ്ണുകൾ തെളിഞ്ഞു കണ്ട സന്തോഷത്തിൽ അവൻ വീണ്ടും ചോദ്യത്തോടെ ഒന്ന് മൂളി.... അത്‌.....ഇയാള്.... കൂടെയുണ്ടെന്നൊരു ധൈര്യത്തിനാ..... അവൾ കണ്ണുകൾ അവനു നേരെയുയർത്തി യത് പറയുമ്പോൾ ആ കണ്ണുകളിൽ നിറഞ്ഞു കണ്ട തന്നോടുള്ള പ്രണയം അവനിലൊരു പിടപ്പ് തീർത്തു....... ഇത്ര ഭംഗിയായി ഇവൾക്കെങ്ങനെ പ്രണയിക്കാൻ കഴിയുന്നു വെന്ന് അവനൊരു വേള അത്ഭുതം തോന്നി..... ഒന്നും പറയാൻ കഴിയാത്ത വിധം അവനിൽ നിന്നൊരു രു നിശ്വാസം മാത്രം പുറത്ത് വന്നു..... വരണ്ട ചുണ്ടുകൾ ഒന്നടർന്നു മാറിയെന്നല്ലാതെ ശബ്ദമുണ്ടായിരുന്നില്ലവന്.......... ഞാൻ..... വരുമെന്ന് പ്രതീക്ഷിച്ചിരുന്നോ..... അവൻ വെറുതെ ഒന്ന് ചോദിക്കുമ്പോൾ അവൾ അവന്റെ മിഴികളിലേക്കൊന്ന് നോക്കി....... ആഗ്രഹിച്ചിരുന്നു....... പ്രാർത്ഥിച്ചിരുന്നു....... അവളത് മാത്രം പറഞ്ഞു നിർത്തുമ്പോൾ അവളുടെ നെഞ്ചിലെരിയുന്ന കനലാ കണ്ണുകളിൽ കത്തി നിന്നു..... സച്ചു കൈ രണ്ടും മേശ കുത്തി വെച്ച് വിരലുകൾ മാത്രം ചുണ്ടോടു ചേർത്തു..... അപ്പോഴേക്കും ഓർഡൻ ചെയ്ത ക്യാപ്പിച്ചിനോ യും ക്ലബ്‌ സാൻഡ് വിച്ചും ബർഗറുമെല്ലാം വന്നു...... അവൾ കപ്പ്‌ കയ്യിലെക്കെടുക്കുമ്പോഴാണ് അവളുടെ കയ്യിൽ തിണർത്തൂ കിടക്കുന്ന പാടവന്റെ കണ്ണിൽ പെട്ടത് ...... പെട്ടെന്നവൻ അവളുടെ കയ്യിലൊന്ന് പിടിച്ചു...... അവൾ ഞെട്ടി കൊണ്ട് അവനെയൊന്ന് നോക്കി..... അവന്റെ ബാലമേറിയ കയ്യിലെ ചൂട് അവളുടെ കൈയ്യിൽ പറ്റി പ്പിടിച്ചു നിന്നു..... ഇതെന്താ....... അവനത് ചോദിക്കുമ്പോൾ ആ മുഖത്ത് അത്‌ വരെ കണ്ട ഭാവമായിരുന്നില്ല.... അതിന് കാരണം ആരോ മനപ്പൂർവം ചെയ്ത പാടുകൾ പോലെ അവന് തോന്നിയത് കൊണ്ട് തന്നെയായിരുന്നു......... ഇഷാനിക്ക് എന്ത് പറയണമെന്നറിയില്ലായിരുന്നു..... അവന്റെ കൂടെ കിട്ടിയ നല്ല നിമിഷങ്ങളെ വീട്ടിലെ ഓർമകളുമായി കൂട്ടിയിണക്കാൻ അവൾക്ക് കഴിയുമായിരുന്നില്ല...... അവൾ ഇരുന്നുരുകാൻ തുടങ്ങി...... എന്താണെന്നാ ചോദിച്ചത്....... അവൾ മിണ്ടുന്നില്ലെന്നത് കണ്ടതും അവന്റെ ശബ്ദം ഒന്ന് കൂടി കടുപ്പത്തിലായി... അത്‌.......അത്‌ പപ്പ തല്ലിയതാ....... അവൾ പതിയെ അത്‌ പറഞ്ഞതും അവന്റെ കണ്ണുകൾ ഒന്ന് കൂടി ചുരുങ്ങി........ ഇങ്ങനെയോ...... അവനാ പാടുകളിലേക്ക് നോക്കി അത്ഭുതത്തോടെ അത്‌ ചോദിക്കുമ്പോൾ തൊണ്ടയിൽ തടഞ്ഞു നിൽക്കുന്ന ആ വിങ്ങൽ അവളുടെ കണ്ണുകളിൽ വന്നു നിറഞ്ഞു.... അവനവളെ തന്നെ നോക്കി യിരുന്നു...... എന്തിനായാലും ആരായാലും ഇങ്ങനെയൊക്കെ തല്ലുന്നത് നിന്ന് കൊള്ളുന്നതെന്തിനാ..... അവൻ അമർത്തി പ്പിടിച്ച ശബ്ദത്തിൽ അരിശം കലർത്തിയത് ചോദിക്കുമ്പോൾ അവളുടെ കണ്ണുകളിൽ നിന്നൊരു തുള്ളി അടർന്നു താഴേക്ക് വീണു.... ആദ്യമായാണ് തനിക്ക് വേദനിച്ചതിനു ഒരാൾക്ക് മുറിപ്പെടുന്നത്..... അവൾക്ക് നിറഞ്ഞ സങ്കടമാണോ സന്തോഷമാണോ തോന്നിയതെന്നറിയില്ല...... സിറ്റിയിലൊക്കെ ജനിച്ചു വളർന്ന വിദ്യാഭ്യാസമുള്ള പ്രായ പൂർത്തിയായ ഒരു പെൺകുട്ടിക്ക് ഇങ്ങനെ പ്രതികരണ ശേഷി ഇല്ലെന്നത് എന്തൊരു തോൽവിയാണ്..... അവൻ നിറഞ്ഞ ദേഷ്യം കടിച്ചോതുക്കി പുച്ഛത്തോടെ അത്‌ പറയുമ്പോൾ ഇഷാനിക്ക് വല്ലാതെ വിങ്ങി പ്പൊട്ടി.... എന്നും അവനെന്നത് തനിക്ക് ആശ്വാസമാണ്..... അവന്റെ ഓർമയിലാണ് പല വേദനകളും താൻ കടിച്ചമർത്തിയിട്ടുള്ളത്.... ആ അവനാണ് തന്നെ തോൽവിയെന്ന് പറയുന്നത്...... അവൾക്ക് നെഞ്ച് വല്ലാതെ വിങ്ങും പോലെ തോന്നി...... അവൾ അവനെയൊന്ന് നോക്കി..... അവളുടെ ദേഹത്തു കണ്ട പാട് കൊണ്ട് തന്നെ അവന്റെ മനസ്സ് വല്ലാതെ വേദനിച്ചിരുന്നു........ ദേഷ്യമാണോ സങ്കടമാണോ മുന്തി നിന്നതെന്നറിയില്ല...... നിറഞ്ഞ കണ്ണുകൾ അവൾ കാണാതിരിക്കാൻ അവൻ പുറത്തേക്ക് നോക്കിയിരുന്നു ..... ശരിയാ..... ഞാൻ.... ഞാനൊരു തോൽവി തന്നെയാണ്.... അത്‌ പറഞ്ഞപ്പോഴേക്കും അവൾ വിങ്ങി പൊട്ടിയിരുന്നു.... കണ്ണു നീർ കവിളിലൂടെ ഒലിച്ചിറങ്ങി...... സച്ചു അവൾക്ക് നേരെയൊന്ന് തിരിഞ്ഞു... സച്ചുവിന് വല്ലാത്തൊരു വേദന തോന്നി..... ഞാൻ..... തന്നെ വേദനിപ്പിക്കാൻ വേണ്ടി പറഞ്ഞതല്ല....... ആദ്യമായി നിന്നേ കണ്ടപ്പോഴും ഇത് പോലെയുള്ള പാടുകൾ നിന്റെ ദേഹത്തുണ്ടായിരുന്നു.... എന്തിനാ യിങ്ങനെ വേദനിക്കാൻ നിന്ന് കൊടുക്കുന്നത്..... അതാര് തന്നെയായാലും..... സച്ചു അതും പറഞ്ഞു അവളുടെ കണ്ണുകളിലേക്കൊന്ന് നോക്കുമ്പോൾ ആ കണ്ണുകളിൽ അലയടിക്കുന്നൊരു സാഗരം അവന് കാണാമായിരുന്നു ...... എത്ര വില കൊടുത്തും എന്തൊരു സാധനവും എല്ലാവരെക്കാളും നല്ലത് നോക്കി വാങ്ങുന്ന പപ്പക്കും മമ്മക്കും കിട്ടിയ ഒരു വേർസ്റ്റ് പ്രോഡക്റ്റാണ് ഞാൻ ..... റിട്ടേൺ ചെയ്യാനോ റീപ്ലേസ് ചെയ്യാനോ ഓപ്ഷൻ ഉണ്ടായിരുന്നെങ്കിൽ അവരത് എന്നേ ചെയ്യുമായിരുന്നു....... അതിനൊന്നും കഴിയാത്തത് കൊണ്ട് അവർ തന്നെ സഹിക്കുക യാണ്‌....... സ്നേഹം കൊണ്ടോ വാത്സല്യം കൊണ്ടോ അല്ല താനിവിടെയുള്ളത്..... നിവൃത്തി കേട് കൊണ്ട് മാത്രമാണ്.......... ഇഷാനി അത്‌ പറയുമ്പോൾ സച്ചു അവളെ അത്ഭുതത്തോടെ യൊന്നു നോക്കി...... ഏറ്റവും വലിയ ബിസിനെസ്സ് മാന്മാരിലൊരാളായ രവി പിള്ളയുടെ ഒരേയൊരു മകളാണ് ഈ പറയുന്നത്..... പണത്തിനും സന്തോഷത്തിനും യാതൊരു ബന്ധവുമില്ലെന്നതിനു ഏറ്റവും വലിയ തെളിവാണ് അവളെന്ന് അവന് തോന്നി പ്പോയി...... അത്‌ കൊണ്ട് തന്നെയായിരിക്കാം അവൾ സ്നേഹത്തിനു വേണ്ടി ദാഹിക്കുന്നത്..... പണത്തിനോടോ ആർഭാഡത്തിനോടോ ഒട്ടും ആഗ്രഹമില്ലാത്തവളായി മാറിയത്..... സച്ചു അവളിലെ അവളെ പൂർണമായും മനസ്സിലാക്കുകയായിരുന്നു..... ആ കണ്ണുകളിൽ കണ്ട ദയനീയത അവളുടെ ജീവിതമാണെന്ന് അവൻ മനസ്സിലാക്കുക യായിരുന്നു........ പ്രതികരിക്കാനും എതിർക്കാനും അവളെ അനുവദിക്കാതെയെന്ന വണ്ണം അവളുടെ അച്ഛനും അമ്മയും അവളെ ഏതോ ഒരു ഇരുട്ടിൽ വരിഞ്ഞു മുറുക്കിയിരിക്കുകയാ ണെന്ന് അവനു വ്യക്തമായി....... അവളുടെ വ്യക്തിത്വത്തേയും ധൈര്യത്തെയും ആത്മാഭിമാനത്തെയും കൂടിയാണ് അവർ ചവിട്ടി മെതിച്ചിരിക്കുന്നത്.... ഒരു പക്ഷെ അവരും അവളും പോലുമറിയാതെ....... അവരുടെ മോശമായ പേരെന്റ്റിംഗ് കൊണ്ട് അവളുടെ ചിന്താ ശേഷി പോലും പൂർണമായി നശിച്ചിരിക്കുകയാണ്......... അവനവരോട് എന്തെന്നില്ലാത്ത ദേഷ്യം തോന്നി...... അവൻ പല്ലുകൾ കടിച്ചു......... അപ്പോഴും അരികിലിരിക്കുന്നവൾ വിതുമ്പുകയാണ്........ ഒറ്റപ്പെടലിന്റെയും അവഗണനയുടെയും മുറി പ്പാടുകൾ അവളുടെയുള്ളിൽ നീറുന്നുണ്ടെന്ന് അവന് തോന്നി....... ഉള്ളിൽ നിന്നൊരു തേങ്ങൽ പുറത്തേക്ക് വരാൻ ശ്രമിക്കും തോറും അവനതിനെ പിടിച്ചോതുക്കി........ അവൻ പതിയെ അവളുടെ നീളൻ വിരലുകളിൽ ഒന്ന് തൊട്ടു......... (തുടരും) Aysha Akbar #📔 കഥ