#📝 ഞാൻ എഴുതിയ വരികൾ # തുടർകഥ ഭാഗം 82 ## റിസോട്ടിലെ സ്വിമ്മിംഗ് പൂളിൽ മുങ്ങി നിവർന്നു സൂസി..... വെള്ളത്തിനു നല്ല തണുപ്പ്... എങ്കിലും മേനിയാകെ ചുട്ടു പൊള്ളുന്ന പോലെ.... രാവിലെ എത്തിയതാണ് ദേശായി സാറിനൊപ്പം... അയാളുടെ ഇങ്കിതങ്ങൾക്ക് വഴങ്ങി തളർന്നു കിടക്കുമ്പോഴാണ് അയാൾ ആദ്യമായി ഒരാവശ്യം ഉന്നയിക്കുന്നത്... ആദ്യം ഞെട്ടൽ തോന്നിയെങ്കിലും പിന്നീടാതൊരു മരവിപ്പായി മാറി... മറ്റൊരാൾക്ക് കിടപ്പറയിൽ വഴങ്ങി കൊടുക്കുന്ന ഏതൊരു സ്ത്രീക്കും ഇങ്ങനെ അവസ്ഥകൾ ഉണ്ടാവാറുണ്ട്... നീണ്ട 16വർഷത്തെ സഹവാസം ദേശയിയുമായി... ഇന്നേവരെ ഒരാവശ്യങ്ങൾക്കും തന്നെ ഉപയോഗിച്ചിട്ടില്ല.... ഇന്നിപ്പോ അയാൾ ആകെ പെട്ടു പോയികാണും.. അതാവണം മനസ്സില്ലാ മനസ്സോടെ തന്നോട് സഹായം ചോദിച്ചത്... ബിസിനസ്സിൽ പിടിച്ചു നിൽക്കാൻ ഒരു കേന്ദ്ര മന്ത്രിയോടൊപ്പം ഒരു രാത്രി.... അയാൾക്ക് തന്നെ കണ്ട നാൾ മുതൽ തോന്നിയ ഒരാഗ്രഹം.... താൻ അനുസരിച്ചു.... അതും ഭംഗിയായി... ആകെ നനഞ്ഞ തനിക്കിനി എന്ത് കുളിരാണ് ബാക്കിയുള്ളത്... അയാൾ മയക്കത്തിലാണ്... അയാളെ സന്തോഷിപ്പിച്ചതിന്റ പ്രതിഫലം ദേശായിയുടെ വക പുത്തൻ കാർ... റിസോട്ടിൽ കിടപ്പുണ്ട്.... നനഞ്ഞ സാരി ഒതുക്കി പിടിച്ചു സൂസി ചുറ്റിനും നോക്കി... മനോഹരമായ രാത്രി... പൂർണ്ണചന്ദ്രന്റെ പ്രഭയിൽ കുളിച്ചു റിസോട്ടും പരിസരവും... നിറയെ പൂത്തുലഞ്ഞു നിൽക്കുന്ന ദേവധാരു.... അപ്പോഴും ഒരു ചോദ്യം സൂസിയുടെ ഉള്ളിൽ കിടന്നു വീർപ്പുമുട്ടുന്നുണ്ടായിരുന്നു... ദേശായി പറഞ്ഞമുകുന്ദന്റ് കാര്യം... എന്തായിരിക്കും അത്...? മുകുന്ദൻ ഏജന്റെ ആണെന്ന്...? ആരുടെ...? തനിക്ക് അറിയാത്ത എന്ത് രഹസ്യമാണ് ഇവർക്കിടയിൽ... പതിയെ നനഞ്ഞ ഉടയടകളോടെ മുകളിലേക്ക് നടന്നു സൂസി.... (തുടരും )