#📙 നോവൽ son... 4 ഡിജിപി ഓഫീസിനു മുന്നിൽ കമ്മീഷണർ ദിനേശ് ചന്ദ്രന്റെ വാഹനം വന്നു നിന്നു.. വാഹനത്തിൽ നിന്നും ദിനേശ് ചന്ദ്രൻ നേരെ ഡിജിപി ഓഫീസിനകത്തേക്ക് പ്രവേശിച്ചു.. ഡിജിപി പാർത്ഥസാരഥി കാത്തുനിൽപ്പുണ്ടായിരുന്നു.. അകത്ത് പ്രവേശിച്ച കമ്മീഷണർ ദിനേശ് ചന്ദ്രൻ പാർത്ഥസാരഥിയെ സല്യൂട്ട് ചെയ്തു.. " ദിനേശ് ഇരിക്ക്.. " മുന്നിലിരിക്കുന്ന ചെയർ കാണിച്ചുകൊണ്ട് പാർത്ഥസാരഥി പറഞ്ഞു.. ദിനേശ് ചന്ദ്രൻ ചെയറിൽ ഇരുന്നു.. " പറയൂ എന്താണ് പുതിയ വിവരം.. മിസ്സിംഗ് കേസിൽ വെല്ല ക്ലൂവും കിട്ടിയോ.. " പാർത്ഥസാരഥി ചോദിച്ചു.. " ഇല്ല സർ ഇതുവരെ ഒരു തുമ്പും കിട്ടിയിട്ടില്ല.. ഇത് എളുപ്പം തെളിയിക്കാൻ പറ്റിയ ഒരു കേസ് ആയിട്ട് തോന്നുന്നില്ല.. ദിസ് ഈസ് എ കൊമ്പ്ലിക്കേറ്റഡ് കേസ്..ഇത് വരെ ഒരു തുമ്പും ഇല്ല.. തട്ടിക്കൊണ്ടു പോകുന്നത് ഒരാളും കണ്ടിട്ടുമില്ല..കുട്ടി മിസ്സായ കേസിൽ കുട്ടിയെ തട്ടിക്കൊണ്ടു പോയതായി ഒരു സാക്ഷി പോലുമില്ല.. ഏതു വാഹനത്തിലാണ് കിഡ്നാപ്പ് ചെയ്തുകൊണ്ട് പോയത്.. എന്താണ് അവരുടെ ഉദ്ദേശം.. ഒന്നുമറിയില്ല.. റൂറൽ എസ് പി പ്രദീപ് കുമാറിന്റെ നേതൃത്വത്തിലുള്ള പോലീസ് സംഘത്തെ ആണ് ഇതിന്റെ അന്വേഷണം ഏൽപ്പിച്ചിരിക്കുന്നത്. അവര് അന്വേഷണത്തിന്റെ ഭാഗമായി കുട്ടിയുടെ വീട്ടിൽ പോയിരുന്നു.. യാതൊരു എവിഡൻസും അവർക്ക് കിട്ടിയിട്ടില്ല.. സാധാരണ കുട്ടിയെ തട്ടിക്കൊണ്ടുപോയവർ പണമോ മറ്റോ ആവശ്യപ്പെടാറുണ്ട്.. ഇതിപ്പോൾ അങ്ങനെ ഒരു കോൾ പോലും അവർക്കാർക്കും വന്നിട്ടില്ല.. " ദിനേശ് ചന്ദ്രൻ പറയുന്നത് പാർത്ഥസാരഥി കേട്ടിരുന്നു.. " അതിന്റെ അർത്ഥം പണത്തിനു വേണ്ടിയല്ല കുട്ടിയെ തട്ടിക്കൊണ്ടു പോയിരിക്കുന്നത് എന്ന് അല്ലേ.. " ഡിജിപി ചോദിച്ചു.. "അതെ..സാർ.. സാർ എന്റെ നിഗമനം ശരിയാണെങ്കിൽ.. ഇത് കേവലം നിസ്സാരമായ ഒരു കിഡ്നാപ്പിംഗ് കേസ് അല്ല . എന്റെ ബലമായ സംശയം ഇതിന് പിന്നിൽ വെല്ല ഓർഗൺ മാഫിയ ആണോ എന്നാണ്.. അങ്ങനെയാണെങ്കിൽ കുട്ടിയുടെ മൃതദേഹം അവർ എവിടെയെങ്കിലും ഉപേക്ഷിച്ചു കാണും.. മിക്കവാറും കുട്ടിയുടെ ആന്തരികാവ്യവങ്ങൾ എടുത്തതിനുശേഷം പല കഷ്ണങ്ങളായി പല ജില്ലകളിലായിട്ടാവും ഉപേക്ഷിക്കുക.. അതും പോലീസിന് പെട്ടെന്ന് കണ്ടുപിടിക്കാൻ പറ്റാത്ത രീതിയിൽ.." " അങ്ങനെയാണെങ്കിൽ ദിനേശ് ഒരു കാര്യം ചെയ്യൂ.. ഇതിനു സമാനമായ വേറെ കേസുകൾ ഇതിനു മുൻപ് ഉണ്ടായിട്ടുണ്ടോ എന്ന് അന്വേഷിക്കുക.. പക്ഷേ നമുക്ക് വേറൊരു പ്രശ്നം ഉണ്ടല്ലോ ദിനേശ്.. കുട്ടിയെ തട്ടിക്കൊണ്ടു പോയവർ പോയ വാഹനം.. അവർ എവിടെ വെച്ച് പിടിച്ചു ഏതു വഴിയെ പോയി ഇതുവരെ നമുക്ക് യാതൊരു വിധ ക്ലൂവും കിട്ടിയിട്ടില്ല.. പിന്നെ ഒരു പ്രതീക്ഷയുള്ളത് ചിലപ്പോൾ ഇതിനു മുൻപുണ്ടായ കേസുകളിൽ എവിടെയെങ്കിലും ഒരു ക്ലൂ ഉണ്ടാവും.. എത്ര വിദഗ്ധനായ ക്രിമിനൽ ആണെങ്കിലും എവിടെയെങ്കിലും ഒക്കെ ഒരിക്കലെങ്കിലും പാളും.. " "സാർ.." " ഓക്കേ.. യു ക്യാരി ഓൺ.. നമുക്ക് തീരെ സമയമില്ല.. ഇനിയും ഇതുപോലെ ഒരു മിസ്സിംഗ് ഉണ്ടാവരുത്.. " ഡിജിപി ഒരിക്കൽ കൂടി ഓർമിപ്പിച്ചു.. ദിനേശ് ചന്ദ്രൻ ഡിജിപിയെ സല്യൂട്ട് ചെയ്തു പുറത്തേക്കിറങ്ങി.. രണ്ടുദിവസത്തിനുള്ളിൽ ആ വാർത്ത എല്ലായിടത്തും പരന്നു ശിരസ്സ് ഇല്ലാത്ത ഒരു പെൺകുട്ടിയുടെ മൃതദേഹം കണ്ടൽക്കാടിനടുത്തുള്ള പഴയ സ്മശാനത്തിന്റെ ഭിത്തിയിൽ തല കീഴായി തൂക്കിയിട്ടിരിക്കുന്നു.. കേട്ടവർ കേട്ടവർ ആ ഭാഗത്തേക്ക് പാഞ്ഞു.. ശിരസ്സില്ലാത്ത മൃതദേഹം എന്ന് കേട്ടതുകൊണ്ട് കുറെ പേർ പോകാൻ കൂട്ടാക്കിയില്ല.. എങ്കിലും ഇത്തരം കാഴ്ചകൾ കാണണമെന്നുള്ള ചില മലയാളികളുടെ ജിജ്ഞാസ പലരെയും പോകുവാൻ പ്രലോഭപ്പിച്ചു.. പോയി കണ്ടവർ ഒരു പ്രാവശ്യമേ നോക്കിയുള്ളൂ.. രക്തത്തിൽ കുളിച്ചുകിടക്കുന്ന ശിരസ്സില്ലാത്ത മൃതദേഹം.. പലരും ഒറ്റനോട്ടത്തിൽ തന്നെ ഭയന്ന് പിന്തിരിഞ്ഞു പോയി.. പോലീസ് വാഹനങ്ങൾ പാഞ്ഞു വന്നു.. കിട്നാപ്പിംഗ് കേസിലെ അന്വേഷണ ചുമതലയുള്ള റൂറൽ എസ് പി പ്രദീപ് കുമാറും ഡിവൈഎസ്പി അബ്ദുൾ നാസറും.. വേറെ ചില പോലീസ് ഉദ്യോഗസ്ഥരും അവിടെ എത്തി.. അതിനുമുൻപ് അവിടെ എത്തിയിരുന്ന ലോക്കൽ പോലീസുകാർ ആളുകളെ പരമാവധി അകറ്റിനിർത്തിയിരുന്നു.. പ്രദീപ് ചന്ദ്രന്റെ നേതൃത്വത്തിലുള്ള പോലീസ് സംഘം അവിടെ മുഴുവൻ അരിച്ചു പെറുക്കി.. ചില ഷൂസിന്റെ പാടുകൾ മണ്ണിൽ പതിഞ്ഞു കിടപ്പുണ്ടായിരുന്നു.. ************************** വിവരം ടിവിയിലെ വാർത്തയിൽ കൂടി കണ്ട എഡ്വിൻ ഭയന്നുപോയി.. അതുപോലൊരു കാഴ്ച ആദ്യമായാണ് അവൻ കാണുന്നത്.. പൊതുവേ ഭീരുവായ അവന് അതും കൂടി കണ്ടതോടെ ഭയം കൂടി.. സ്കൂൾ ഇരുന്നിട്ടും അവന്റെ ചിന്ത അതു തന്നെയായിരുന്നു.. പെട്ടെന്നാണ് എഡ്വിന്റെ തോളിൽ ഒരു കൈവന്ന് പതിഞ്ഞത് " ഡാ... " എന്നൊരു വിളിയും.. ഞെട്ടലോടെ എഡ്വിൻ തിരിഞ്ഞു നോക്കി.. അഭിജിത്ത് ആയിരുന്നു.. എഡ്വിന്റെ കണ്ണുകളിൽ ഭയം വന്നു.. " നിന്റെ പെങ്ങൾ എന്നെ തല്ലിയത് ഞാൻ മറന്നിട്ടില്ല കേട്ടോ.. എന്നുവെച്ച് അവളെ ഞാൻ ഒന്നും ചെയ്യില്ല.. അവൾ ഒരു പെണ്ണായി പോയില്ലേ.. പെണ്ണുങ്ങളെ തല്ലുന്നത് ആണുങ്ങൾക്ക് ചേർന്ന പണിയല്ലെന്ന എന്റെ അച്ചൻ പറയാറുള്ളത്.. അതുകൊണ്ട് അവളെ ഞാൻ ഒന്നും ചെയ്യില്ല.. പക്ഷേ അവളുടെ മുന്നിലിട്ട് നിന്നെ ഞാൻ തല്ലും.. അതെന്റെ ഒരു വാശിയാ... സമയമാകുമ്പോൾ എന്റെ ഇടികൊള്ളാൻ നീ തയ്യാറായിക്കോ.. " അഭിജിത്ത് പറഞ്ഞതും അഭിജിത്തിന്റെ കൂടെയുള്ള കൂട്ടുകാർ അട്ടഹസിച്ചു ചിരിച്ചു.. എഡ്വിൻ ഭയന്ന് ചെവി പൊത്തിപ്പിടിച്ചു.. " എന്താ ഇവിടെ.. സൈലന്റ്.. " ഹെഡ്മാസ്റ്റർ ജോസ്ഫൈന്റെ ശബ്ദം കേട്ടപ്പോൾ എല്ലാരും നിശബ്ദരായി.. പെട്ടെന്ന് എല്ലാവരുടെയും കണ്ണുകൾ ചെന്ന് പതിഞ്ഞത് ജോസ് ഫൈന്റെ പുറകിൽ നിൽക്കുന്ന സുമുഖനായ ചെറുപ്പക്കാരനിലാണ്.. എല്ലാവരും കൗതുകത്തോടെ അദ്ദേഹത്തെ നോക്കി.. പ്രത്യേകിച്ച് പെൺകുട്ടികൾ.. നല്ല വെളുത്ത നിറവും ഉണ്ടക്കണ്ണുകളും.. നീണ്ട വളഞ്ഞ മൂക്കും.. ചുരുണ്ട തലമുടിയും.. ഒരു ഹോളിവുഡ് താരത്തിനെ പോലെയുണ്ടായിരുന്നു അദ്ദേഹത്തിന്റെ രൂപം.. " ഹി ഈസ് ദി ന്യൂ ടീച്ചർ വു ഹാസ് ജോയിന്റഡ് യുവർ ക്ലാസ്.. " ജോസഫൈൻ അത് പറഞ്ഞപ്പോൾ പെൺകുട്ടികളുടെ കണ്ണ് വിടർന്നു.. അദ്ദേഹം പുഞ്ചിരിച്ചുകൊണ്ട് അകത്തേക്ക് കയറി.. മനോഹരമായ പുഞ്ചിരി.. പുഞ്ചിരിക്കുമ്പോൾ കവിളിൽ തെളിയുന്ന നുണക്കുഴി.. " ഹായ് ഡിയർ സ്റ്റുഡൻസ്.. മൈ നെയിം ഈസ് സാം.. സാം ഗ്ലാഡ്‌വിൻ.. എന്നെ കണ്ടപ്പോൾ ഒരു സായിപ്പിന്റേത് പോലെ തോന്നുന്നുണ്ടാവും നിങ്ങൾക്ക് അല്ലേ.. ഞാനൊരു ആംഗ്ലോ ഇന്ത്യൻ ആണ്.. ഈ പറങ്കികൾ എന്നൊക്കെ പറയില്ലേ അതുതന്നെ.. " നല്ല തമാശ ചേർന്ന രീതിയിൽ അദ്ദേഹം പറഞ്ഞു..നല്ല കട്ടിയുള്ള കരുത്തുള്ള ശബ്ദമായിരുന്നു അദ്ദേഹത്തിന്റെത്.. " ആദ്യം തന്നെ നമുക്കൊന്ന് പരിചയപ്പെടാം. ഓരോരുത്തരായി എഴുന്നേറ്റ് നിന്ന് പേര് പറയൂ.. " അദ്ദേഹം അത് പറഞ്ഞു കഴിഞ്ഞതും.. ഓരോ കുട്ടികൾ എഴുന്നേറ്റുനിന്ന് പേര് പറഞ്ഞു.. ദീപ്തി, രേഷ്മ, ശില്പ, രാഹുൽ, ദീപു, സൂരജ്, മനു, പ്രവീൺ, അഭിഷേക്, ആഷിക്ക്, ഓരോ കുട്ടികൾ ആവേശത്തോടെ തങ്ങളുടെ പേര് പറഞ്ഞു കൊണ്ടിരുന്നു എന്നാൽ എഡ്വിന് പെട്ടെന്ന് പറയാൻ കഴിഞ്ഞില്ല.. സാമിന്റെ മുന്നിൽ വിറച്ചുകൊണ്ട് നിൽക്കുന്ന എഡ്വിനെ കണ്ട് കുട്ടികൾ പൊട്ടിച്ചിരിച്ചു.. " മോനെന്തിനാ പേടിക്കുന്നത് പറയൂ പേര് പറയൂ.. " സാം അവനോട് ചോദിച്ചു.. എന്നാൽ അവന് പെട്ടെന്ന് പറയാൻ കഴിഞ്ഞില്ല.. " എ... എ.. " " സാറേ അവൻ പെട്ടെന്ന് പറയില്ല അവന് പേടിയാ പേടിത്തൊണ്ടനാണവൻ.. " അഭിജിത്ത് ഉച്ചത്തിൽ വിളിച്ചുപറഞ്ഞു.. അതുകേട്ട് എല്ലാ കുട്ടികളും പൊട്ടിച്ചിരിച്ചു. " സൈലൻസ്..." ഡസ്ക്കിൽ തട്ടിക്കൊണ്ട് സാം ഉച്ചത്തിൽ പറഞ്ഞു.. അതോടെ എല്ലാവരും നിശബ്ദരായി.. " എന്തിനാ എല്ലാവരും ഈ പാവത്തിനെ കളിയാക്കുന്നത്.. എല്ലാവരും നിങ്ങളെപ്പോലെ സ്മാർട്ട് ആവണമെന്നില്ല.. പലരും പല സ്വഭാവമാണ്.. അതിന് കളിയാക്കേണ്ട ആവശ്യമുണ്ടോ.. ഇവനും നിങ്ങളെ പോലെ തന്നെ ഒരു കുട്ടിയാണ്.. പിന്നെ പലർക്കും പല സ്വഭാവം ആയിരിക്കും.. അതിന് അകറ്റി നിർത്തുകയല്ല വേണ്ടത്.. നമ്മുടെ കൂടെ ചേർത്തുനിർത്തുകയാണ് വേണ്ടത്.. " സാം പറഞ്ഞപ്പോൾ കുട്ടികൾ ഒന്നും മിണ്ടിയില്ല.. സാം എഡ്വിന്റെ അടുത്ത് ചെന്നു തലയിൽ തലോടി.. " പേടിക്കണ്ട മോൻ കേട്ടോ.. ഇവിടെ ആരും നിന്നെ ഒന്നും ചെയ്യില്ല പിന്നെന്തിനാ പേടിക്കുന്നത്.. നീ ആദ്യം റിലാക്സ് ചെയ്യു എന്നിട്ട് പേര് പറയൂ.. നിന്റെ കണ്ണുകൾ അടയ്ക്ക് നോക്കട്ടെ.. " സാം പറഞ്ഞപ്പോൾ എഡ്വിൻ കണ്ണുകൾ അടച്ചു.. " ഇനി നിന്റെ മനസ്സ് ഏകാഗ്രമാക്ക്.." സാം പറഞ്ഞതുപോലെ എഡ്വിൻ ചെയ്തു.. " ഇനി നിന്റെ പേര് പറയൂ.. " " എഡ്വിൻ... എഡ്വിൻ ഫെർണാണ്ടസ്.. " " വൗ... വെരി ഗുഡ്.. ഇത്രയേ ഉള്ളൂ.. എല്ലാവരും ഒന്ന് കൈയ്യടിച്ചെ എഡ്വിന്.. " അഭിജിത്ത് ഒഴികെയുള്ള എല്ലാ കുട്ടികളും കയ്യടിച്ചു.. അതോടെ എഡ്വിന്റെ മുഖം തെളിഞ്ഞു.. " ആരെങ്കിലും എന്തെങ്കിലും ചോദിക്കുമ്പോൾ പേടിക്കരുത്.. വെപ്രാളപ്പെടുകയും ചെയ്യരുത്.. വെപ്രാളം വരുമ്പോഴാണ് ഉത്തരം കിട്ടാതെ വരുന്നത്.. അങ്ങനെ വരുമ്പോൾ വിയർക്കും പതറും... നമ്മൾ ആദ്യം റിലാക്സ് ചെയ്യണം. അതിനുശേഷം വേണം ഉത്തരം പറയാൻ. കേട്ടോ.." സാം പറഞ്ഞപ്പോൾ സന്തോഷത്തോടെ എഡ്വിൻ തല കുലുക്കി.. ക്ലാസ്സ് തുടങ്ങി.. എല്ലാവരും ശ്രദ്ധിച്ചിരുന്നു.. പ്രത്യേകിച്ച് പെൺകുട്ടികൾ..അത്ര മനോഹരമായിട്ടായിരുന്നു സാം ക്ലാസ് എടുത്തത്.. ഇന്റർവൽ ആയപ്പോൾ കുട്ടികൾ കളിക്കാനും മറ്റു പുറത്തേക്ക് പോയി.. എഡ്വിൻ അവിടെ തന്നെ ഇരുന്നു.. " എഡ്വിൻ.. " മധുരമുള്ള ഒരു ശബ്ദവും തണുത്ത ഒരു സ്പർശനവും.. എഡ്വിൻ ഞെട്ടലോടെ തിരിഞ്ഞുനോക്കി.. രേഷ്മയായിരുന്നു.. " എന്തിനാ എഡ്വിൻ അവിടെ തന്നെ ഇരിക്കുന്നത് പുറത്തേക്ക് പോകുന്നില്ലേ..." രേഷ്മ ചോദിച്ചു..എഡ്വിൻ മറുപടി പറഞ്ഞില്ല " എഡ്വിനെ.. എല്ലാവരും കളിയാക്കി ചിരിച്ചപ്പോൾ ഞാൻ കളിയാക്കിയില്ല കേട്ടോ.. " അവൾ എഡ്വിനോട്‌ പറഞ്ഞു.. എഡ്വിൻ അപ്പോഴാണ് അവളുടെ മുഖം ശ്രദ്ധിച്ചത്.. മനോഹരമായ മുഖം.. കുഞ്ഞിക്കണ്ണുകൾ.. സാം സാറിനെ പോലെ തന്നെ നുണക്കുഴിയുള്ള കവിളുകൾ.. നല്ല നീളമുള്ള മുടി.. രേഷ്മ ചുറ്റും കണ്ണോടിച്ചു.. എല്ലാവരും പുറത്തു പോയിരിക്കുകയാണ്.. പെട്ടെന്ന് മിന്നൽ വേഗത്തിൽ അവൾ എഡ്വിന്റെ ചുണ്ടിൽ ചുംബിച്ചു.. " ഐ ലവ് യു.. " അതും പറഞ്ഞ് അവൾ പുറത്തേക്ക് ഓടി.. എഡ്വിൻ ആകെ പതറി നിന്നു... ഇതെല്ലാം മാറിനിന്ന് രണ്ട് കണ്ണുകൾ കാണുന്നുണ്ടായിരുന്നു.. തുടരും...