#📝 ഞാൻ എഴുതിയ വരികൾ #തുടർകഥ ഭാഗം 85 ## ജെനിയുടെ നിലവിളി കേട്ടാണ് ഇൻസ്‌പെക്ടർ മീനു ഹാളിൽ നിന്ന് അകത്തേക്ക് പാഞ്ഞു വന്നത്... അതേ നിമിഷം കറന്റ് പോയി... ആരോ ഇരുളിൽ വന്നു ദേഹത്തു മുട്ടി... പെട്ടന്നായത് കൊണ്ട് വേച്ചു പോയി പിന്നിലേക്ക്... നിമിഷ നേരം കൊണ്ട് സമനില വീണ്ടെടുത്തു ആളേ വട്ടം ചുറ്റി പിടിച്ചു... കുതറി മാറാൻ അയാൾ ആവുന്നതും ശ്രമിക്കുന്നുണ്ടായിരുന്നു... മൽപ്പിടുത്തതിനിടയിൽ അയാളെ കീഴ്പ്പെടുത്തി മീനു. അപ്പോഴേക്കും വെളിയിൽ നിന്നിരുന്ന പോലീസുകാർ കൂടി അകത്തേക്ക് വന്നു... പെട്ടന്ന് കറന്റ് വന്നു... അപ്പോഴേക്കും ജെനി ഓടികിതച്ചു ഹാളിലേക്കെത്തി... അവൾ ഭയത്താൽ വിറയ്ക്കുന്നുണ്ടായിരുന്നു... ഗ്രന്ഥവുമായി രക്ഷപ്പെടാൻ ശ്രമിച്ചയാളെ കണ്ടു എല്ലാവരും അത്ഭുതപ്പെട്ടു... ദേവൻ....മരിച്ചു പോയ ഗാർഗിയുടെ ഭർത്താവ്.... അയാളെ പോലീസുകാർക്ക് വിട്ടുകൊടുത്തു മീനു നിലത്തു എഴുന്നേറ്റു..... നിങ്ങൾ... നിങ്ങൾ തിരികെ പോയില്ലേ...? മടങ്ങി പോകുവാണെന്നു എന്നോട് kalav പറഞ്ഞതാണ് അല്ലേ... വിയർപ്പിൽ കുളിച്ചു നിന്ന ദേവൻ തലതാഴ്ത്തി നിന്നു.... ഒന്നും മിണ്ടാതെ.. നിലത്തു വീണു കിടന്ന പട്ടിൽ പൊതിഞ്ഞ ഗ്രന്ഥം കൈയിലെടുക്കവേ മീനു അത്ഭുതപ്പെട്ടു.... സാധാരണയിൽ കവിഞ്ഞ ഭാരം... അതിനുള്ളിൽ എന്തോ ഉണ്ടെന്ന് അവൾക്ക് തോന്നി... ജെനി.... നീ ഭയന്നോ...? ഉവ്വ്... ജെനിയുടെ ശബ്ദത്തിൽ പതർച്ച... ഇയാൾ എങ്ങനെ ഇതിനുള്ളിൽ എത്തി...? സംശയത്തോടെ മീനു ജെനിയെ നോക്കി.. അറിയില്ല മാഡം സത്യം... മാത്രമല്ല ഗാർഗിയെ അറിയും പരിചയവുമുണ്ട്... പക്ഷേ ഇയാളെ അടുത്ത് പരിചയം ഇല്ല... അതെന്താ... ഗാർഗിയുമായി ചങ്ങാത്തം ഇല്ലായിരുന്നോ...? മിണ്ടുമായിരുന്നു. പക്ഷേ അവൾക്ക് എന്നോട് നീരസം ഉണ്ടായിരുന്നു... അതെന്തിന്... മുകുന്ദേട്ടനോട് മിണ്ടുന്നതിൽ അവൾക്ക് എതിർപ്പുണ്ടായിരുന്നു... വെറുതെ ഒരു ഈഗോ... ഒന്ന് ചോദിച്ചോട്ടെ ജെനി... അവളെ അൽപ്പം മാറ്റി നിർത്തി പതിഞ്ഞ ശബ്ദത്തിൽ മീനു ചോദിച്ചു.... ശരിക്കും ഈഗോ മാത്രമായിരുന്നോ.. അതോ...? ഇല്ലാ മാഡം. അവൾക്ക് സംശയം ആയിരുന്നു. ഞങ്ങൾ തമ്മിൽ.... പക്ഷേ ഞങ്ങൾക്ക് അങ്ങനെ ഒന്നുമില്ലായിരുന്നു... കാരണം മുകുന്ദേട്ടൻ ഒരു ജന്റിൽ മാൻ ആയിരുന്നു. ഒരു സഹോദരി എന്നോണം എന്നെ കണ്ടിരുന്നത്. ഞാനും... ഓക്കേ ഓക്കെ... എന്തായാലും ഞാനിതു കൊണ്ട് പോകുന്നു. തിരികെ തരും നിങ്ങൾക്ക് അവകാശപെട്ടത് ആണെങ്കിൽ... അല്ലെങ്കിൽ..... പെട്ടന്നൊരു വാഹനത്തിന്റ വെളിച്ചം മുറ്റത്ത് പതിച്ചു. ഒപ്പം വണ്ടി ബ്രേക്ക്‌ ഇടുന്ന ഒച്ചയും....... എല്ലാവരും അങ്ങോട്ടേക്ക് നോക്കി... (തുടരും )