#🧐நாட்டு நடப்பு #📽சினிமா தகவல்கள் #🎬 சினிமா #🗞அரசியல் தகவல்கள் பிப்ரவரி 10 கடந்த 30 வருடங்களாக சினிமாவில் வெற்றிபெற போராடிய திருமாறன், கடந்த 2024 பிப்ரவரி 10ம் தேதி மரணம் அடைந்தார். 1994ல் வி.சேகர் இயக்கிய 'காலம் மாறிப் போச்சு' என்ற படத்தில் உதவி இயக்குனராக இருந்த அவர், 1998ல் 'கோல்மால்' என்ற படத்தில் 'வாடா வான்னா', 'ஹே பாப்பா... ஓ பாப்பா' ஆகிய பாடல்களை எழுதினார். திரைக்கதை விவாதத்தில் பங்கேற்றார். பிறகு இராம.நாராயணன் இயக்கிய 'மாயா' படத்தில், 'தத்தக்கா பித்தக்கா' என்ற பாடலை எழுதினார். 'மகளிர்க்காக' படத்தில் அசோசியேட் டைரக்டராகப் பணியாற்றும்போது அந்தோணி தாசனை நடிகராக அறிமுகப்படுத்தினார். பாடல் எழுதும் திறமையுடன், அதற்கு மெட்டமைக்கும் திறமையும் பெற்றிருந்தார். அவர் எழுதிய பாடல்களுக்கு மெட்டமைத்து இனிமையாகப் பாடுவார். பாடகராகவும், இசை அமைப்பாளராகவும் மாறிய அந்தோணி தாசனிடம் ஒரு பாடலை திருமாறன் பாட, அப்பாடல் அந்தோணி தாசனுக்கு மிகவும் பிடிக்க, 'இப்பாடலை எங்களின் ஃபோக் மார்லி ரெக்கார்ட்ஸ் நிறுவனத்தின் மூலமாக வெளியிடுகிறேன்' என்று திருமாறனிடம் சொன்னார். 1998க்குப் பிறகு கிட்டத்தட்ட 25 வருடங்கள் கழித்து மீண்டும் பாடலாசிரியராக வருகிறார், திருமாறன். அதாவது, அந்தோணி தாசன் இசையில் அவர் எழுதிய 'சுதந்திர தேசமே வந்தே மாதரம்' என்ற பாடலை சித்ரா, சங்கர் மகாதேவன், ஜி.வி.பிரகாஷ் குமார், அந்தோணி தாசன், கேசவ் ராம், ரீத்தா அந்தோணி தாசன், ஹஷ்வந்த், மீனாட்சி இளையராஜா, வர்ஷினி ஆகியோர் பாடினர். ஒரு படத்தில் முக்கிய வேடத்தில் நடிக்க இருந்த நேரத்தில் திருமாறன் மரணம் அடைந்தார். அவருக்கு மனைவியும், மகளும் இருக்கின்றனர்.