आईच्या आत्म्याला मुक्ती मिळावी. आईचा आत्मा भटकत राहू नये. म्हणून मुलाने सती मंदिर बांधलेला शिलालेख..सति आई माता मंदिर शिलालेख तांदुळवाडी...हा शिलालेख पुणे जिल्ह्यातील बारामती जवळ असलेल्या मौजे तांदुळवाडी गावातील भैरवनाथ जोगेश्वरी मंदिरापुढे कॅनॉल पाट शेजारी असलेल्या सतिआई मंदिरावर खालच्या भागाच्या पायरीवर कोरलेला आहे. शिलालेख खोदीव स्वरूपाचा असून ७ ओळीचा असून देवनागरी मिश्र जुनी बाळबोध मराठी भाषेत आहे काळाच्या ओघात शिलालेखाची अक्षरे तुटक तुटक व झिजलेली असून पुसट झालेली आहेत. त्यामुळे शब्द नीट लगत नाहीत. गावाचे नाव : तांदुळवाडी , ता.बारामती , जि. पुणे शिलालेखाचे वाचन : १ माता ण फिरे २ कोष्ट दोन घेत ३ ले थडे यांनी रा ४ घले यास कोनी ५ मुजावी मंहो ६ न याचे घरावर ७ गधा गाडव जी.पी.एस. :१८. १८ ” ६२ ’ ५ ० ,७४. ५८ ’’४८ ’ ३८ शिलालेखाचे स्थान : सटवाई मंदिरावर खालच्या चौथरा भिंतीवर एका पायरीवर कोरलेला आहे. अक्षरपद्धती : कोरीव स्वरूपाचा लेख आहे भाषा : बाळबोध मराठी देवनागरी मिश्र स्वरूप प्रयोजन : मातेच्या स्मरनार्थ समाधी बांधणे / त्याची स्मृती जपणे. मिती/ वर्ष : काळ वर्ष : १५ वे ते १६ वे शतक कारकीर्द : बहामनी राजवट (निजामशाही ) शिलालेखाचे वाचक/संशोधक : श्री .विक्रांत सुकुमार मंडपे, श्री.अनिल दुधाने सर. अर्थ : आपली माता भटकत राहू नये. म्हणजे जी (आई) माता सती गेलेली आहे, तिचा आत्मा कोठेही भटकत राहू नये त्या आत्म्याला मुक्ती मिळावी म्हणून दोन कोष्ठ केली म्हणजेच देवळी बांधली (समाधी मंदिर बांधले) तिच्या आत्म्याचे रक्षण केले .मातेचे थडे बांधले. आणि याला कोणी मुजवू नये म्हणजेच त्याला गाडून टाकू नये, नष्ट करू नये आणि असे कोणी म्हणेल किंवा करेल त्याच्या घरावर गधा गाढव, म्हणजेच त्याच्या पूर्ण कुटुंबावर गाढवाचा नांगर फिरेल असे शाप वचन दिले आहे.. शिलालेखाचे महत्व : हा शिलालेख एका सती मंदिरावर आहे. एका मुलांची आई (माता) सती गेलेली आहे. सती गेलेल्या आपल्या आईचा आत्मा कुठेही भटकत फिरू नये त्याला एका देवळीत (कोष्ठ) कायमची जागा मिळावी म्हणून एका मुलाने आपल्या मातेच्या स्मरणार्थ एक समाधी मंदिर बांधावे. यावरून त्या मुलाचे आपल्या आईच्या प्रती असणारा स्नेह माया, ममता, प्रेम या गोष्टीतून दिसून येते आणि सदर गोष्टीचे किवा ठिकाणाचे कोणी नुकसान करू नये. यासाठी भीतीदायक शाप देवून ती घटना समाजासमोर कायमची शिलालेख स्वरुपात कोरून ठेवणे हेच या शिलालेखाचे विशेष महत्व आहे.. ♥️ टीप : या कार्यात विद्या प्रतिष्ठान चे मनोज कुंभार #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त