#📙 നോവൽ -ഹൃദയത്തിന്റെ അവകാശി 💜💜 🔻 പാർട്ട് _112 ✍️ രചന - ജിഫ്‌ന നിസാർ ❤‍🔥 അതി ഭയങ്കരമായയൊരു വേദനയോടെയാണ് അർജുൻ കണ്ണ് തുറന്നത്. ശരീരത്തിൽ എവിടെയാണ് തനിക്ക് വേദന അനുഭവപ്പെടുന്നതെന്ന് മനസ്സിലാക്കാൻ കഴിയാത്ത ദുരവസ്ഥയിലായിരുന്നു അവൻ.. അരയ്ക്ക് താഴേക്ക് ഒരു മരവിപ്പാണ്.. വലതുകാലിൽ കുറേശ്ശെയൊക്കെ അനക്കാൻ പറ്റുന്നെങ്കിലും ഇടതുകാലിൽ മരത്തിൽ തൊട്ടതുപോലെ..മരവിപ്പാണ്. ആ ഭാഗത്ത് തൊടുന്നതും പിടിക്കുന്നതുമൊന്നും അറിയുന്നില്ലെന്ന് അനേകം പ്രാവശ്യത്തെ പരീക്ഷണങ്ങൾക്കൊടുവിൽ അർജുൻ തന്നെ മനസ്സിലാക്കിയ ഒരു ഭീകരസത്യമായിരുന്നു.. അപ്പോഴും തോന്നലായിരിക്കുമെന്ന് അവൻ വെറുതെ കരുതി.. ആശ്വാസിച്ചു. ആ കാലിന്റെ ഒരു ഓപ്പറേഷൻ ഉണ്ടെന്നാണ് നേഴ്സ് പറഞ്ഞിരുന്നത്..രാവിലെ ഉണ്ടാവും എന്ന് പറഞ്ഞിട്ട് പിന്നെ ഒരനക്കവുമില്ല.. അത് കൂടി കഴിഞ്ഞാലേ മുറിയിലേക്ക് മാറ്റൂ.. ഒടുവിൽ ഓപ്പറേഷന് കൊണ്ട് പോകുകയാണെന്ന് പറഞ്ഞു കൊണ്ടാ മുറിയിൽ നിന്നും മാറ്റിയുമ്പോൾ ആശ്വാസമായിരുന്നു.. ബോധം വീഴുന്ന അവസ്ഥയിലെല്ലാം എന്താണ് തന്റെ അവസ്ഥയെന്നും.. തനിക്ക് ഇതിൽ നിന്നൊരു മോചനമുണ്ടാവില്ലേ എന്നൊക്കെയുള്ള ചിന്തകളും ആയി.. അവനങ്ങനെ പകച്ചു കിടക്കും.. ഇടയ്ക്കിടെ അവിടെയുള്ള നേഴ്‌സുമാരോട് ഓരോരോ സംശയങ്ങളും ചോദിക്കാറുണ്ട്.. തൃപ്തിപ്പെടുത്തുന്ന ഒരു ഉത്തരവും കിട്ടുന്നില്ലെങ്കിലും ആശ്വസിക്കാൻ വകയുള്ള എന്തെങ്കിലുമൊക്കെ ആരെങ്കിലും പറയും.. അപ്പോഴും അതെല്ലാം തന്നെ ആശ്വസിപ്പിക്കാൻ വേണ്ടി വെറുതെ പറയുന്നതാണെന്ന് ഒരു തോന്നലും അവന്റെയുള്ളിൽ ശക്തമാവാറുണ്ട്.. അതിനു കാരണം അത്രയും ദയനീയമാണ് തന്റെ അവസ്ഥയെന്നത് തന്നെയാണ്. ഒന്ന് തിരിയാൻ കഴിയാതെ.. ദീർഘമായൊന്നു ശ്വാസമെടുക്കാൻ കൂടി കഴിയാതെ വേദനിച്ചു കൊണ്ടിരിക്കുന്ന ശരീരം.. ചെയ്യേണ്ട നേരത്ത് ചെയ്യാതെ ഈ പ്രഹസനം കൊണ്ടൊന്നും ഇനിയെന്ത്.. ഇതുകൊണ്ടൊന്നും വലിയ കാര്യമുണ്ടെന്ന് തോന്നുന്നില്ല.. വെറുതെ പണം കളയുന്നതും മിച്ചം..ആ നേരത്ത് ഇവനന് നല്ലൊരു വീൽചെയർ വാങ്ങി കൊടുക്കേണ്ടതാണ്.." ഇന്നത്തെ ഓപ്പറേഷത്തിനു വേണ്ടി സഡേഷൻ തന്ന് മയക്കുന്നതിനു ശേഷമുള്ള ആ ഡോക്ടറുടെ വാക്കുകൾ...അവന്റെ ഹൃദയത്തിൽ അതങ്ങനെ പറ്റിപ്പിടിച്ചു കിടപ്പുണ്ട്.അപ്പോൾ മുതൽ. ബോധം പൂർണ്ണമായും നഷ്ടപ്പെട്ടിട്ടില്ലാത്ത സമയത്ത് തന്റെ കാതിലേക്ക് വന്നലച്ച ആ വാക്കുകളുടെ അർത്ഥവും വ്യാപ്തിയും അവനെ വല്ലാതെ ഭയപ്പെടുത്തുന്നുണ്ട്... ബോധം വീണ നിമിഷം മുതൽ.. തനിക്കിനി ഒരിക്കലും എഴുന്നേറ്റ് നടക്കാൻ കഴിയില്ലെന്ന് അവന്റെ ഉപബോധമനസ്സ് ഓർമിപ്പിക്കുമ്പോഴൊക്കെയും മഞ്ഞിൽ പൊതിഞ്ഞതുപോലെ അവൻ വിറച്ചു കൊണ്ടിരുന്നു..ആരോടും തുറന്നു പറയാൻ കഴിയാതെ അതങ്ങനെ അവന്റെ ഇട നെഞ്ചിൽ വിങ്ങി.. വേദനയനുഭവിച്ച് കണ്ണുതുറന്ന് ബോധത്തോടെ കിടക്കുന്ന നിമിഷങ്ങളിലെല്ലാം ചിന്തകൾ ഒരു നീരാളിയെ പോലെ നാലുപാടും ചുറ്റിവരിഞ്ഞു കൊണ്ട് അവനെ വേദനിപ്പിക്കാറുണ്ട്.. ചെയ്തുകൂട്ടിയ അനീതികളെല്ലാം ഒരു പുനപരിശോധനയ്ക്ക് റെഡിയെന്ന പോലെ അവന്റെ മുന്നിൽ..നിരന്നു നിൽക്കും. നല്ലതെന്തെങ്കിലും ചെയ്തുവെന്ന് വെറുതെ പറയാൻ പോലും ഒന്നുമില്ലാത്ത അവസ്ഥ.. ചെയ്തുകൂട്ടിയതെല്ലാം അനീതികളും ക്രൂരതകളും. സ്വന്തം സുഖവും സംതൃപ്തിയും സന്തോഷവും മാത്രം മുന്നിൽ കണ്ടുകൊണ്ട് ആഹ്ലാദിച്ചും അർമ്മാദിച്ചു നടന്നിരുന്ന നാളുകൾ. ധൂർത്തടിച്ചു തോന്നിയതുപോലെ ഉപയോഗിച്ചും കളഞ്ഞു കുളിച്ച നിരവധി ലക്ഷങ്ങൾ.. അതെല്ലാം വീണ്ടും വീണ്ടും അവന് മുന്നിലേക്ക് വേദനിപ്പിച്ചു കൊണ്ട് വന്നെത്തി കൊണ്ടിരിക്കും.. ഓരോ നിമിഷവും. ഏറ്റവും വലിയൊരു തെറ്റ്.. ശ്രീ ബാലയുടെ വേദന നിറഞ്ഞ മുഖം.. അവനെ കൊളുത്തി വലിച്ചു.. അന്നവളിൽ കണ്ടിരുന്ന നിസ്സഹായത.. ഡെവിയുടെ പേരിൽ ക്രൂരമായി അവളെ അവഹേളിച്ചു രസിച്ചു.. അപമാനത്തിന്റെ ദുർഗന്ധം വമിക്കുന്നൊരു ചേറിന്റെ ചതുപ്പിലേക്ക് അവളെ തള്ളി വീഴ്ത്തി.. അതിൽ അവൾക്കൊപ്പം കിടന്നു രമിച്ച എത്രയോ ദിനങ്ങൾ. ആ പിടച്ചിലും നോവും ലഹരി പോലെ കൊണ്ട് നടന്നിരുന്ന സൈക്കോ മനസുള്ള താൻ.. പ്രാപിച്ചു സ്വന്തമാക്കും മുന്നേ... താൻ മറ്റ് സ്ത്രീകൾക്കൊപ്പം ഉല്ലസിച്ച... അർമാധിച്ച നക്ന ചിത്രങ്ങളും വിഡിയോ കളും അവളെ കാണിക്കും.. അത്‌ പോലെ അവളെ കൊണ്ടും ചെയ്യിക്കും.. അന്നവൾ എത്ര മാത്രം അനുഭവിച്ചിരുന്നു.. അതേ അനുഭവങ്ങൾ തന്നെ തനിക്കെതിരെ തെളിവാക്കി കൊണ്ട് ഒരു തീ ഗോളം പോലെ ജ്വലിക്കുന്ന ശ്രീ ബാല.. ആ കിടപ്പിലും അർജുനെ ഭയപ്പെടുത്താൻ മാത്രം കെൽപ്പുണ്ടായിരുന്നു അവളുടെ കണ്ണിലെ ദേഷ്യത്തിനും പകക്കും.. 💜💜 വലിയ ശബ്ദത്തിൽ പാട്ടൊക്കെ ഇട്ട് മുണ്ട് മടക്കി കുത്തി ഒരു കൈയില്ലാത്ത ബനിയനും... തലയിൽ ചുറ്റി കെട്ടിയ ഒരു തോർത്തുമൊക്കെയായി അടുക്കളയിലെ അങ്കത്തിലാണ് ഡെവി.. ഇന്ദിരാമ്മയും കൂടെയുണ്ട്.. സാന്ദ്ര അങ്ങോട്ട് വന്നു ആധിപത്യം സ്ഥാപിക്കും മുന്നേ അവനും അമ്മയും കൂടി അങ്ങനെയുള്ള കലാരൂപങ്ങൾ അരങ്ങേറുന്ന അരങ്ങേറ്റ വേദി കൂടിയായിരുന്നു ആ അടുക്കള.. അന്നും ബാല അവന്റെ ഒരു സ്വകാര്യ ദുഃഖമാണ്..സന്തോഷമാണ്. ഡേവിഡിന്റെ ഉള്ള പൊള്ളിക്കുന്ന വേനലും.. ഉയിരു തണുപ്പിക്കുന്ന ശൈത്യവും അവൾ ഒറ്റയൊരുത്തി..മാത്രം. ഓർമ്മകൾ കൊണ്ട് അവളെൽപ്പിക്കുന്ന പൊള്ളലുകൾക്ക് മീതെ.. മഞ്ഞുതുള്ളി പോലെതഴുകി തണുപ്പിക്കാനും അവൾ ധാരാളമായിരുന്നു.. അവൾ സ്വന്തമല്ല എന്നുള്ളതൊന്നും അവനെ വേദനിപ്പിക്കാവുന്ന ഒരു കാരണമേ അല്ലായിരുന്നു.. ശ്രീബാല അവന്റെ പ്രണയം മാത്രമാണെന്നുള്ള ഓർമ്മ അവനെ സന്തോഷിപ്പിക്കുകയും ചെയ്തിരുന്നു.. ഹൃദയംകൊണ്ടവൻ അവളുടേതായിരുന്നു..അവൾ അവന്റെതും.. അതിനിടയിലേക്ക് സാന്ദ്ര കൂടി വന്നതോടെയാണ് അവന്റെ ജീവിതത്തിന്റെ താളംപിഴച്ചു തുടങ്ങിയതും. എത്രയൊക്കെ അകറ്റിനിർത്താൻ ശ്രമിച്ചിട്ടും വീണ്ടും വീണ്ടും തന്നിലേക്ക് പറ്റിക്കൂടുന്ന സാന്ദ്ര അവനെ കുറച്ചൊന്നുമല്ല അസ്വസ്ഥതപ്പെടുത്തിയത്. അതില്ലാതാക്കാൻ വേണ്ടി വീട്ടിലേക്ക് വരുന്നതു പോലും അവൻ മനപൂർവ്വം വെട്ടികുറച്ചിരുന്നു.. അവനും അവന്റെ അമ്മയും മാത്രമുള്ള ലോകം.. അതായിരുന്നു അവളുടെ വരവോടെ അവന് ഏറ്റവും നഷ്ടമായിരുന്നതും.. ഡാ... ഇന്ദിരാമ തട്ടിവിളിക്കുമ്പോഴാണ് ഡെവി തിരിഞ്ഞു നോക്കിയത്.. " അത് കരിഞ്ഞു നാശമായി... നീ എന്തോർത്തിരിക്കുവാട.. " കണ്ണുരുട്ടി കൊണ്ട് അവന്റെ കൈയിലെ തവി പിടിച്ചു വാങ്ങി അടുപ്പത്തിരിക്കുന്ന പാത്രത്തിലേക്ക് ഇളക്കി..അവർ തീ കുറച്ചു വെച്ചിട്ട് അത് നന്നായിട്ട് ഇളക്കി.. ശോ.. അവനൊന്നു തലക്ക് തട്ടി.. ഞാൻ പറഞ്ഞതല്ലേ ഞാൻ ഉണ്ടാക്കിക്കൊള്ളാന്ന്..അപ്പൊ വലിയ ആളായി അവനത് ഏറ്റെടുത്തത്തു.. ഇതിപ്പോ വായിൽ വെക്കാൻ കൊള്ളുവോ..ഇനിയും ഉണ്ടാക്കണ്ടേ.. " കപടമായ ദേഷ്യത്തോടെ ഇന്ദിരാമ്മ കണ്ണുരുട്ടി കാണിക്കുമ്പോൾ ഡെവി അവരെ പിന്നിൽ നിന്ന് ഒതുക്കിപ്പിടിച്ചു കവിളിൽ ഉമ്മ വച്ചു.. മകന്റെയാ സ്നേഹവായ്പ്പിൽ നിറയാൻ തുടങ്ങിയ കണ്ണുകളെ ശാസിക്കുന്നത് പോലെ ഇന്ദിരാമ്മ കണ്ണടച്ചു പിടിച്ചു.. തനിക്ക് മുന്നിൽ ഇങ്ങനെയൊക്കെ അഭിനയിക്കുന്നുണ്ടെങ്കിലും സാന്ദ്രയെ കുറിച്ചോർത്ത്...അവളുടെ ജീവിതത്തെക്കുറിച്ച് ആ മനസ്സ് പുകയുന്നുണ്ടെന്ന് ഡെവിക്കും അറിയാമായിരുന്നു.. " ബാലയോടുള്ള നിന്റെ ഇഷ്ടം നീ തുറന്നു പറഞ്ഞതു മുതൽ അവൾ നിന്നിൽ നിന്നും തിരിഞ്ഞു നടക്കാൻ ഒരുങ്ങിയതായിരുന്നു മോനെ.. ഞാൻ പറഞ്ഞിട്ടാണ്... എനിക്ക് വേണ്ടിയിട്ടാണ് അവൾ വീണ്ടും നിന്റെ വഴിയിലേക്ക് തന്നെ തിരികെ വന്നത്. ഞാനാണ് അവൾക്ക് വീണ്ടും മോഹം കൊടുത്തത്.. ഞാനാണ് അവളെ വീണ്ടും പറഞ്ഞു തിരുത്തി നിന്നിലേക്ക് തന്നെ വഴി തിരിച്ചുവിട്ടത്.. അതുകൊണ്ട് അവളോട് ദേഷ്യമൊന്നും കാണിക്കരുത്.. അവൾക്ക് നിന്നോട് ഇഷ്ടം ഉണ്ടായിരുന്നു എന്നത് നേര് തന്നെയാണ്.. ആ ഇഷ്ടത്തോട് കൂടി തന്നെ അവൾ നിന്നിൽ നിന്ന് തിരിഞ്ഞു നടക്കാൻ ഒരുങ്ങിയതുമാണ്.. അതുകൊണ്ട് നീ ആ പെണ്ണിനോട് ദേഷ്യം കാണിക്കരുത്.. അതിന്റെ ശാപം കൂടി നിന്റെ അമ്മയായിരിക്കും ഏറ്റുവാങ്ങേണ്ടി വരിക". കഴിഞ്ഞദിവസം രാത്രി ആ കൂടെ ചേർന്നു കിടക്കുമ്പോൾ ഇന്ദിരാമ പറഞ്ഞ വാക്കുകൾ ഡെവിയുടെയുള്ളിൽ ഉണ്ടായിരുന്നു.. അതിൽ ഒരു അല്പം പോലും നുണയുണ്ടായിരുന്നില്ലെന്നും ഡെവിക്കറിയാമായിരുന്നു.. ഈ ജന്മം ഇനിയൊരു നുണ പറയാൻ തനിക്കു മുമ്പിൽ അമ്മയ്ക്ക് ധൈര്യമുണ്ടാവില്ലെന്ന് അവനുറപ്പാണ്.. അത്രമാത്രം തന്നെയോർത്തും തന്നോട് ചെയ്ത തെറ്റൊർത്തുകൊണ്ടും ആ അമ്മ മനസ്സ് വേദനിക്കുന്നത് അവനറിയാമായിരുന്നു.. വീണ്ടും എന്തൊക്കെയോ പറഞ്ഞു പാചകം ചെയ്തു അവർ നിൽക്കുന്നതിനിടയിലേക്ക് തന്നെയാണ് ഡെവിയുടെ ഫോൺ ബെല്ലടിച്ചത്.. സന്ദീപാണ് വിളിക്കുന്നത്. ഇന്ദിരമ്മയെ ഒന്ന് നോക്കിയിട്ടാണ് അവനാ ഫോണെടുത്തത്.. "പറ സന്ദീപ്..." ടാപ്പ് തുറന്ന് കൈ കഴുകി ഇന്ഥിരാമ്മയുടെ വിളറിയ മുഖത്തേക്ക് നോക്കി കണ്ണ് ചിമ്മി കാണിച്ചുകൊണ്ട് ഡെവി അടുക്കളയിൽ നിന്നും പുറത്തേക്ക് നടന്നു.. എനിക്കൊന്നു കാണണമെന്നും കുറച്ചു സംസാരിക്കാനുണ്ടെന്നും പറഞ്ഞുകൊണ്ടാണ് സന്ദീപ് വിളിച്ചിരുന്നത്.. വീട്ടിലേക്ക് വരട്ടെ എന്ന് ഡെവിയോടവൻ ചോദിച്ചു.. വന്നോളാൻ ഡെവി അവനോട് ആവശ്യപ്പെടുകയും ചെയ്തു.. പിന്നെ തോന്നി അവനെ അഭിമുഖീകരിക്കാൻ അമ്മക്കൊരു ചമ്മലുണ്ടെന്ന്.. എന്റെ വീട്ടിലേക്കല്ല സന്ദീപ്..നീ ശ്രീയുടെ വീട്ടിലേക്ക് വാ ഞാനവിടേക്കുള്ള വഴി നിന്റെ വാട്സാപ്പിലൂടെ ഷെയർ ചെയ്യാം എന്ന് പറഞ്ഞിട്ട് ഡെവി തന്നെ ആ പ്രശ്നത്തിന് ഒരു പരിഹാരവും നിർദ്ദേശിച്ചു.. സന്ദീപും അത് സമ്മതിക്കുകയും ചെയ്തു.. സന്ദീപ് കാണാൻ വരുന്നുണ്ടെന്ന് അവന് എന്തോ സംസാരിക്കാൻ ഉണ്ടെന്നുമൊക്കെ ഇന്ദിരാമ്മയോട് പറഞ്ഞിട്ടാണ് ഡെവി റെഡിയാകാൻ വേണ്ടി പോയത്.. ശ്രീയോട് വിളിച്ചിട്ട് സന്ദീപ് അങ്ങോട്ട് വരുന്നുണ്ടെന്ന് പറയാനും മറന്നില്ല.. ❤‍🔥❤‍🔥 ഡെവിയാണ് ശ്രീയുടെ വീട്ടിൽ ആദ്യം എത്തിയത്.. ഇതെന്താണ് നിന്റെ കയ്യില്.." അത്യാവശ്യം വലിയൊരു കവർ തന്നെ അവന്റെ കൈയിലുണ്ടെന്ന് കണ്ടതും ശ്രീ നെറ്റി ചുളിച്ചു കൊണ്ട് ചോദിച്ചു.. "ഇത് നിനക്കല്ല.. ഇതെന്റെ ഭാര്യക്ക്.. വരുത്തിക്കൂട്ടിയ ഗൗരവത്തോടെ ഡെവി പറഞ്ഞു കേട്ടതും ശ്രീക്ക് ചിരി നിയന്ത്രിക്കാൻ കഴിഞ്ഞില്ല.. തലയറഞ്ഞ് ചിരിക്കുന്നവന്റെ തലക്കിട്ടൊന്നു കൊടുക്കാനാണ് ഡെവിക്കപ്പോൾ തോന്നിയത്.. ചെല്ലങ്ങോട്ട്... ഈ കവർ വച്ച് തന്നെ അവൾ നിന്നെ അടിച്ചു പുറത്താക്കും.." ശ്രീ പറഞ്ഞതിനെ തീർത്തും പുച്ഛിച്ചു കൊണ്ട് ഡെവി അകത്തേക്ക് ചെന്നു. അങ്കിൾ ഉണ്ടോടാ അകത്ത്.. " സിറ്റൗട്ടിൽ നിന്നും അകത്തേക്ക് കയറും മുമ്പ് ഡെവി ശ്രീയോട് തിരിഞ്ഞു നിന്ന് ചോദിച്ചു.. അച്ഛൻ കിടക്കുകയാണ്.. പേടിക്കേണ്ട. ശ്രീ ചിരിയോടെ പറഞ്ഞു.. "പേടിയോ.. ആർക്.. അവളെന്റെയാണ് ഹേ.. ഇപ്പൊ നിന്നെക്കാൾ അധികാരം ഈ എനിക്കാ.. അത് കൊണ്ട് മോൻ അങ്ങനെ തുള്ളണ്ട.. കേട്ടാ.." അവളുടെയടുത്തു നിന്റെ ഒരു ഉടായിപ്പും നടക്കൂല ഡാ മോനെ.. ശ്രീ അവനൊപ്പം തന്നെ കയറി ചെന്നു. " അതിന് എല്ലാരും നിന്നെ പോലെ ഉടായിപ്പ് കാണിക്കില്ലല്ലോ... നീ പോടാ അവിടുന്ന്.. അവനെ തീർത്തും പുച്ഛിച്ചുകൊണ്ട് ഡെവി അകത്തേക്ക് നടന്നു.. ജ്യൂസ് മതിട്ടോ അച്ചു.." ബാലയുടെ മുറിയുടെ നേർക്ക് നടക്കുമ്പോൾ എതിരെ വരുന്നുണ്ടായിരുന്ന അച്ചുനോട് അവൻ പറയുമ്പോൾ അവൾ പകച്ചു പോയി.. എങ്കിലും അവനെ നോക്കി തലയാട്ടി കാണിച്ചു. അവനു പിന്നിൽ ചിരിച്ചുകൊണ്ട് നിൽക്കുന്ന ശ്രീയുടെ നേരെ നോക്കിയ അവൾ എന്താണിത് എന്നൊക്കെ കൈകൊണ്ടു ആംഗ്യം കാണിക്കുന്നുണ്ട്. ശ്രീ ഒന്നുമില്ലെന്ന് കണ്ണ് ചിമ്മി കാണിച്ചു.. നീ ഇങ്ങുവാ അതവരു ഭാര്യയും ഭർത്താവും കൂടി തീർത്തോളും...നമുക്ക് പോയി ജ്യൂസ് ഉണ്ടാക്കാം.. ഡെവി പോയ വഴിയെ കണ്ണും തള്ളി നിൽക്കുന്ന അച്ചുവിനെ പിടിച്ചു വലിച്ചു കൊണ്ട് ശ്രീ അടുക്കളയിലേക്ക് നടന്നു.. ❤‍🔥❤‍🔥 ഡെവി ബാലയുടെ മുറിയിലേക്ക് ചെല്ലുമ്പോൾ അവിടാരുമില്ല.. കയ്യിലുള്ള കവർ കിടക്കയിലേക്ക് വെച്ചു കൊണ്ടവൻ തിരിഞ്ഞ നിമിഷം തന്നെയാണ് ബാത്റൂമിന്റെ വാതിൽ തുറന്നു കൊണ്ട് ബാലയിറങ്ങി വന്നതും. തലയിൽ ടവ്വലൊക്കെ ചുറ്റി കുളിച്ചു വരുന്ന വരാവാണ്.. വെള്ള തുള്ളികൾ നിറഞ്ഞ ആ മുഖവും കഴുത്തും.. ഡെവി ശ്വാസം പിടിച്ചു നിന്നു പോയി. താൻ കെട്ടിയ താലി മാത്രമാണ് ആകെയുള്ള അലങ്കാരം. കാതിൽ മഞ്ഞു തുള്ളി പോലൊരു മൊട്ടു കമ്മലും.. ആ സിമ്പിൾ ചുരിദാറിൽ പോലും എന്തൊരു ഭംഗിയാണാ. പെണ്ണിന്.. പതറി പതിഞ്ഞു നോക്കുന്ന ആ കണ്ണുകൾ.. ഡെവി നെഞ്ചിലൊന്നമർത്തി... അവനെ അവിടെ കണ്ടതും ഞെട്ടി കൊണ്ടവൾ പിന്നിലേക്ക് മാറി.. കണ്ടിട്ടും കണ്ടിട്ടും മതിയാവാത്ത പോലെ ഡെവി അവളെ തന്നെ നോക്കി നിന്നു പോയി.. എന്റെ.. എന്റെ മാത്രം.. ഉള്ളിലാ തോന്നലുണ്ടായതും സ്വയമറിയാതെ അവൻ ബാലയുടെ അരികിലേക്ക് പതിയെ നടന്നു ചെന്നു. വെള്ളതുള്ളികൾക്കൊപ്പം എത്ര പെട്ടന്നാണ് അവളുടെ ചുണ്ടുകൾക്ക് മീതെ വിയർപ്പു തുള്ളികൾ കൂടി സ്ഥാനം പിടിച്ചത്.. അവൻ കൗതുകത്തോടെ അതങ്ങനെ നോക്കി നിന്നു.. പിന്നിലേക്ക് മാറാൻ ഇനി സ്ഥലമില്ലെന്നത് പോലെ ബാല ചുവരിലിടിച്ചു നിന്നു.. കൈ നീട്ടി അവളെ നെഞ്ചിലേക്ക് ചേർക്കാനും നനുത്ത ആ മുഖം നിറയെ ചുംബനങ്ങൽ കൊണ്ട് മൂടാനുമുള്ള ആവേശത്തിലാണ് ഡെവി അവളെ തൊടാൻ വേണ്ടി കൈ ഉയർത്തിയതെങ്കിൽ.. പെടുന്നനേ നിറഞ്ഞു പോയ ആ കണ്ണുകൾ.. അപ്പോൾ മാത്രമാണ് ഡെവിക്ക് സ്ഥലക്കാലബോധം വന്നതും.. ഒരു നിമിഷത്തെ ആവേശത്തിൽ..താനെന്താണ് അവളോട് ചെയ്യാൻ തുനിഞ്ഞത്.. താനവളോടിപ്പോ വലിയൊരു തെറ്റ് ചെയ്യുമായിരുന്നു എന്നായോർമ.. ഡെവി കണ്ണടച്ച് കൊണ്ട് തലയൊന്ന് കുടഞ്ഞു.. അവൾക് കൊടുത്തൊരു വാക്കുണ്ട്.. അതിനെ മറന്നു പോയതാണ്.. വേദനിപ്പിക്കണമെന്ന് സ്വപ്നത്തിൽ പോലുമില്ല.. ഉള്ളിലെ ആളുന്ന പ്രണയം തോന്നിപ്പിച്ച കുസൃതിയാണ്..ആ പ്രണയത്തിന്റെ മുന്നിൽ മാത്രമാണ് ഡേവിഡ് തരകൻ സ്വയം മറക്കുന്നതും. സോറി... സോറി.. ഞാൻ.. പെട്ടന്ന്.. ഡെവി മൃദുവായി പറഞ്ഞു കൊണ്ട് അവളെറിയാത്ത വിധം ആ കവിളിലൊന്നു തൊട്ടു.. "എന്നെ.. എന്നെയൊന്നിനും കൊള്ളൂല ഡെവിച്ചായ..അത് കൊണ്ടല്ലേ ഞാൻ... ഇങ്ങനെ കൂടി നിങ്ങൾ ആ നാശം പിടിച്ചവന്റെ മുന്നിൽ തോറ്റു പോകരുതെന്ന് ആഗ്രഹിക്കുന്നത് കൊണ്ടല്ലേ ഞാൻ.." ബാല കണ്ണീരോടെ അവനെ നോക്കി. "നിന്നെ സ്വന്തമാക്കി എന്നതിന്റെ പേരിൽ അവനോട് ഞാൻ തോറ്റു പോകുന്നില്ല ബാല.. ഇപ്പഴാ അർജുൻ തമ്പി പൂർണ്ണമായും തോറ്റു പോകുന്നത്.. അത് മനസ്സിലാക്ക് നീ.."ആ കണ്ണ് നിറഞ്ഞു കണ്ടിട്ട് ഹൃദയം പൊള്ളുന്നുണ്ട്. എങ്കിലും ചിരിച്ചു കൊണ്ടാണ് ഡെവി ബാലക്കുള്ള ഉത്തരം കൊടുത്തത്. "എന്താ എന്നെയൊന്നു മനസ്സിലാവാത്തത്..എനിക്ക് പറ്റാഞ്ഞിട്ടല്ലേ" അവൾ ദയനീയമായി ചോദിച്ചു.. "ഇത് തന്നെ ഞാനും ചോദിച്ചാലോ..." അവൻ കണ്ണ് ചിമ്മി.. "ഡേവിച്ചായനെങ്കിലും എന്നെ മനസ്സിലാക്കുമെന്ന്.. പക്ഷേ.. പക്ഷേ.. ബാല പരിഭവത്തോടെ അവനെ നോക്കി.. ന്റെ ബാലായെങ്കിലും എന്നെ മനസ്സിലാക്കുമെന്ന് ഞാനും കരുതിയിരുന്നു.." കള്ളത്തരത്തോടെ അവനും അവളെ നോക്കി. അതോടെ തോറ്റത് പോലെ ബാല മുഖം വീർപ്പിച്ചു. ഡെവിയാ കുറുമ്പും ആസ്വാധിക്കുകയാണ്.. നിന്നെ കാണാൻ ഓടിവന്നതാ ബാല ഞാൻ.." കുറച്ചു നേരത്തെ മൗനതിന് ശേഷം ഡെവി പതിയെ പറഞ്ഞു. ബാല അവനെ നോക്കില്ലെന്ന് വാശി യുള്ളത് പോലെ മുഖം താഴ്ത്തി പിടിച്ചു നിന്നു.. ഡെവി കിടക്കയിലെക്കിട്ട കവർ പോയെടുത്തു കൊണ്ട് വീണ്ടും അവളുടെ അരികിലെത്തി.. "രണ്ടു മൂന്നു ഡ്രസ്സും.. പിന്നൊരു ഫോണുമാണ്.. കെട്ടി വീട്ടിലാക്കി എന്റെ കാര്യമൊന്നും നോക്കുന്നില്ലെന്ന് നീ ഇനിയൊരിക്കൽ പരാതി പറയരുതല്ലോ.. ചിരിയോടെ അവനാ കവർ അവൾക്ക് നേരെ നീട്ടി.. ബാല അത് വാങ്ങിക്കാതെ അവനെ തുറിച്ചു നോക്കി. അധിക്കാരം കാണിക്കില്ലന്നേ ഞാനും പറഞ്ഞിട്ടുള്ളു.. ഇത് നിന്റെ അവകാശമാണ് ബാല.. ഞാനെറെ കൊതിച്ചു വാങ്ങിയതാ.. നീയിത് സ്വീകരിച്ചില്ലെങ്കിൽ എനിക്ക് തീർച്ചയായും സങ്കടമാണ്.. ഞാൻ സങ്കടപ്പെടുന്നതാണ് നിനക്കിഷ്ടമെങ്കിൽ..." ചിരിയൊട്ടും മായതെ അതും പറഞ്ഞിട്ടവൻ തിരിഞ്ഞു.. "ഇങ്ങ് തന്നേക്ക്." പിന്നിൽ നിന്നുമാ സ്വരം വരുമെന്ന് ഉറപ്പുണ്ടായിട്ട് തന്നെ തിരിഞ്ഞവന്റെ ചുണ്ടിൽ ഗൂഡ മായൊരു ചിരിയുണ്ടായിരുന്നപ്പോൾ... ഇത് മതി.. ഇങ്ങനെ മതി.. ഇത്രയുമേ നിന്റെ ഡെവിച്ചായനിപ്പോ വേണ്ടതും " ഏറ്റവും മൃദുവായി.. ഹൃദ്യമായി.. മനോഹരമായി അതും പറഞ്ഞു കൊണ്ടവൻ അവളുടെ നേർക്കാ കവർ നീട്ടി.. തുടരും.. പിന്നല്ല..ഇതല്ല.. ഇതിനേക്കാൾ വലുത് ചാടി കടന്നവനാ ഈ kk ജോസഫ്.. സോറി.. ഡേവിഡ് തരകൻ.. ചെക്കനിതൊക്കെ.. നിസ്സാരം 😌ഓനെ പ്രണയിക്കാൻ പഠിപ്പിക്കുന്നത് ഞാനല്ലേ.. 💪എന്നെ പ്രണയിക്കാൻ പഠിപ്പിച്ചു വിട്ടത് ആരാണന്നുള്ള ചോദ്യം നിരോധിച്ചിരിക്കുന്നു😎 അവളെത്ര എതിർപ്പ് കാണിച്ചാലും അവനതൊക്കെ തകർത്തു കളയുമെന്നേ.. കാരണം അവന്റെ ആയുധം സ്നേഹമാണല്ലോ 🥰🥰 റിവ്യൂ ഇട്ടിട്ട് പോണേ..പ്രതീക്ഷിക്കാതെ വന്നൊരു തിരക്കിൽ പെട്ടു പോയത് കൊണ്ടാട്ടോ ഇന്നലെ ഇടാഞ്ഞത്.. പറയാനും പറ്റിയില്ല.. ഇന്നിനി ഒന്നൂടെ ചോദിക്കരുത് പ്ലീസ്.. ഇന്നലെ ഇടാഞ്ഞത് കൊണ്ട്.. നേരത്തേ ഇടാന്ന് ഞാൻ കുറെ പേരോട് പറഞ്ഞത് കൊണ്ട്.. ഇടുന്നതാ . റിവ്യൂ.. ലൈക്ക് കുറഞ്ഞു പോകുന്നുണ്ടോ.. എന്റെ സംശയം മാത്രമാണോ ഇനി 😀 സ്നേഹത്തോടെ jif #📔 കഥ