#🙏 प्रेरणादायक बॅनर #🙏श्री गुरुदेव दत्त💐 #🙏श्री स्वामी समर्थ📿 #🙏प्रेरणादायक / सुविचार #✍️सुविचार सर्व कथा नीट पाहिल्यास त्यातील संजीवन पंचक हे ठळकपणे उठून दिसते . आता हे संजीवन पंचक म्हणजे काय तर या संजीवनाच्या पाच कथा गुरुचरित्रात आलेल्या आहेत . दर दहा अध्यायांनी एक संजीवन कथा अशी गुरुचरित्राची मांडणी आहे . हे अध्याय आहेत दहा ,वीस ,तीस ,चाळीस ,पन्नास यातल्या पहिल्या तीन संजीवनात दोन क्षेत्रे सामील आहेत . दहाव्यात मंथनगोड आणि कुरवपूर ,विसाव्यात शिरोळ आणि नृसिंहवाडी ,तिसाव्यात माहूर आणि गाणगापूर हि क्षेत्रे आहेत . विसाव्यात म्हणताना या संजीवनात दोन अध्याय आहेत तर तिसाव्यात म्हणताना यात तीन अध्याय आहेत . मात्र या संजीवनाची सुरुवात वीस आणि तीस पासून झाली आहे . पन्नासाव्यात ऋषभ योगी संजीवन करताना दिसतात ,हि कथा ब्राह्मणाने यवन राजाला पापविनाशी तीर्थावर सांगितली . आता प्रश्न राहिला चाळीसाव्या अध्यायाचा . यात संजीवन कुठे आहे ? शबर पत्नीचे संजीवन आहेच पण त्याबरोबर कुष्ठी नरहरी ब्राह्मणाच्या कथेत शुष्क काष्ठाचा उल्लेख आहे . या निर्जीव काष्ठाचे संजीवन या अध्यायात म्हणता येईल . गाणगापूरला घडलेल्या या कथेत हे शुष्क काष्ठ चार वर्षे निर्जीव होते . शुष्क होते वर्षे चारी l घेवोनि आला नर एक सर्पणासी ll ४०/१६ आमच्याही सहा रिपुनी ठार केलेल्या मनाला दत्त भक्तीने संजीवन मिळाले असे इथे म्हणायला हरकत नाही . या संजीवनाने पुढे दत्त भक्ती कायम मनात राहो हि दत्त चरणी प्रार्थना ! श्रीगुरुदेव दत्त !!!--- अभय आचार्य llअवधूत चिंतन श्री गुरुदेव दत्त ll दत्तरुप ll