சாலை அலட்சியம்: “மரணக் குழி” விபத்து தவிர்ப்பு – பொதுமக்கள் அதிர்ஷ்டவசமாக உயிர்தப்பினர் ராஜாகமங்கலம்–ஈத்தாமொழி சாலையில் ஆபத்தான குழி; ஒப்பந்தக்காரர் மற்றும் அதிகாரிகள் மீது நடவடிக்கை கோரி மக்கள் வலியுறுத்தல் கன்னியாகுமரி மாவட்டத்தில் இன்று காலை சுமார் 7.30 மணியளவில் ராஜாகமங்கலம் ஊராட்சி தர்மபுரம் – ஈத்தாமொழி – ராஜாகமங்கலம் சாலையில் ஏற்பட்ட ஆழமான பள்ளம் காரணமாக பெரிய விபத்து தவிர்க்கப்பட்டது. சாலை பணியாளர்களின் அலட்சியத்தால் உருவான இந்த “மரணக் குழி” வழியாக சென்ற வாகனங்கள் கடைசி நொடியிலேயே தப்பியதாக பொதுமக்கள் தெரிவித்தனர். இந்த பாதிப்பு காரணமாக அந்தப் பகுதியில் கடும் போக்குவரத்து நெரிசல் ஏற்பட்டது. பள்ளி மற்றும் கல்லூரி வாகனங்கள் நீண்ட நேரம் சிக்கியதால் பயணிகள் அவதியடைந்தனர். உயிர் ஆபத்தை ஏற்படுத்தும் வகையில் தரமற்ற முறையில் சாலை பணிகள் செய்யப்பட்டுள்ளதாக குற்றம் சாட்டிய பொதுமக்கள், சம்பந்தப்பட்ட ஒப்பந்தக்காரர் மற்றும் அதிகாரிகள் மீது மாவட்ட நிர்வாகமும் காவல் கண்காணிப்புத் துறையும் உடனடி நடவடிக்கை எடுத்து சம்மந்தப்பட்ட அனைவரையும் கைது செய்ய வேண்டும் என்று கோரிக்கை விடுத்துள்ளனர். #📑முக்கியமான வாட்ஸ்அப் தகவல்