"வஞ்ச முக்குறும்பாம் குழியைக் கடத்தும் நம் கூரத்தாழ்வான்" --(பதிவு 1/3)
🙏🙏🙏🙏🙏
நாளை மறு நாள்(06/02/26),
தை ஹஸ்தம்
ஶ்ரீகூரத்தாழ்வானின் 1017 ஆவது திருநட்சத்திரம்!!
🔔🍀🌹🌷🌺🌻🔔
"மொழியைக் கடக்கும் பெரும்புகழான்,வஞ்ச முக்குறும்பாம்,
குழியைக் கடக்கும்,நம் கூரத்தாழ்வான்,சரண் கூடிய பின்
பழியைக்கடத்தும்,இராமானுசன் புகழ் பாடியல்லா,
வழியைக் கடத்தல் எனக்கினி யாதும் வருத்தமன்றே"
(இரா.நூற்.7)
கூரத்தாழ்வான் தனியன் :
"ஸ்ரீவத்ஸ சிந்ந மிச்ரேப்யோ நம உக்தி
மதீமஹே: |
யதுக்தயஸ் த்ரயி கண்டே யாந்தி மங்கள ஸூத்ரதாம்: ||"
"வேத மாதாவுக்கு மங்கள சூத்திரமாக(திருமாங்கல்
யம்) வி்ளங்கக்கூடிய, ஸ்ரீஸுக்திகளான பஞ்சஸ்தவங்களை,அருளிச்செய்த ஸ்ரீவத்ஸசிந்ஹர் என்னும் கூரத்தாழ்வானை நாம் வணங்குவோம்"
பத்துடை அடியவர்--கூரத்தாழ்வான் பத்து(10)
👏👏👏👏👏👏👏👏
1.முக்குறும்பு அறுத்த மகான்
🙏🔔🌹🙏🔔🌹🙏
மொழிகளால் விவரிக்க முடியாத புகழுடைய,
ஆழ்வான்--
i)பெரும்செல்வம்- பெருந்தேவித் தாயாரும்,தேவப்பெருமாளுமே வியக்கும் வண்ணம் பெருஞ் செல்வந்தராய்த் திகழ்ந்தார்.
நித்யமும்,அதிகாலையிலி
ருந்து நள்ளிரவு வரையில்,
அவரது திருமாளிகையில் பாகவத ததீயாராதனை நடந்து கொண்டே இருக்கும்.இன்றும் கூரம் கிராமத்தைச் சுற்றியுள்ள பல நூற்றுக்கணக்கான ஏக்கர் விவசாய நிலங்க
ளின் பத்திரங்கள் கூரத்தாழ்வான் பெயரி
லேயே உள்ளது.(அவற்றை உழுது பயிரிடும் மக்கள் ஆழ்வான் சந்நிதிக்கு, குத்தகையாக, விளை
பொருட்களில் ஒரு பகுதியைச் சமர்ப்பிக்கி
றார்கள்.)
ii)உயர்ஞானம்-- பல சாஸ்திரங்களையும் சிறப்பாகக் கற்று, சிறந்த பண்டிதராக விளங்கினார்;
ராமாநுஜருக்கே ஏதேனும் சந்தேகம் வந்தால் ஆழ்வானைக் கேட்பாராம்!
iii)உயர்ந்த அந்தணர் குலம்-அதிலும் ஒரு பிரதேசத்தை ஆளும் சிற்றரசராக விளங்கியது
இவை மூன்றும் மிக நிறைந்திருந்தும் இவற்றால் ஏற்படக்கூடிய மூன்று செருக்குகளும் அறவே அற்றவராக விளங்கினார்
2.கீதை காட்டிய பாதையில் !
🙏🌷🌺🌻🙏
பகவத் கீதை,13 ஆம் அத்யாயம், ஸ்லோகம் 7---11ல்,ஸ்ரீகிருஷ்ணபிரான், ஒரு பகவானை உணர்ந்த, உயர்ந்த ஜீவாத்மாவின் 20 குணங்களை விளக்கு
கிறார்.அந்த குணங்கள் அனைத்தும் பூரணமாக நிரம்பப் பெற்றவர் நம் கூரத்தாழ்வான்:
"அமானித்வம்-- பணிவு;
அதம்பித்வம்-- செருக்கின்மை:
அஹிம்சை-- வன்முறையின்மை;
ஷாந்திர்-- சகிப்புத்தன்மை;
ஆர்ஜவம்- நேர்மை;
ஆசார்ய உபாஸனம்--எப்போதும் ஆசார்யரையே சார்ந்திருப்பது;
சௌஸம்-- தூய்மை(அகம்/புறம்);
ஸ்தைர்யம்-- மன உறுதி;
ஆத்மவினிக்ரஹ--வைராக்யம்/
சுயகட்டுப்பாடு;
இந்த்ரிய அர்த்தேஷு--வைராக்யம்-
புலன்களின் ஆசைகளைத் துறத்தல்;
அனஹங்கார- தற்பெருமை கொள்ளாமல் இருத்தல்;
ஜன்ம/ம்ருத்யு/ஜரா/வ்யாதி/துக்கா தோஷானுதர்சனம்--எப்போதும் இந்த சமுதாயத்தில் உள்ள கஷ்டத்தையே பார்ப்பது;
அஸக்திர்-- பற்றின்மை;
புத்ரதாரக்ருஹாதி ஷு அன்பிஷ்வங்க-- மனைவி, மக்கள்,வீடு முதலியவற்றில் பற்றின்மை;
இஷ்ட,அனிஷ்ட உபபத்திஷு
நித்யம் ஸ சமசித்தத்வம்-விருப்பு/வெறுப்பற்று சம நிலையுடன் இருத்தல்;
மயிசாநந்ய யோகேன பக்தர்
அவ்யபிசாரணி-என்(கண்ணபிரான்) மேல் மட்டுமே நிலையான பக்தி;
விவிக்ததேச சேவித்வம்- தனிமையான இடத்தில் வசித்தல்.
அரதிர்ஜனஸம்ஸதி- பொதுமக்களிடம் பற்றில்லாமல் இருத்தல்;
அத்யாத்ம ஞான நித்யத்வம்-
நித்யமான ஆத்ம ஞானம்.
தத்வ ஞான அர்த்த சிந்தனம்-
உண்மையான அறிவைப் பற்றிய சிந்தனை.
3.பிறர் துயரை, தம் துயராக ஏற்ற, சுத்தசத்வ ஸ்ரீவைஷ்ணவர்
🙏🙏🙏🙏🙏🙏
கூரம் பிரதேச ராஜாவான அவர்,ஒரு நாள் இரவு,நகர சோதனைக்காகத் தனியே சென்ற போது,ஒரு ஏழையின் வீட்டில் இருந்து அழுகுரல் கேட்டது.விவரம் கேட்ட போது,அந்த வீட்டார்,
திருமண வயதடைந்த தம் மகள்,ஜாதகப்படி, கணவனோடு கூடினால்,
கணவன் மரணம் அடைவார்,என்பதால்,திருமணம் செய்ய முடியாத கவலை என்றனர்.
ஆழ்வான்,அந்தப்பெண்ணைத் தானே மணம் செய்து கொண்டு அவர்கள் துயர் தீர்த்தார். இறுதிவரை ஆழ்வானும்.அவர் மனைவி ஆண்டாளும்,தேக சம்பந்தம் இல்லாமல் வாழ்ந்தனர்.
4 பொருட்செல்வம் துறந்து அருட்செல்வம் பெற்ற அருளாளர்!!
👋👋👐👐🙏👌🙏👌🙏
அவருடைய திருமாளிகை
யில்,காலையிலிருந்து,
இரவு வரை,தொடர்ந்து,
நாளும்,அன்னதானம் நடைபெற்றது. இரவில் காஞ்சிபுரம் வரதராஜப் பெருமாள் கோயில் நடை சாற்றிய பின் தான் இவர் மாளிகைக் கதவுகள் மூடப்படும்.ஒருநாள்,
கோயிலில் சற்று தாமத
மாகிவிட்டது.ஆனால் ஆழ்வான் மாளிகைக் காவலாளிகள் எப்போதும் போல குறித்த நேரத்தில் கதவுகளை மூடினர்.பெரிய மணிகள் பொருத்தப்பட்ட கதவாதலால்,கதவின் சப்தம் வரதராஜப் பெருமாளுக்கும் கேட்டது.
பெருந்தேவித்தாயார் பெருமாளிடம்,"என்ன கோயில் கதவு சப்தம் போல் இருக்கிறதே"என்று கேட்க, பெருமாள் அவை கூரத்தாழ்வான் வீட்டுக் கதவுகள் அடைக்கும் சப்தம் என்றார்.
'ஆழ்வான் அவ்வளவு செல்வம் படைத்தவரோ?" என்று வியந்தார் தாயார்.இந்த தெய்வீக உரையாடலைச் செவியுற்ற திருக்கச்சி நம்பிகள் (பெருமாளுக்கு ஆலவட்டம்-விசிறிவீசும் கைங்கர்யம் செய்து கொண்டிருந்தவர்)
மறுநாள்ஆழ்வானிடம்,
இதைப்பற்றி உகந்து கூற, ஆழ்வான் மிகத் துக்கமடை ந்தார்!! (அவருடைய
கைங்கர்யம் பேசப்பட வேண்டியிருக்க, அழியும் செல்வம் போற்றப் பட்டதே என்று). செல்வம் இறைவனை அறிய/அடைய தடையாக இருப்ப
தால் உடனே தம் செல்வம் அனைத்தும் துறந்து, உடுத்திய உடைகளுடன்,
சென்று இராமாநுஜரைத் தஞ்சம்அடைந்தார்.
ஆழ்வானுடன் புறப்பட்ட ஆண்டாள் நடந்து செல்லும் காட்டு வழியில்,மடியைத் தொட்டுப் பார்த்துக் கொண்டே வந்தார்.இதைக் கவனித்த ஆழ்வான்,
"மடியில் கனமிருந்தால் தானே வழியில் பயம்,
ஏதாவது வைத்திருக்கி
றாயா?" என்று, வினவ,
அவர் "தேவரீர் உணவருந்து வதற்காக
(பயன்படுத்தும்),பொன் வட்டிலை எடுத்து வந்தேன்"
என்றார்.ஆழ்வான் உடனே பொன் வட்டிலை வாங்கி,
காட்டில் வீசிவிட்டு,
இப்பொழுது பயமின்றி நடக்கலாம் என்றார் !!
5.திரேதாயுக நன்றிக்
கடனைக் கலியுகத்தில் தீர்த்த,தீர்த்தன் !!
👏👏👏👏👏👏
.இவரின் இயற்பெயர் "ஶ்ரீவத்சாங்கமிஶ்ரர்",தமிழில் "திருமறு மார்பன்"(இவர் மார்பிலும் திருமறு
இருந்தது.ராமாவதாரத்தில்,ஆதிசேஷனாகிய
லக்ஷ்மணன்பகவானுக்குத்
தொண்டு புரிந்தமைக்
காக,இந்த அவதாரத்தில் ஆதிசேஷ அவதாரமாகிய இராமாநுஜருக்குத் தொண்டு புரிய,ராமபிரானி
ன் அம்சமாகக் கூரத்தாழ்
வான் அவதரித்தார்.
6.ஆழ்வாரில் ஆழ்ந்த ஆழ்வான்!!
🔔🔔🔔🔔🔔🔔
இவர் திருவாய் மொழிக்கு,
அதி அற்புத வ்யாக்யானம் செய்யும் போது,அதன் மேன்மையில், உருகிக் கரைந்து, மூர்ச்சித்து விடுவாராம். இதைச் செவியுற்ற ராமாநுஜர்
"கூரேசர் பாவம்/நிஷ்டை அடியேனுக்கு இல்லாமல் போயிற்றே"என்றாராம்.
அவர் திருவாய் மொழியில் ஆழ்ந்து திளைப்பதால் ராமாநுஜர்,அவரை 'ஆழ்வான்'என்றுகொண்டாடினார்.அப்போதிருந்து அவர் "கூரத்தாழ்வான்" என்றழைக்கப் பட்டார்.
7.தர்சனத்துக்காக, தர்சனம் இழந்த தகைமையாளர் !!
👁👁👁👁👁👁👁
முதலாம் குலோத்துங்க சோழ மன்னன் காலத்தில், சைவம் மேலோங்கி யிருந்தது.வைணவத்தை அழிக்க நினைத்தமன்னன்,
இராமாநுஜரை சைவமே பெரிது,என்று ஒத்துக் கொள்ள வைத்து விட்டால் அனைவரும் அதை ஏற்றுக் கொள்வார்கள் என்று எண்ணி,அவரை அழைத்து வர படை வீரர்களை அனுப்பினான்.இதை அறிந்த கூரத்தாழ்வான்,
ராமாநுஜரின் காஷாய உடைகளைத் தாம் அணிந்து, அரசவைக்குச் சென்று,தாமே ராமாநுஜர் என்று கூறி வைணவத்
தின் உயர்வை பலவாறு எடுத்துரைத்து,ஸ்ரீமந் நாராயணனே பரமாத்மா !வைணவமே உயர்ந்தது என்று வாதிட்டார். அரசவையில் இருந்த, நாலூரான் என்பவன் அரசனிடம்,வந்திருப்பவர் ராமாநுஜர் அல்ல; ஆழ்வானே ராமாநுஜர் வேடத்தில் வந்திருக்கிறார் என்றான். பெரிதும் சினமடைந்த அரசன் ஆழ்வான் கண்களைப் பிடுங்குமாறு ஆணை இட்டான்.'உன்னுடைய ஆட்கள் என்ன என்னை தொடுவது?என் சம்பிரதாயத்தை நிலை நாட்டுவதற்காக,நானே என் கண்களைப் பிடுங்கி விடுகிறேன்' என்ற,
ஆழ்வான் தன் கண்களைத் தானே பிடுங்கி எறிந்தார். (இராமாநுஜரை ஆழ்வானது வெள்ளை உடைகளை உடுத்தச்
செய்து,மேல்கோட்டைக்கு,
அனுப்பி விட்டார்,ஆழ்வான்)
8.ஆசார்ய சம்பந்தம் வேண்டாமல்,
ஆதிமூலமே வேண்டாம் என்றவர்!
👌🙏👌🙏👌🙏🙏
ஶ்ரீரங்கம் வந்தடைந்த ஆழ்வான்,பெரிய பெருமாளைச் சேவிக்கச் சந்நிதிக்குச் செல்ல, அங்கு காவலாளிகள் இராமாநுஜ சம்பந்தமுடைய யாரையும் சந்நிதிக்குள் விடக்கூடாது,
என்பது மன்னனின் கட்டளை என்று மறுத்தனர்.
அதில் ஒரு காவலாளி இவர் பெரிய ஸ்வாமி; இவரை விடலாம் என்று கூறி,ஆழ்வானைப் பெரியபெருமாளைச் சேவிக்க அனுமதித்தான்.
தம் ஆச்சார்யர் "எம்பெருமானாருக்கு மரியாதை இல்லாத இடத்தில்,எம்பெருமான் சேவை அருளினாலும் வேண்டாம்" என்று கூறிவிட்டுத் திரும்பிச் சென்று விட்டார்!
8.பஞ்சஸ்தவம் பாடிய பாங்கு!
🔊🔉📖📚📙📘📙📚
ஶ்ரீரங்கத்தை விட்டுத் திருமாலிருஞ்சோலை சென்றார்,அங்கு அழகர் மீது"ஸுந்தர பாஹுஸ்தவம்"என்னும்
பாமாலை பாடினார்.
அவர் இயற்றிய பிற கிரந்தங்கள்:
ஶ்ரீவைகுண்ட ஸ்தவம், அதிமானுஷ ஸ்தவம், ஶ்ரீவரதராஜ ஸ்தவம்,
ஶ்ரீஸ்தவம்,
என்னும் கிரந்தங்கள்.
"லக்ஷ்மிநாத ஸமாரம்பாம்"
"யோநித்யம் அச்யுத பதாம்புஜ"என்னும் தனியன்கள்
10.அவன் பணியைத் தன் பணியென ஏற்று கைங்கர்யம் செய்தால்,உன் பணியை அவன் சிறப்பாகச் செய்வான்.!!!
🙏🏵🌾☘🥀🌹🍎🙏
அரங்கனின் பேரருள் பெற்ற அரவணைப் பிரசாதத்தை, உட்கொண்ட
தால்,இவர் தேவியார்,
ஆண்டாள்,பிள்ளைப் பேறு அடைந்து,ஶ்ரீ பராசர பட்டர்,
ஶ்ரீ வேத வியாஸ பட்டர் என்ற பெரும் ஆசார்யார்
களை,திருக்குமாரர்களாகப் பெற்றார்.இந்த இரண்டு குழந்தைகளையும்,
பெரியபெருமாளும்,பெரிய
பிராட்டியாரும், பெரிய
கோயில் திருமணத் தூண்களில் தொட்டில் கட்டி வளர்த்தார்கள். அவர்களுக்குத் திருமண வயது வந்ததும், ஆண்டாள், ஆழ்வானிடம் "பிள்ளைகளுக்குத் திருமணம் செய்ய வேண்டுமே" என்றார். ஆழ்வான் "அதை என்னிடம் எதற்குச் சொல்கிறாய்?" என்று கேட்டார்! கொஞ்ச நேரம் கழித்து,"மாலை பெருமாளைச் சேவிக்கச் செல்லும் போது, பிள்ளை
களை வரச்சொல்" என்று கூறிவிட்டுச் சென்றார். மாலையில் பெருமாளைச் சேவித்துவிட்டு,தீர்த்தம்,சடாரி பெற்றுக் கொண்டு,
--செல்லாமல் நின்று கொண்டிருந்தார். பெருமாள், அவர் தயங்கி நிற்பதைப் பார்த்து,
"ஆழ்வான்!ஏதோ சொல்ல நினைப்பது போல் தெரிகிறதே; என்ன?" என்று கேட்டார்.ஆழ்வான் மிகத் தயங்கி,
"ஆண்டாள், பிள்ளைகளு
க்கு வயதாகி விட்டது;
திருமணம் செய்ய வேண்டும் என்று சொல்கிறாள்"என்றார்.
பெருமாள் "நீர் வீட்டுக்குப் போம்; நாம் பார்த்துக் கொள்கிறோம்"என்றார்.
மறுநாள் காலை பெரிய நம்பிகளின் திருமாளிகை
யிலிருந்து,பெரியோர்கள் அனைவரும் சீர்வரிசை
களுடன் ஆழ்வான் திருமாளிகைக்கு வந்து "எங்கள் குமாரத்திகளை தேவரீர் திருக்குமாரர்க
ளுக்கு திருமணம் செய்து ஏற்றுக் கொள்ள வேண்டும்;
இது பெரியபெருமாள் நியமனம்" என்று கூறி சேவித்தார்கள். (பெருமாள் அவர்கள் கனவில் தோன்றி அவ்வாறு நியமித்தாராம்.!!)
(அடியேன் பார்த்தசாரதி ராமாநுஜ தாசன்)
படங்கள்:
1.கூரத்தாழ்வான்
2கூரத்தாழ்வான் திருமாளிகை/சந்நிதி, கூரம்
3 அலங்காரக் கூரத்தாழ்வான்-கூரம்.
4--7இன்று காலை பரமபத நாதன் திருக்கோலத்தில் ஆழ்வான் புறப்பாடு.
8--11: கூரத்தாழ்வான் திருமஞ்சனம். #பெருமாள்
