⛳आजचे शिव'कालीन ऐतिहासिक दिनविशेष⛳ 📜 १३ डिसेंबर इ.स.१६७८ (पौष शुद्ध दशमी शके १६०० संवत्सर कालयुक्त वार शुक्रवार) युवराज शंभुराजे दिलेरखानाकडे! दिलेरखानाने आपला आघाडीचा सरदार इखलासखान आणि आपला पुतण्या गैरत यास युवराज शंभुराजे यांच्याकडे तातडीने रवाना केले. तो स्वतः मागोमाग निघाला. इखलासखान वगैरेंच्या बरोबर शंभुराजे, हे बहादुरगडापासून १० कोसांवर आले. हिंदवी स्वराज्याचे एक विलोभनीय स्वप्न उराशी बाळगून छत्रपती शिवराय आणि त्याचे सहकारी प्रसंगी प्राणांची आहुती देण्यासाठी मागेपुढे पाहात नसत,... त्यांच्या त्यागातून, घामातून आणि रक्तांतून हिंदवी स्वराज्य साकारत होते मोगलाई आणि हिंदवी स्वराज्य यांतील भेद सामान्य माणसालाही कळावा यासाठी महाराज जिवाचा आटापिटा करून खपत असता नेमक्या याच वेळी स्वराज्याचे युवराज शत्रू गोटात सामील झाले! करकंभ मुक्कामी (ता. पंढरपूर) (शंभुराजे) दिलेरखानाने आनंदाने चौघडे झडविले. त्याने बादशहाला ही हकीकत लिहून कळविले. बादशहाने शंभुराजेंना ७,००० मनसब दिली. त्यांना एक हत्ती देण्यात आला. युवराज शंभुराजेंना राजा ही पदवी देण्यात आली. दिलेरखानाने आपल्याकडूनही शंभुराजेंचा खुप सत्कार केला. शंभुराजेंच्या बरोबर आलेल्या माणसांना किल्ले बहादुरगड येथे ठेवण्यात आले. शंभुराजेंच्या रक्षणाची उत्तम व्यवस्था करण्यात येऊन चौकीपहारे ठेवण्यात आले. (शत्रुच्या गोटात सामील होणे, हा छत्रपतींचा गोपनीय भाग आहे,) 🏇🚩🏇🚩🏇🚩🏇🚩🏇 https://www.instagram.com/the_great_maratha_warriors/ #🙏शिवाजी महाराज वॉलपेपर #🚩शिवराय #🙏शिवदिनविशेष📜 #🚩छत्रपती संभाजी महाराज स्टेटस🙏 #🗿शिवकालीन पुराणवस्तू https://wa.me/message/Y2WBK2HSVXL5I1 शिव दिनविशेष Video Link🔗 https://youtu.be/G9cvCuI70Mk 📜 १३ डिसेंबर इ.स.१६८० शिवाजी महाराजांच्या मृत्यूनंतरही त्यांच्या शत्रूंचा या मृत्यूवार्तेवर विश्वास बसत नव्हता. या वारंवार येणार्या मृत्यूवार्ताच्या संदर्भात हुगळीच्या इंग्रजांची सहजगत्या व्यक्त झालेली प्रतिक्रिया फारच मार्मिक आहे. दिनांक १३ डिसेंबर १६८० च्या पत्रात ते लिहीतात, Sevagie had died so often that some begin to think him immortal. शिवाजीमहाराज आजपर्यंत इतक्या वेळा मेलेले आहेत की काही लोकांनी त्यांना आता अमर समजायला सुरूवात केली आहे. 🏇🚩🏇🚩🏇🚩🏇🚩🏇 📜 १३ डिसेंबर इ.स.१६८३ डिसेंबर १६८३ च्या अहवालात "पोर्तुगीज नावे निशाणी आणि ख्रिश्चन लोक गोव्यात शिल्लक ठेवणार नाही "असे शत्रूने (संभाजीराजांनी ) म्हणल्याचे व्हाइसरॉयने नमूद केले आहे. थिये किल्ल्यावर हल्ला चढवला आणि मराठ्यांनी किल्ल्याला पुरवठा होणारे पाणी दुषित केले. किल्ल्याची सर्व रसद तोडण्यात आली. जीव मुठीत धरून फिरंग्यानी माघार घेतली. साष्टी आणि बारदेशात तब्बल २६ दिवस मराठ्यांचे भगवे वादळ घोंगावत होते. या काळात मराठ्यांनी ४६ तोफा आणि प्रचंड खजिना लुटून घेतला. 🏇🚩🏇🚩🏇🚩🏇🚩🏇 📜 १३ डिसेंबर इ.स.१६९२ इ. स. १६९२ चा पावसाळा संपताच संताजी आणि धनाजी ह्या दोन मराठा वीर सेनानींनी ३० हजार फौज घेऊन ते मद्रासकडे येण्यास निघाले. त्या सैन्याचा मुक्काम प्रथम कांजिवरम जिल्ह्यात झाला. मराठी सैन्याच्या आकस्मिक उग्र चालीमुळे मद्रासमधील लोकांत घबराट पसरली आणि ते मद्रास किल्ल्याच्या आश्रयास ११ ते १३ डिसेंबरमध्ये गेले. संताजींची फौज कावेरी पाकजवळ आल्याचे कळताच, कांचीचा मोगल फौजदार अली मर्दानखान त्यांजवर चालून गेला. संताजींच्या जाळ्यांत तो व त्याचे सैन्य पकडले गेले. आपला काही इलाज नाही हे खानाच्या लक्षात येताच त्याने कांजीवरमला परतण्याचा प्रयत्न केला तेव्हा मराठी सैन्याने त्याला त्याच्या १५०० घोडेस्वारांसह पकडले तसेच ६ हत्ती पकडले. खानाच्या सैन्याचे तंबू लुटले, सामानही लुटले १३ डिसेंबर १६९२ खानाला पकडून त्यास मराठ्यांनी कैद केले व त्यास जिंजीस घेऊन गेले. त्याजकडून एक लाख होनाचा जबर दंड घेऊन मराठ्यांनी सोडून दिले. ही दंडाची रक्कम त्याचा मेहुणा अलिकादीर याने उभी केली होती. हा महत्त्वपूर्ण विजय मिळवून संताजींनी अतिउत्साहाने जिंजीच्या पायथ्याशी आले. तेथे मोगल आणि मराठे यांच्या युद्धास तोंड लागले. धुमश्चक्रीची युद्धे सुरू झाली. मराठ्यांचे सैन्य ३० हजाराहून अधिक होते. मोगल फौज थोडी होती. त्यापैकी बरीच फौज छावणीचे रक्षण आणि शहाजाद्यांवर पहारा करण्यात गुंतली होती. काही फौज असदखानाच्या तैनातीत होती. मोगली सैन्यास संताजींच्या फौजेच्या कारवाईमुळे रसद मिळणे कठीण झाले. संताजीं वेढा घालून बसलेले मोगल सैन्यास घेरून त्यांचा रसद आपल्या कबजांत घेऊन त्यांना जिंजीचा वेढा उठविणे भाग करून कसे टाकले हे मार्टीनच्या डायरीवरून समजून घ्यावयास मिळते. 🏇🚩🏇🚩🏇🚩🏇🚩🏇 📜 १३ डिसेंबर इ.स.१७२४ व्हिसेरेईने आपल्या राजास पाठविलेल्या पत्राची नोंद! "मराठा सरदारांनी उत्तरेकडून वसईमध्ये व दक्षिणेकडून गोव्यामध्ये सैन्य घुसविण्याची तयारी केली आहे. परंतु या स्वारीला तोंड देण्याची आमची तयारी नाही. उत्तरेकडील प्रदेशाच्या सेनापतीने मराठ्यांशी हंगामी तह केला होता. तो कायम करून घेण्यासाठी आम्ही छत्रपती शाहु महाराज यांच्याकडे नजराणा देऊन वकील पाठवावा. अशी मागणी आमच्या कडे मराठा सरदारांनी केली होती. परंतु ती मान्य करणे आमच्या दृष्टीने लांच्छणास्पद असल्याने वकील पाठविण्यात आला नाही". पोर्तुगिजांच्या मनात छत्रपती शाहू महाराजांकडे नजराणा देऊन वकील पाठवायचा नाही. त्यांचे हे धोरण काळ काढुपणाचे आहे हे मराठ्यांच्या ध्यानी आल्यावाचून राहीले नाही. म्हणून त्यांनी ठरलेल्या योजनेप्रमाणे ठाणे जिल्ह्याप्रमाणे गोव्याकडेही सैन्य धाडले. ती बातमी गोव्याचा हंगामी गव्हर्नरला साष्टीच्या सेनापती कडून कळाली. 🏇🚩🏇🚩🏇🚩🏇🚩🏇 YouTube चैनल वर हि video स्वरूपात शिवदिनविशेष पाहू शकता खालील लिंक वर👇 https://youtube.com/c/thegreatmarathawarriors . . . 👉अतिशय महत्त्वाचे : सर्व शिवप्रेमींना विनंती आहे या पोस्ट मध्ये कोणीही आपली स्वताची प्रसिध्दी करु नये. 🏇🚩🏇🚩🏇🚩🏇🚩🏇 ✍ लेखन / माहिती संकलन : राहूल बोरसे पाटील. शिवकालीन दिनविशेष व इतिहासावरील दर्जेदार माहिती https://www.facebook.com/TheGreatMarathaWarriorss/ 🏇🚩🏇🚩🏇🚩🏇 🚩🏇 ☀🚩⚔️|| हर हर महादेव, जय श्रीराम || || जय भवानी, जय शिवाजी.||⚔️🚩☀