११ डिसेंबर १६६७ रोजी, राजियांनी पोर्तुगीज यांमधील तह पुरा केला... जयसिंगाकडून दक्षिणसुभा मुअज्जम याजकडे आला होता आणि मोगलांनी शिवाजीराजे यांजशी सख्य केले हे पाहून गोव्याच्या व्हाईसरायने महाराजांस लिहिले.., “आपण आगऱ्याहून सुटून आलात याचा आनंद वाटतो” हे अभिनंदनाचे पत्र राजियांस ५ जुलै १६६७ रोजी पाठविले. राजियांनी पोर्तुगीज गोवा सरहद्दीवर देत असलेला त्रास ठाऊक होता. त्यांचा बंदोबस्त करण्याची संधी राजियांस चालून आली... विजापूरकर पक्षाचे लखम सावंत, केशव नाईक, केशव प्रभू, आदी कोकणांतील देसाई गोव्यात आश्रय घेऊन ते महाराजांच्या मुलुखात घुसून धामधूम करीत. पोर्तुगीज त्यांना आतून मदत करीत म्हणून इ. स. १६६७ नोव्हेंबर १९ ते २० तारखेच्या रात्री राजियांचे सुमारे ५ हजार पायदळ व १ हजार घोडदळ पोर्तुगिजांवर चाल करून गेले. त्यांनी बारदेशात प्रवेश केला आणि तीन दिवसात त्यांची १६ खेडी बेचिराख केली व १३०० कैदी धरून नेले व दीड कोट पागोडा नेल्या. तेव्हा पोर्तुगिजांचे डोळे उघडले. त्यांनी पकडून नेलेले कैदी सोडविण्यासाठी व तहाचे बोलणे करण्यासाठी पाद्री गालेसालू मार्तीस व रामजी शेणवी कोठारी यांना राजियांकडे पाठविले. यावेळी शिवाजी महाराज बिचोलीमला गोव्याजवळ होते. राजियांनी आपला वकील सखोपंत यास गोव्यास पाठविले. त्याचे व पोर्तुगिजांचे बोलणे होऊन पोर्तुगीज वकील गोझांलो मार्टीन यास बरोबर घेऊन तो रायगडास आला. ती तारीख होती, ११ डिसेंबर १६६७ रोजी राजियांनी तह पुरा केला.. ● राजे व पोर्तुगीज यांमधील तह : १) ह्यापूर्वी गोव्यातून पकडून नेलेले कैदी व गुरे ढोरे मराठ्यांनी सोडून द्यावी.. २) लखम सावंत, केशव नाईक, देसाई हे शिवरायांचे पुरातन शत्रू गोव्यात राहून मराठ्यांच्या मुलखास उपद्रव देतात. त्यास पोर्तुगिजांनी गोव्यातून हाकलून लावावे.. ३) बाळेघाटातून बैलांच्या पाठीवरून जो माल येईल त्यास तोशीस न लावता आदिलशाही दरापेक्षा जास्त दंडक लावू नये. अशा प्रकारचा तह मराठे व पोर्तुगीज यामध्ये झाला...! इतिहासकार : वा.सी.बेंद्रे. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त