⛳ आजचे शिव'कालीन ऐतिहासिक दिनविशेष ⛳ 📜 १५ फेब्रुवारी इ.स.१६३८ ( फाल्गुन शुद्ध द्वादशी, शके १५५९, संवत्सर ईश्वरी, गुरुवार ) बागलाणचे पाहिले हिंदू राष्ट्र मोगलांनी जिंकले :- नाशिक जिल्ह्यातील सटाणा तालुक्यातील परिसरात मुल्हेर हा प्रसिद्ध किल्ला आहे. १०० फूट उंचीची भक्कम तटबंदी असल्याने हा किल्ला अभेद्य बनला आहे. औरंग्याच्या आदेशानुसार मोगली सेनेने मुल्हेरला वेढा देऊन हल्ला केला. ह्या हल्ल्याने बागलाणचा राजा बहिर्जी ढेपळाला व प्रतिकार न करता मुल्हेर किल्ला मोगलांना नजर केला. आजच्या दिवशी ३५० वर्षांची परंपरा असणारे एक हिंदुराष्ट्र औरंग्याच्या राक्षसी वृत्तीने गिळंकृत केले होते. 🏇🚩🏇🚩🏇🚩🏇🚩🏇 https://www.instagram.com/the_great_maratha_warriors/ #🚩शिवराय #🚩छत्रपती संभाजी महाराज स्टेटस🙏 #🙏शिवदिनविशेष📜 #📜इतिहास शिवरायांचा https://wa.me/message/Y2WBK2HSVXL5I1 शिव दिनविशेष Video Link🔗 https://youtu.be/GoShm2a2_PA 📜 १५ फेब्रुवारी इ.स.१६६२ शहजादा अकबर याची सुंता-विधी झाली. पादशहाजादा महमंद अकबर याचा जन्म ११ सप्टेंबर इ.स.१६५७ रोजी झाला. अकबर हा युवराज संभाजीराजेंपेक्षा अवघा ४ महिण्यांनी लहान होता. अकबराच्या मातेचे नाव दिलरसबानू, ती रजपुत कन्या होती. 🏇🚩🏇🚩🏇🚩🏇🚩🏇 📜 १५ फेब्रुवारी इ.स.१६६७ ( फाल्गुन शुद्ध तृतीया, शके १५८८, संवत्सर पराभव, शुक्रवार ) मुहम्मद कुलिखान :- श्रीमंत छत्रपती शिवाजी महाराज जेव्हा आग्ग्र्‍याहून औरंगजेबाच्या कैदेतून सुटण्यात यशस्वी झाले, तेव्हा शिवाजी सुटला, आत्ता प्रतिशिवाजी सुटू नये या विचाराने औरंगजेबाने नेताजी पालकरांच्या अटकेविषयीचे फर्मान दि.१९ ऑगस्ट १६६६ रोजी आग्रा येथून सोडले. नेताजी या वेळी मोगली छावणीत बीड नजीक धारूर येथे होते. दि.२४ ऑक्टोबर १६६६ रोजी मिर्झा राजे जयसिंह यांनी नेताजी आणि त्यांचे चुलते कोंडाजी यांना अटक केली. दिलेरखानाने त्यांना आग्र्‍याला पाठवायची व्यवस्था केली. दि.१५ मार्च १६६७ रोजी नेताजी मुस्लिम झाले व त्यांचे 'मुहम्मद कुलीखान' असे नामकरण करण्यात आले (जून १६६७). औरंगजेबाच्या हुकुमाप्रमाणे नेताजी काबूल कंदाहाराच्या मोहिमेवर रवाना झाले. लाहोरजवळ आल्यावर त्यांनी पळून जाण्याचा एक अपयशी प्रयत्न केला. पण पुढे ९ वर्षे नेताजी काबूल कंदाहार येथेच मोहिमेवर होते. श्रीमंत छत्रपती शिवाजी महाराजांच्या समोर औरंगजेबाचे सर्व सरदार अपयशी ठरत होते, त्यावेळी औरंगजेबाला 'प्रतिशिवाजीची' आठवण झाली. मग त्याने या 'मुहम्मद कुलीखानास', दिलेरखानासोबत महाराष्ट्रावर मोहिमेसाठी पाठवले. मे १६७६. रोजी पच्छाताप झालेले नेताजी मोगली छावणीतून पळून रायगडावर महाराजांकडे आले. १९ जून १६७६ रोजी श्रीमंत छत्रपती शिवाजी महाराजांनी त्यांना संकेश्वर येथील मंदिरात पुन्हा विधिवत हिंदू धर्मामध्ये घेतले. 🏇🚩🏇🚩🏇🚩🏇🚩🏇 📜 १५ फेब्रुवारी इ.स.१६८४ (फाल्गुन शुद्ध १० दशमी शके १६०५ रुधिरोद्रारी संवत्सर वार शुक्रवार) शहजादा मुअज्जमचा माघारी जाण्याचा निर्णय! रागारागात संयम गमावलेल्या मुअज्जमला नियोजनाच्या गलथानपणाचा खूप फटका बसला. ४० हजार घोडेस्वार, ६० हजार पायदळ, ३ हजार उंट आणि १९०० हत्ती एवढ्या प्रचंड फौजेसाठी आता रसद उपलब्ध नव्हती. अन्नाचे हालहाल जाणवू लागले, त्याने स्वतःनेच दक्षिण कोकणची अमानुष जाळपोळ करून बंदरे जाळून टाकल्याचे चटके त्याला जाणवू लागले होते. भरपूर द्रव्य आहे पण अन्न नाही, भरपुर माणके देऊन सुद्धा जनावरांना चारा नाही अशा महाभयंकर परिस्थितीत मुअज्जम सापडला. अखेर मनातून पुर्णपणे खचून जाऊन या शहजाद्याने जाण्याचा निर्णय घेतला. 🏇🚩🏇🚩🏇🚩🏇🚩🏇 📜 १५ फेब्रुवारी इ.स.१६८९ औरंगजेब अकलुजहून बहादुरगड येथे आला औरंगजेब बादशहाच्या आज्ञेप्रमाणे इखलासखान व बहादुरखान हे छत्रपती संभाजी महाराज व कवी कलश व इतर सर्व कैद्यांसह बहादुरगड येथे पोहोचले. बादशहा औरंगजेब अकलुजहून बहादुरगड येथे आला व कैद्यांना आपल्या समोर आणावे अशी औरंगजेबाने आज्ञा दिली. 🏇🚩🏇🚩🏇🚩🏇🚩🏇 https://youtu.be/GoShm2a2_PA 📜 १५ फेब्रुवारी इ.स.१७३८ धारावी मराठ्यांच्या हाती आल्यानंतर तातडीने मेढा व इमारती बांधकाम सुरू झाले. दरम्यानच्या काळात पोर्तुगीजांनीही दोन वेळा धारावी घेण्याचा अयशस्वी प्रयत्न केला. एकूण रागरंग पहाता पेशव्यांनी धारावीचा बंदोबस्त रामजी महादेव बिवलकर यांजकडे सोपविला. त्यांच्या मदतीस खंडोजी माणकर यांचेकडील अडीच हजार माणूस ठेवीला. रामजी महादेव यांनी पोर्तुगीजांचा व्यवस्थित बंदोबस्त केला व कोटाचे काम सुरू ठेवीले. दिनांक १५ फेब्रुवारी सन १७३८ रोजी कडदीन आणि पेद्रु द मेल यांनी संयुक्तपणे सुमारे ३०० ग्रेनेडियर्स आणि १४४० एतद्देशीय सैनिकांसह धारावीवर मोहीम काढली. 🏇🚩🏇🚩🏇🚩🏇🚩🏇 YouTube चैनल वर हि video स्वरूपात शिवदिनविशेष पाहू शकता खालील लिंक वर👇 https://youtube.com/c/thegreatmarathawarriors . . . 👉अतिशय महत्त्वाचे : सर्व शिवप्रेमींना विनंती आहे या पोस्ट मध्ये कोणीही आपली स्वताची प्रसिध्दी करु नये. 🏇🚩🏇🚩🏇🚩🏇🚩🏇 ✍ लेखन / माहिती संकलन : राहूल बोरसे पाटील. शिवकालीन दिनविशेष व इतिहासावरील दर्जेदार माहिती https://www.facebook.com/TheGreatMarathaWarriorss/ 🏇🚩🏇🚩🏇🚩🏇 🚩🏇 ☀🚩⚔️|| हर हर महादेव, जय श्रीराम || || जय भवानी, जय शिवाजी.||⚔️🚩☀ #🗿शिवकालीन पुराणवस्तू