१८ जानेवारी १६८०...छत्रपती संभाजी महाराजांनी चांगलीच सिद्दीवर निर्माण केलेली जरब...🚩 जंजिऱ्यासारख्या अभेद्य सागरी किल्ल्याचा व इंग्रजांच्या मुंबईतील बेटांचा आश्रय घेऊन सिद्दी स्वराज्याला उपद्रव देत होता. छत्रपती शिवाजी महाराजांनी जंजिऱ्यावर पाच वेळा आक्रमण केलं होतं. इ.स.१६७१ मध्ये जंजिरा घेऊन दाखवील त्यास एक मन सोन्याचं बक्षीस शिवाजी महाराजांनी जाहीर केलं होतं. सिद्दी व सुरतकर इंग्रज संगनमताने एकमेकांना सहाय्य करत स्वराज्याच्या कुरापती काढत होते. १८ जानेवारी १६८० मध्ये इंग्रज व शिवाजी महाराज यांमध्ये जो तह झाला त्यात इंग्रजांनी सिद्दीस कोणतीही मदत व आपल्या बेटांवर आश्रय देऊ नये ही प्रमुख अट होती... छत्रपती शिवाजी महाराजांशी झालेल्या तहानुसार इंग्रज वागत नव्हते. त्यांची सिद्दीस मदत चालूच होती संभाजी मराजांनी अनेकवेळा इंग्रजांची अनेक गलबते, व्यापारी जहाजे अडवून ठेवून त्यांच्यावर दबाव आणण्याचा प्रयत्न केला पण इंग्रज ऐकेनात म्हणल्यावर संभाजी महाराजांनी 'सिद्दीस मदत कराल तर मराठे प्रत्यक्ष मुंबईवरच आक्रमण करतील...' अशी धमकीच इंग्रजांना दिली. यानंतर इंग्रजांचे धाबे दणाणले. त्यांनी दुट्टपी धोरण सोडून संभाजी महराजांशी सहकार्याचे धोरण अवलंबले. या मैत्रीचा लूटमार थांबावी म्हणून त्या लाभ घेऊन संभाजी महाराजांनी सिद्दीची "कोर्लई" येथील खाडीच्या रक्षणाची जबाबदारी इंग्रजांच्याच गळ्यात टाकली. इंग्रजांवर दबाव टाकत सिद्दीस काबूत ठेवण्याचे धोरण संभाजी महाराजांनी स्वीकारले... संभाजीराजे फक्त इंग्रजांच्या भरवश्यावर राहिले नाहीत तर त्यांनी सिद्दी बरोबर लढण्यासाठी आपल्या आरमारात देखील वाढ केली. मायनाक भंडारी, सिद्दी संबूळचा मुलगा आणि त्याचा मेव्हणा सिद्दी मिस्री यांच्या हाताखाली ८५ गलबते, ५००० मराठा सैन्य सिद्दीच्या बंदोबस्तासाठी त्याच्या पाळतीवर ठेवले. सिद्दीच्या ताब्यातील उंदेरी, दंडाराजपुरी या ठाण्यांवर हल्ले करत संभाजी महाराजांनी सिद्दीविरोधात अतिशय आक्रमक भूमिका घेतली... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त