സർക്കാരിന്റെ വികസന നേട്ടങ്ങളും നവകേരള തുടർപ്രവർത്തനങ്ങൾക്കായുള്ള ആശയങ്ങളും പങ്കുവയ്ക്കാനുള്ള എൽഡിഎഫ് വികസന മുന്നേറ്റ ജാഥകൾ പര്യടനത്തിനൊരുങ്ങി. സിപിഐ എം സംസ്ഥാന സെക്രട്ടറി സ. എം വി ഗോവിന്ദൻ മാസ്റ്റർ നയിക്കുന്ന വടക്കൻ മേഖലാ ജാഥ നാളെ തുടങ്ങും. വടക്കൻമേഖലാ ജാഥ ഞായർ പകൽ മൂന്നിന് മഞ്ചേശ്വരം കുമ്പളയിൽ മുഖ്യമന്ത്രി സ. പിണറായി വിജയൻ ഉദ്ഘാടനംചെയ്യും. 16ന് പാലക്കാട് തരൂരിലാണ് സമാപനം. കാസർകോട്, കണ്ണൂർ, വയനാട്, കോഴിക്കോട്, മലപ്പുറം, പാലക്കാട് ജില്ലകളിൽ പര്യടനം നടത്തും. അംഗങ്ങൾ: കെ എസ് സലീഖ, പി സന്തോഷ് കുമാര് എംപി, മാത്യു കുന്നപ്പള്ളി, പി പി ദിവാകരന്, അഡ്വ. പി എം സുരേഷ് ബാബു, മനയത്ത് ചന്ദ്രന്, യു ബാബു ഗോപിനാഥ്, വടകോട് മോനച്ചന്, അഡ്വ. എ ജെ ജോസഫ്, കാസിം ഇരിക്കൂര്, അഡ്വ. നൈസ് മാത്യു. #🆕 ലേറ്റസ്റ്റ് അപ്ഡേറ്റ്
