ఒక మగవాడు ఒక ఆడదాన్ని ఆకట్టుకోవడానికి వేసే ప్లాన్‌లు, చూపించే ఓపిక, చేసే నటన, చెప్పే అబద్ధాల తెలివి… అవే తన కెరీర్‌ మీద పెట్టుంటే తన బిజినెస్‌ మీద పెట్టుంటే తన కలల మీద పెట్టుంటే ఈరోజు “ఆమె వదిలేసింది” అని కథలు చెప్పుకునే పరిస్థితి వచ్చేదే కాదు. ప్రేమలో ఓడిపోయిన మగాళ్లలో చాలామంది నిజంగా ప్రేమలో కాదు — అలవాటులో ఓడిపోతారు. ఆడది వెళ్ళిపోయింది కాబట్టి కాదు, తన దారిని తానే వదిలేసుకున్నాడు కాబట్టి. “నా జీవితం ఇలా అయ్యింది… ఒక ఆడది కారణం” అని వేలెత్తి చూపించే ముందు ఒక్కసారి అద్దంలో చూసుకుంటే బాగుంటుంది. ఆమెను ప్రేమించడానికి పెట్టిన శక్తి తనను నిర్మించుకోవడానికి పెట్టలేదా? అలాగే ఒక మగవాడు ఒక ఆడదాన్ని నిజంగా ప్రేమిస్తే ఆమెను గెలుచుకోవడం కాదు, తనను మెరుగుపరచుకోవడమే మొదలు పెడతాడు. ఆమె కోసం ఎదురు చూడమని అడగడు, ఆమె ముందుకు నడవగలిగే వ్యక్తిగా మారతాడు. “నన్ను వదిలేసింది” అని బాధపడటం కంటే “నన్ను వదిలేసే స్థాయిలో నేను ఎందుకు ఉన్నాను?” అని అడిగితే అక్కడినుంచి మగాడు మొదలవుతాడు. ప్రేమను నిందించడం సులభం. స్త్రీని కారణం చేయడం ఇంకా సులభం. కానీ బాధ్యత తీసుకోవడం — అది మాత్రమే అసలు మగతనం. ఇది ఎవరికైనా నచ్చకపోవచ్చు. కానీ కారణం వెతకడం కాదు, సరిదిద్దుకోవడం నేర్చుకున్నవాడే తన జీవితానికి యజమాని.🙏🙏🙏🙏🙏 #😃మంచి మాటలు #🗣️జీవిత సత్యం #తెలుసుకుందాం #🙆 Feel Good Status