#🌻आध्यात्म 🙏 #💐संत महंत🙏 #✍️भक्ती संदेश . . . ll ज्ञानेश्वरीतील ज्ञानामृत चिंतन ll . ************** . 'जे मन आपला संकल्प, विकल्प व चंचलता टाकते ते मन स्वरूपस्थितीला पावते. अचल, कलंकरहित परिपूर्ण चंद्रबिंब असावे तसे आपले मन असावे. ************************************************* . सत्वादिकांच्या आंगी । पडिले तप तिही भागी l . जाले तेही तुज चांगी । दाविले व्यक्ती ll ***************[ ज्ञानेश्वरी-१७/२६३]**************** . ------- llअर्थ ll ------ . अशा प्रकारे, सत्त्वादिक तीन जातीचे जे तप तुला ते स्पष्टपणे सांगितले. . ll चिंतन ll . . शरीर, वाचा, मन शुद्ध झाले की ईश्वर आपल्याशी बोलतो अशा वेळी सात्त्विक तपच उपयोगी पडते. राजस व तामसी तप आचरू नये हे सांगताना भगवंत म्हणतात, 'हे तीन प्रकारचे तप फलेच्छा न धरता, पुरुषाने एकाग्र चित्ताने आचरले असता त्याला सात्त्विक तप असे म्हणतात. सत्कार, मान, पूजा यासाठी व दांभिकपणे जे तप करतात ते इहलोकी क्षणिक फलदायी व निश्चित असे असते. त्याला राजस तप म्हणतात. जे तप मूर्खपणाचा हट्ट घेऊन अथवा दुसऱ्या मनुष्याच्या नाशासाठी केले जाते त्याला तामस तप म्हणतात. . सात्त्विक तपात फलाशा नसते. निष्काम बुद्धी असते व नितांत श्रद्धा असते. सत्काराची हाव, मानाचा दंभ आणि पूजेची आकांक्षा जेथे असते तेथे राजस तप असते. अशा तपास मोक्ष नाही. अट्टाहास, आत्मनिंदा आणि दुसऱ्याच्या नाशाचा विचार म्हणजे तामसी तप होय. . ज्ञानेश्वर महाराज म्हणतात 'जे मन आपला संकल्प, विकल्प व चंचलता टाकते ते मन स्वरूपस्थितीला पावते. अचल, कलंकरहित परिपूर्ण चंद्रबिंब असावे तसे आपले मन असावे. तेथे आत्मज्ञानाचे अंकुर फुटावेत. तळहात जसा केसरहित असतो तसे मन विकल्परहित असावे. अशा स्थितीला मानस तप किंवा सात्त्विक तप म्हणतात. . . ll राम कृष्ण हरी, माऊली ll