*जिल्हा परिषदेच्या निवडणुकीत लोकांच्या मनातले उमेदवार देणार – सहकार मंत्री नामदार बाबासाहेब पाटील* रोहिणा – आगामी जिल्हा परिषदेच्या निवडणुकीत लोकांनी शिफारस केलेले उमेदवार जिल्हा परिषद व पंचायत समिती निवडणुकीसाठी उमेदवार म्हणून देणारअसल्याचे प्रतिपादन राज्याचे सहकार मंत्री नामदार बाबासाहेब पाटील यांनी चाकूर तालुक्यातील रोहिना येथे केले. रोहिणा येथे आगामी जिल्हा परिषद निवडणुकीच्या पार्श्वभूमीवर रोहिणा जिल्हा परिषद मतदार संघाच्या पदाधिकारी व कार्यकर्त्यांच्या मेळाव्याचे आयोजन करण्यात आले होते त्यावेळी सहकार मंत्री ना . बाबासाहेब पाटील बोलत होते. यावेळी व्यासपीठावर कार्यक्रमाचे अध्यक्ष शिवाजीराव काळे, नगराध्यक्ष करीमसाहेब गुळवे, माजी नगराध्यक्ष उषाताई कांबळे, कृषी उत्पन्न बाजार समिती संचालक यशवंतराव जाधव, तालुका कार्याध्यक्ष भानुदासराव पोटे, सरपंच दयानंदराव सुरवसे, तालुका उपाध्यक्ष गणपतराव कवठे, नंदकुमार पवार, नगरसेवक इलियासभाई सय्यद, विष्णुकांत तिकटे, सिद्धेश्वरआप्पा अंकलकोटे, मिलिंदराव महालिंगे, मधुकरराव मुंडे, गंगाधर अक्कानरू, भुजंगराव केंद्रे, भीष्मनारायण केंद्रे सर के, सिद्धेश्वर आप्पा लोहारे, मनोजराव पाटील, संदीप शेटे, मच्छिंद्र नागरगोजे, समाधान डोंगरे, ओम केंद्रे, संदीप पांचाळ, सुरज पटणे, धनराज बाचीफळे, अशोक घोरपडे, देवानंद पाटील, लक्ष्मणराव घुमे, रामकिशन चिंचोले, माडगे सर, व्यंकट कैलवाडे, राजू शिंदे, अशोकराव पाटील, अंतेश्वर पाटील, सूर्यकांत गव्हाणे, बब्रुवान केसाळे आदी मान्यवर उपस्थित होते. पुढे बोलताना सहकार मंत्री नामदार पाटील म्हणाले की, गेल्या अनेक दिवसांपासून जिल्हा परिषदेच्या निवडणुकीला रखडल्या होत्या. मात्र आगामी काही दिवसात या निवडणुका जाहीर होणार आहेत. जिल्हा परिषदेच्या निवडणुका म्हणजे स्थानिक प्रश्नावरची निवडणूक असते त्यामुळे स्थानिक प्रश्नावर ज्यांचा अभ्यास आहे किंवा जे लोकात कायम राहणारे आहेत लोकप्रश्न समजून घेऊन सोडवणार आहेत अशाच कार्यकर्त्यांना निवडणुकीत आपण संधी देणार असल्याचे सहकार मंत्री नामदार पाटील म्हणाले. मागील कालखंडात रोहिण्या गावातील अनेक प्रश्नांना न्याय देण्याचा प्रयत्न केला असून अजूनही काही प्रश्न राहिले असतील तर येणाऱ्या निवडणुकीच्या नंतर ते सोडवण्याचा प्रयत्न या भागाचा लोकप्रतिनिधी म्हणून करणार असल्याचे सहकार मंत्री नामदार पाटील म्हणाले. या कार्यक्रमाचे सूत्रसंचालन बिलालखा पठाण यांनी केले. या कार्यक्रमास रोहिना जिल्हा परिषद मतदार संघातील सर्व 18 गावातील शेकडोच्या संख्येने नागरिकांची उपस्थिती होती. *चौकट* *सहकार मंत्री नामदार पाटील यांचे हात बळकट करण्यासाठी आपण राष्ट्रवादी काँग्रेस पक्षाच्या उमेदवारांना विजयी करा– मच्छिंद्र नागरगोजे* आपल्या भागाचे लोकप्रतिनिधी हे राज्याचे सहकार मंत्री आहेत त्यामुळे आपल्याला निधीची कमतरता कधीही भासणार नाही. आपण जर सहकार मंत्री बाबासाहेब पाटील यांच्या विचाराचा लोकप्रतिनिधी जिल्हा परिषदेत व पंचायत समितीत पाठवला तर त्याला अधिक निधी प्राप्त होईल यासाठी आपण राष्ट्रवादी काँग्रेस पक्षाच्या उमेदवारांना विजयी करून सहकार मंत्री नामदार बाबासाहेब पाटील यांचे हात बळकट करावे असे आवाहन रोहिना जिल्हा परिषद मतदार संघाच्या पदाधिकारी व कार्यकर्ते मेळाव्याचे आयोजक मच्छिंद्र नागरगोजे यांनी कार्यक्रमाचे प्रास्ताविक करताना केले. #📝मराठवाडा अपडेट्स