जगाला हादरवून सोडणारी – ‘The Epstein Files’ नेमकं काय आहे?
आज आपण बोलणार आहोत अशा एका प्रकरणाबद्दल, ज्यामुळे संपूर्ण जगात खळबळ उडाली आहे. हे प्रकरण आहे अमेरिकेतील कुख्यात फायनान्सर जेफ्री एपस्टीन आणि त्याच्याशी संबंधित असलेल्या तथाकथित Epstein Files बद्दल.
जेफ्री एपस्टीन कोण होता?
जेफ्री एपस्टीन हा अमेरिकेतील अत्यंत श्रीमंत आणि प्रभावशाली व्यक्ती होता. फायनान्स सेक्टरमध्ये त्याचा मोठा वावर होता.
मात्र त्याच्यावर अत्यंत गंभीर आरोप झाले. अल्पवयीन मुलींची लैंगिक तस्करी आणि शोषण केल्याचे आरोप त्याच्यावर ठेवण्यात आले.
असा आरोप आहे की, एपस्टीन अल्पवयीन मुलींना आपल्या संपर्कातील अतिशय मोठ्या आणि हाय-प्रोफाइल लोकांपर्यंत पोहोचवत होता. या प्रकरणाची चौकशी सुरू असतानाच, २०१९ मध्ये न्यूयॉर्कच्या तुरुंगात त्याचा मृत्यू झाला, आणि तो मृत्यू आजही संशयास्पद मानला जातो.
Epstein Files म्हणजे नक्की काय?
Epstein Files म्हणजे एपस्टीनच्या गुन्ह्यांच्या तपासादरम्यान जमा केलेली कागदपत्रे.
या फाइल्समध्ये सुमारे ३० लाखांहून अधिक पाने, फोटो, ई-मेल्स आणि काही व्हिडिओ असल्याचं सांगितलं जातं.
या कागदपत्रांमधून एपस्टीनचे जगभरातील अनेक प्रभावशाली लोकांशी असलेले संबंध समोर येत असल्याचा दावा केला जात आहे.
या फाइल्स आता सार्वजनिक का केल्या जात आहेत?
मिळालेल्या माहितीनुसार, अमेरिकेचे राष्ट्राध्यक्ष डोनाल्ड ट्रम्प यांनी नोव्हेंबर २०२५ मध्ये
‘Epstein Files Transparency Act’ या कायद्यावर स्वाक्षरी केली.
या कायद्यानुसार अमेरिकेच्या न्याय विभागाला या प्रकरणाशी संबंधित पुरावे हळूहळू सार्वजनिक करणे बंधनकारक करण्यात आलं आहे.
या फाइल्समध्ये कोणकोणाची नावे चर्चेत आहेत?
या फाइल्समध्ये अनेक मोठी आणि प्रसिद्ध नावे असल्याचं विविध अहवालांमधून समोर येत आहे.
यामध्ये काही राजकारणी, उद्योगपती, शास्त्रज्ञ आणि मनोरंजन क्षेत्रातील लोकांचा उल्लेख केला जातो.
मात्र इथे एक गोष्ट स्पष्ट सांगणं महत्त्वाचं आहे —
नाव असणं म्हणजे दोषी ठरणं असं नाही, असं अनेकांनी स्पष्ट केलं आहे.
अनेक दिग्गजांनी “आमची भेट फक्त व्यावसायिक कारणासाठी होती” असं सांगत आरोप फेटाळले आहेत.
भारत कनेक्शन आणि चर्चांचा विषय
या प्रकरणाचे पडसाद भारतातही उमटले.
काही सोशल मीडिया रिपोर्ट्समध्ये काही भारतीय नावांचा उल्लेख करण्यात आला.
पण पंतप्रधान नरेंद्र मोदी यांच्याबाबत जे दावे व्हायरल झाले होते, ते Fact Check संस्थांनी खोटे असल्याचं स्पष्ट केलं आहे.
सध्या अमेरिकेच्या न्याय विभागाने फक्त काहीच कागदपत्रे आणि फोटो जाहीर केले आहेत.
पुढील काळात आणखी माहिती समोर येण्याची शक्यता वर्तवली जात आहे.
शेवटी एवढंच म्हणता येईल…
Epstein Files हे प्रकरण फक्त एका व्यक्तीपुरतं मर्यादित नाही,
तर सत्तेचा, पैशाचा आणि प्रभावाचा गैरवापर किती खोलवर जाऊ शकतो याचं हे मोठं उदाहरण मानलं जात आहे.
सत्य काय आहे, आरोप कुठपर्यंत खरे ठरतात, हे येणाऱ्या काळात हळूहळू स्पष्ट होईल... #epstein file #Epstin file