சின்ன வயசுல கல்வி ஒன்றே அழியாச் செல்வம் ன்னு வாத்தியார் சொன்ன வார்த்தைகள், அப்போ ஒரு வசனமாதான் கேட்டது. ஆனா காலம் கடந்து, வாழ்க்கை கையெழுத்து போட்டுக் கொடுத்த பாடங்களுக்குப் பிறகு, அந்த வார்த்தைகள்தான் என் பயணத்தின் அர்த்தமா மாறின. எந்த ஒரு family support இல்லாம, விழுந்தும் எழுந்தும் இவ்வளவு தூரம் வந்திருக்கேன் என்றால், அதுக்கு பின்னால நிக்கிற ஒரே சக்தி — கல்வி. பணம் போகலாம். உறவுகள் விலகலாம். ஆனா கல்வி மட்டும், நாம் எவ்வளவு கீழே தள்ளப்பட்டாலும், மீண்டும் எழுந்து நிற்க ஒரு படிக்கட்டாகவே இருக்கும். கீழ் நிலையில் (ஏழ்மை , பெற்றோர் இன்றி) பிறந்த பிள்ளைகளுக்கு, கனவு காண்றதுக்கே ஒரு போராட்டம். அந்த போராட்டத்தை வெல்ல, கல்வியை கை விடாம உயிர் மாதிரி பிடிச்சுக்கிட்டே முன்னேறணும். அதுதான் தன்னைத் தானே உயர்த்திக்கொள்ள கிடைக்கிற ஒரே ஆயுதம். கல்வி ஒரு பட்டம் அல்ல. மரியாதையோட நிமிர்ந்து நிக்கிறதற்கான ஆயுதம். #😍மனதை தொடும் ஸ்டேட்டஸ்