#📙 നോവൽ - കാശിയുടെ പെണ്ണ് ❤‍🔥❤‍🔥 🔻 പാർട്ട് _6 ✍️ രചന - ജിഫ്ന നിസാർ ❤‍🔥❤‍🔥 ശിവാ.. ബസ്സിന്‌ നേരെ തിരിക്കിട്ട് നടക്കുന്നതിനിടെ കാശി വിളിക്കുന്നത് കേട്ടാണ് ശിവ തിരിഞ്ഞു നോക്കിയത്. "കുമാരേട്ടാ.. ഒരു ചായ കൂടി.." ശിവയങ്ങോട്ട് വരുന്നത് കണ്ടിട്ട് കാശി വിളിച്ചു പറഞ്ഞു. "നീയിന്ന് ച്ചായ കുടിക്കാതെയാണോ ഡാ വന്നത്.." അവനരികിലേക്ക് വന്നു കൊണ്ട് ശിവ ചോദിച്ചു. മനോഹരമായ ചിരിയുണ്ടവന്. അത് തന്നെയാണ് അവന്റെ ഏറ്റവും വലിയ ഭംഗിയും. ബസ്സിൽ സ്ഥിരമായി കയറുന്ന എത്രയോ പേരുടെ ഹൃദയം കവരുന്ന ചിരി.. ശാന്തമായ പെരുമാറ്റം.. സ്വഭാവത്തിൽ കാശിയുടെ നേരെ വിപരീതം. കാശി എന്തിനെയും ദേഷ്യം കൊണ്ടും ധൈര്യം കൊണ്ടും നേരിടുമ്പോൾ അവൻ ഹൃദയം കൊണ്ട് സംസാരിച്ചു നേടാൻ ശ്രമിക്കും. അത് ധൈര്യമില്ലാഞ്ഞിട്ടല്ല.. വെറുതെ ഒരാളുടെ ശത്രുത വാങ്ങി വെക്കണ്ടല്ലോ എന്നോർത്ത് കൊണ്ടാണ്.. പലപ്പോഴും അത് വമ്പൻ പരാജയമായി പോകും. അതിന് കാശിയവനെ കണ്ണ് പൊട്ടുന്ന ചീത്ത വിളിച്ചാലും പിന്നെയും ജീവിതത്തിൽ അങ്ങനൊരു സാഹചര്യം വന്നാലും അവനത് തന്നെ ചെയ്യും. പക്ഷേ കാശിയുടെ പ്രിയപ്പെട്ട കൂട്ടുകാരൻ ശിവയെ തൊട്ട് കളിക്കാൻ ധൈര്യമുള്ളവരൊന്നുമില്ല ആ നാട്ടിൽ എന്നത് തന്നെയാണ് ശിവയുടെ അഹങ്കാരവും. ടിക്കറ്റ് വാങ്ങിക്കുന്ന ഒരു ബാഗ് കഴുത്തിൽ തൂക്കി ഇട്ടിട്ടുണ്ട്. കാക്കി ഷർട്ടും നീല ജീൻസും.. നെറ്റിയിലെ ചന്ദന കുറിയും കയ്യിൽ വരിഞ്ഞു കെട്ടിയ ആ കറുത്ത ചരടും അവനൊരു വല്ലാത്ത ലാളിത്യം നൽകുന്നുണ്ട്. അച്ഛനും അമ്മയും പിന്നൊരു പെങ്ങളും അടങ്ങുന്നതാണ് അവന്റെ കൊച്ച് കുടുംബം. അവനെ പോലെ തന്നെ സ്നേഹിക്കാൻ മാത്രമറിയാവുന്ന അവന്റെ കുടുംബം. "ആ പിശാച് വണ്ടിയിലുണ്ട്. അവളിൽ നിന്നും രക്ഷപ്പെട്ടു പോരാൻ ചാടിയതാ.." കുമാരേട്ടൻ കൊണ്ട് വെച്ച ചായ ശിവയുടെ മുമ്പിലേക്ക് നീക്കി വെച്ചു കൊടുത്തത് പറയുമ്പോൾ കാശിയുടെ മുഖം നിറയെ അസംതൃപ്തി നിറഞ്ഞു.. "കുഞ്ഞറ്റായോ.. ശിവ ചിരിയോടെ അവന്റെ അരികിലേക്കിരുന്നു കൊണ്ട് ചോദിച്ചു. "ഒരു കുഞ്ഞാറ്റ.. അവളത്യാവശ്യം നല്ല വലിയ പാറ്റ തന്നെയാ. പക്ഷേ അതെന്റെ കഞ്ഞിയിൽ വീണു പോകുമോ ന്നാ ഇപ്പൊ എന്റെ ഭയം.." കാശി പല്ല് ഞെരിക്കുന്നത് കണ്ടതും ശിവ ചിരിയോടെ തലയാട്ടി. "അവളെന്താ പെട്ടന്ന് വന്നത്.. കഴിഞ്ഞ ആഴ്ച വന്നിട്ട് പോകുമ്പോ ഇനി നീ കാണാൻ കൊതിക്കും ഈ അടുത്തൊന്നും നാട്ടിലോട്ടു വരില്ല എന്നോക്കെ നിന്നോട് വീമ്പ് പറഞ്ഞിട്ട് പോയതല്ലേ.." ശിവ ആകാംഷയോടെ ചോദിച്ചു. 'ആഹ്.. നീ അതും വിശ്വാസിച്ചിരിപ്പാണോ.. കാശിയൊന്ന് ചുണ്ട് കോട്ടി ചിരിച്ചു. "എടാ അതൊക്കെ ആ പരട്ടയുടെ അടവല്ലേ.. നല്ലസ്സല് സൈക്കിളോടിക്കൽ മൂവ് മെന്റ്.. ആഴ്ച്ചക്കാഴ്ചക്ക് വീട്ടിൽ വരുന്നത് മോൾക്കവരോടുള്ള അടങ്ങാത്ത സ്നേഹം കൊണ്ടാന്നാ അശോകേട്ടനും തുളസി ചേച്ചിയും കരുതിയേക്കുന്നത്.. " കാശി അസഹിഷ്ണുതയോടെ മുഖം ചുളിച്ചു. "അത് തെറ്റല്ലല്ലോ..സ്നേഹം തന്നെ ആണല്ലോ.. നല്ല അടങ്ങാത്ത ഗാഡമായ സ്നേഹം.. പക്ഷേ അതവരോടല്ല.. നിന്നോടാണെന്ന് മാത്രം.." ശിവ പറയുമ്പോൾ കാശി അവനെ തുറിച്ചു നോക്കി. "ഞാൻ ഉള്ളതല്ലേ കാശി പറഞ്ഞത്.. അവൾക്ക് സ്നേഹം തന്നെയാണ്..അതെനിക്കറിയാം." ശിവക്കതിൽ സംശയമൊന്നുമില്ല. "ആയിരിക്കും. പക്ഷേ അത് ആ സ്നേഹം നടക്കില്ലെന്നുള്ളത് ബോധമുള്ള ആർക്കും മനസ്സിലാവില്ലേ.. "അതെന്താ നടക്കില്ലെന്നുള്ളത് ഇത്രയും ഉറപ്പ്..നീ അശോകേട്ടന്റെ സ്വന്തം ആളല്ലേ.അവള് പറയുമ്പോലെ അശോകേട്ടൻ ചിലപ്പോൾ... "ഒലത്തും.. അങ്ങേരെ എനിക്കറിയാവുന്ന പോലെ നിനക്കറിയാമോ.. അതില്ല." "അങ്ങേരുടെ പുന്നാര മോൾക്ക് അറിയാമോ." അതെനിക്കറിയില്ല.." ശിവ ചിരിയോടെ കണ്ണ് ചിമ്മി കാണിച്ചു. "നിനക്കൊന്നും അല്ലേലും അയാളെ കുറിച്ച് ഒരു കോപ്പും അറിയില്ല.എന്നാൽ എനിക്കറിയാം.. അവൾ അറിഞ്ഞതിനും അപ്പുറം ശരിക്കുമുള്ള അമ്പലപറമ്പിലെ അശോകൻ... മറ്റാർക്കും അറിയാത്ത ഒരു അശോകനുണ്ട്. കാശും സ്ഥാനമാനങ്ങളും മാത്രം മുന്നിൽ കണ്ടു നടത്തുന്ന അയാളുടെ പല ബിസിനസ് മേഖലകളും എനിക്കറിയാം.. ഞാനത് ശരിക്കും കണ്ടിട്ടുണ്ട്.. അനുഭവിച്ചിട്ടുണ്ട് ശിവാ.. അയാൾക്ക് പറ്റാത്തത് ചെയ്താൽ.. അതിനി എത്ര പ്രിയപ്പെട്ട ആളാണെങ്കിൽ കൂടി. ആ നെഞ്ചിലേക്ക് കത്തി കയറ്റാൻ യാതൊരു മടിയുമില്ല.. ഈ പറയുന്ന അശോകന്. ചിരിച്ചു കൊണ്ടത് ചെയ്യും.. അതേ ചിരിയോടെ തന്നെ കൈ കഴുകി തിരിച്ചു നടക്കും.. പഴയ പോലെ തന്നെ പെരുമാറാനും അയാൾക്ക് കഴിയും.. അങ്ങനെ ഒരാളുടെ മകളാണ് കാർത്തിക.. ആനക്ക് ആനയുടെ വലുപ്പമറിയില്ല എന്ന് പറയുന്നത് പോലെയാണ് കാർത്തികയുടെ അവസ്ഥ. അവളെ മഹേഷിനെ കൊണ്ട് കല്യാണം കഴിപ്പിക്കാൻ അശോകേട്ടൻ തീരുമാനിച്ചത് മറ്റെന്തെങ്കിലും ഉദ്ദേശം വെച്ചിട്ടാണ്.. എനിക്കുറപ്പുണ്ട് ശിവാ.. അല്ലാതെ അയാളാ പുതിയ ബിസിനസ് അവനെ ഏല്പിച്ചു കൊടുക്കില്ല.. എല്ലാത്തിനും വ്യക്തമായി പ്ലാൻ ഉണ്ടാക്കുന്ന.. ആ പ്ലാൻ അനുസരിച്ചു അണുവിടെ മാറാതെ കാര്യങ്ങൾ ചെയ്യാൻ ശ്രമിക്കുന്ന.. അതിനു തടസ്സമാകുന്ന എല്ലാം വെട്ടി മാറ്റാൻ മടിയില്ലാത്ത അയാളുടെ മകളെ...നടക്കില്ല ശിവ.. നടത്തിക്കില്ല അയാൾ.. ശിവയെ നോക്കികാശി ഒന്ന് ശ്വാസമെടുത്തു. എനിക്കു മരിക്കാൻ പേടിയൊന്നുമില്ല.. മുകളിൽ ആകാശം താഴെ ഭൂമി എന്ന് മട്ടിൽ ജീവിച്ചു പോകുന്നവനാ ഞാൻ.. പക്ഷേ.. പക്ഷേ അങ്ങനല്ല ശിവ അയാളുടെ രീതി.. ശത്രുവിനെ ഒറ്റയടിക്ക് കൊല്ലാതെ വട്ടമിട്ടു പിടിച്ചു ഒരു ചക്രവ്യൂഹത്തിലാക്കും. അവനേറ്റവും വേദനിക്കുന്ന കാര്യം.. അവനെ ഏറ്റവും ഭയപ്പെടുത്തുന്ന കാര്യം.. അതാണ്‌ അയാൾ പിന്നെ ചെയ്യുന്നത്. സ്വന്തം ജീവൻ ഉപേക്ഷിച്ചു പോകാൻ അയാൾക്ക് മുന്നിൽ പെട്ട ശത്രു തയ്യാറായാലും അയാളത് ചെയ്യില്ല ശിവ. പകരം.. പകരം.. കാശ്ശിയൊരു കിതപ്പോടെ ശിവയെ നോക്കി. "ഡാ.. റിലാക്സ്.." ശിവയവന്റെ കയ്യിൽ അമർത്തി പിടിച്ചു. കുറെയൊക്കെ കാശി പറഞ്ഞിട്ട് ശിവക്കുമറിയാം. വീടിന്റെ ജപ്തി ഒഴിഞ്ഞു കിട്ടാൻ അന്ന് കാശി വളരെ വലിയൊരു തുകക്ക് അശോകന് മുന്നിൽ കടക്കാരനായി മാറിയിരുന്നു. അങ്ങനെയാണ് അശോകൻ ആവിശ്യപ്പെടുന്ന എന്തും ചെയ്യും എന്നൊരു ലെവലിലേക്ക് അവൻ മാറിയത്. എന്നാലും അവനൊരു പരിധിയുണ്ട്.. അവനായിട്ട് നിശ്ചയിച്ച ഒരു അതിര്. അത് വിട്ടൊന്നും കാശി ചെയ്യില്ല.. അശോകൻ അവനെ ഒന്നും നിർബന്ധിച്ചു ചെയ്യിക്കില്ല.. കാശി ചെയ്യാത്തത് ചെയ്യാൻ അയാൾക്ക് വേറെയും ആളുകൾ ഇഷ്ടം പോലുണ്ട്.. കാശിയുടെ ചങ്കൂറ്റം.. ധൈര്യം.. എന്തും നേരിടാനുള്ള മനസ്സുറപ്പ്.. ഇതെല്ലാം അശോകന് അവൻ മറ്റാരെക്കാളും പ്രിയപ്പെട്ടവനായി. മാറുകയായിരുന്നു. നിവൃത്തികേട് കൊണ്ട് കാശിക്ക് അയാൾക്ക് വേണ്ടി പലതും ചെയ്യേണ്ടിയും വന്നു.. അതെല്ലാം അവന്റെ ഗതികേട് കൊണ്ടാണെന്ന് ശിവക്കറിയാം.. അത് പോലെ തന്നെ.. കാർത്തികയ്ക്ക് കാശിയെ എന്ത് മാത്രം ഇഷ്ടമാണെന്നും ശിവക്കറിയാം. അന്നൊരിക്കൽ അവന്റെ പെങ്ങൾ അമ്മൂസിനെ കാണാൻ വീട്ടില് വന്നവളുടെ കണ്ണിൽ ആ ഇഷ്ടങ്ങനെ നീലിച്ചു കിടപ്പുണ്ട്. അവളുടെ ഇഷ്ടം ഇല്ലാതാക്കാൻ കാശി കണ്ടുപിടിച്ചൊരു മാർഗമായിരുന്നു അവനും അമ്മുവും തമ്മിൽ ഇഷ്ടമാണെന്ന് പറഞ്ഞത്. അതിന്റെ സത്യവസ്ഥ അറിയാൻ വന്നതായിരുന്നു അവളന്ന് നേരിട്ട്.. ഞാനും കാശ്യേട്ടനും അങ്ങനൊന്നും ഇല്ല. എനിക്കെന്റെ ശിവേട്ടൻ പോലെ തന്നെയാണ് കാശ്യേട്ടനെന്ന് പറഞ്ഞ അമ്മുവിനെ അന്നവൾ ഇറുകെ കെട്ടിപിടിച്ചു ഉമ്മ വെച്ചു കൊണ്ടാണ് അവളുടെ സന്തോഷം പ്രകടനമാക്കിയത്. "എനിക്ക്.. എനിക്കത്രേം ഇഷ്ടമാണ് ശിവേട്ടാ.. ഒന്ന് പറയുവോ അത്.. നിങ്ങള് പറഞ്ഞാ കാശ്യേട്ടൻ എന്തും കേൾക്കുമെന്ന് എനിക്കറിയാലോ.. എന്റെ അച്ഛനെ ഞാൻ പറഞ്ഞു സമ്മപ്പിക്കും.. പക്ഷേ കാശ്യേട്ടൻ ഇഷ്ടമാണെന്നൊരു വാക്ക് പറയാതെ ഞാനെങ്ങനെ.. ഒന്ന് പറയുവോ.." അന്നവൾ തന്നോട് കണ്ണു നിറച്ചു കൊണ്ട് പറഞ്ഞത്. ആ കണ്ണ് നീരിലത്രയും അവനോടുള്ള അടങ്ങാത്ത ഇഷ്ടം മാത്രമാണ് താനന്ന് കണ്ടതും.. "പെട്ടന്ന് കുടിക്കഡാ.. ടൈം ആയി തുടങ്ങി.." വാചിലേക്കൊന്ന് നോക്കിയിട്ട് കാശി അവന്റെ മുന്നിലുള്ള ച്ചായ ബാക്കി കൂടി കുടിച്ചിട്ട് എഴുന്നേറ്റു കാശ് കൊടുത്തു കൊണ്ട് പുറത്തേക്കിറങ്ങി. തിരികെ ബസ്സിലേക്ക് തന്നെ പോകാനുള്ള അവന്റെ മടുപ്പ്. അവനു കാർത്തികയെ ഇഷ്ടമാണെന്ന് തനിക്കിത് വരെയും തോന്നിയിട്ടില്ല. അവന്റെ ഏറ്റവും വലിയൊരു ലഹരിയാണ് ഡ്രൈവിംഗ്.. എത്ര നേരവും.. എങ്ങോട്ട് വേണമെങ്കിൽ പോലും പോകാൻ മടുപ്പില്ലാത്ത അവന്റെ ലഹരി. അവന്റെയാ ഒറ്റപ്പെടൽ അവനെ ബാധിക്കാത്ത ഒരേയൊരു കാരണം.. ശിവക്കവനോട് സഹതാപം തോന്നി പോയി ആ നിൽപ്പ് കണ്ടിട്ട്.. അത് അശോകേട്ടനോടുള്ള കടപ്പാട് കൊണ്ടാണോ അതൊ അവളോട് ശെരിക്കും ഇഷ്ടമില്ലാഞ്ഞിട്ട് തന്നെയാണോ എന്ന് ശിവക്കപ്പോഴും തീർച്ചയില്ല. ഒരുപാട് പ്രാവശ്യം അവനോട് അതിനെ കുറിച്ച് ചോദിച്ചപ്പോഴേല്ലാം ഒന്നല്ലെങ്കിൽ കണ്ണ് പൊട്ടുന്ന ചീത്ത വിളിക്കും.. അതുമല്ലെങ്കിൽ അവളെ പോലെ തന്നെ നിനക്കും ഭ്രാന്ത് പിടിച്ചെന്ന് അലസമായി പറഞ്ഞിട്ട് അവിടെ നിന്നും എഴുന്നേറ്റു പോകും.. വാ.. അവനു പിന്നിൽ വന്നിട്ട് ശിവ വിളിക്കുമ്പോൾ മുണ്ടോന്ന് കുടഞ്ഞു മടക്കി കുത്തി കാശിയും അവനൊപ്പം ചെന്നു. അവരെത്തുമ്പോഴേക്കും ഏറെക്കുറെ ആള് ഫുള്ളാണ്. ലിമിറ്റിട് സ്റ്റോപ്പാണ്.. പാലക്കാട് വരെയും. ഏറെയും ജോലിക്കാരാണ്..ബസ് ഇടയ്ക്കിടെ മാറി കയറുക എന്നാ മടുപ്പിനെ ഭയക്കുന്നവരാണ്. ക്ലിനർ പയ്യൻ വെറുതെ വായിട്ടലച്ചു് കൊണ്ട് തലങ്ങും വിലങ്ങും നടപ്പുണ്ട് ബസ്സിന് ചുറ്റുമായി. ഒരാഴ്ച ആയിട്ടൊള്ളു അവൻ കയറിയിട്ട്.. ഇവിടെ അടുത്തെവിടെയോ ഉള്ളവനാണ്. കോളേജ് പഠനം നിർത്തി വന്നതാണ്. കാശിക്ക് അവനിൽ പലപ്പോഴും തന്നെ കാണാൻ കഴിഞ്ഞിരുന്നു.. ഡ്രൈവിംഗ് ഭാഗത്തെ ചെറിയ ഡോർ തുറന്നു കൊണ്ട് സ്റ്റിയറിങ്ങ് പിടി മുറുക്കി കാശി കയറുന്നതും നോക്കിയിരുന്നവളുടെ കണ്ണുകൾ തിളങ്ങി.. അവന്റെ ഓരോ ചലനങ്ങളെയും അവളത്ര മേൽ കൊതിയോടെ നോക്കിയിരിക്കുമ്പോൾ തന്നെ കാശി അവളെ നോക്കാതെ ബസ് സ്റ്റാർട്ട് ചെയ്തു.. തുടരും.. ചെക്കനെത്തി ഗ്യുസ്.. ശിവ.. ഓനെ വായി നോക്കാൻ വേണ്ടി മാത്രം ചുറ്റി പറ്റി നിൽക്കുന്നവരെ.. നിങ്ങളോടാണ്. മാന്യമായിട്ട് വായി നോക്കി ഒരു സൈഡിൽ നിൽക്കുക.. കൂടുതൽ അലമ്പാക്കാൻ ശ്രമിക്കരുത്.. നിങ്ങൾ നിരാശപ്പെടേണ്ടി വന്നേക്കും. പിന്നെ എന്നേ ചീത്ത വിളിക്കരുത്.. ഇപ്പഴേ പറഞ്ഞേക്കാം.. ഇന്നലെ ഇടാൻ മറന്നോയി 🤣 റിവ്യൂ ഇട്ടിട്ട് പോണേ.. സ്നേഹത്തോടെ jif❤‍🔥❤‍🔥 #📔 കഥ #💞 പ്രണയകഥകൾ