✍🏼🚩 शककर्ते शिवराय या संदर्भ शिवचरित्र लिहणारे विजयराव देशमुख शंभुछत्रपतींचं एक विमोचन करतांना लिहतात की 👈 "छत्रपती शंभूराजांचे श्रेष्ठत्व कशात आहे ? 'त्यांनी धर्मासाठी बलिदान केले हे त्यांचे श्रेष्ठत्व' अशी सर्वसाधारण धारणा त्यांचेविषयी असल्याचे सर्वत्र दिसते. पण कुठल्या धर्मासाठी त्यांनी बलिदान केले ? छत्रपती शंभूराजांनी ज्या धर्मासाठी बलिदान केले तो, शिवरायांनी सांगितलेला राष्ट्रधर्म होय ! छत्रपती शिवाजीराजांनी आग्रा भेटीत रामसिंह व अन्य राजपूत, जे जे त्यांच्या संपर्कात आले त्यांना, हा राष्ट्रधर्म सांगितला. एकात्म राष्ट्रभाव जागवून, सुसंघटितपणे शक्तीसंपन्न होऊन, परकीय मोगली गुलामगिरीतून 'अहद तंजावर ते तहद पेशावर' संपूर्ण देश स्वतंत्र करणे हा तो राष्ट्रधर्म ! उत्तरेतील राजपूतांनी एकत्र येऊन मराठ्यांना एकदिलाने साथ दिली तर हे कार्य सहज शक्य आहे असे महाराजांचे आर्जवी सांगणे होते. महाराज आग्र्याच्या कैदेत असताना त्यांच्या माघारी महासिंह शेखावतने आपल्या राजपूत सहकाऱ्यांशी बोलतांना काढलेले उद्गार यासंदर्भात सूचक आहेत. तो म्हणतो, 'सेवाजी स्याणो बहोत. जु बात कहे सू ठीकही कहो...खरोही भी राजपूत | जिणो सुणो थो तिसो हो देखो । असी राजपूतपणा की बात कहे थो सू याद रहे तो समयउपर का आवे ।' (शककर्ते शिवराय खंड २पृ.१०२) दुर्दैवाने शिवाजीराजांच्या हयातीत त्यांचे स्वप्न साकार झाले नाही. पण शंभूराजे गादीवर येताच उण्यापुऱ्या वर्षभरात छत्रपती शिवाजीराजांचे स्वप्न साकार होण्याच्या आशा पल्लवीत झाल्या. दुर्गादास राठोडाच्या प्रयत्नाने औरंगजेबाचा शाहजादा अकबर फुटला. जोधपूर व उदयपूरचे राजपूत राजे एकत्र येऊन त्यांनी अकबराला ‘मोगल सम्राट' म्हणून मान्यता दिली ! वणवा पेटत चालला. शंभूराजांनी अकबराला हिंदवी स्वराज्यात जाणीवपूर्वक आश्रय दिला तो, थोरल्या महाराजांचे स्वप्न पूर्ण करण्याच्या दिशेने टाकलेले एक पाऊलच होय ! यासाठीच सतत सात वर्षे शंभूराजांनी देहभान विसरून औरंगजेबाशी झुंज मांडली. स्वातंत्र्याची ज्योत उंबरठ्यापर्यंत आणून ठेवली. दुर्दैवाने “स्वामीनिष्ठ” राजपूतांनी शंभूराजांना साथ दिली नाही. त्यामुळे 'दक्षिणीयांची पातशाही दक्षिणीयांचे हाती राखूनही' त्या शक्तीच्या बळावर झुंजत असलेल्या शंभूराजांच्या पंखातील बळ कमी पडले. त्यांना राष्ट्रधर्मरक्षणार्थ बलिदान द्यावे लागले. याचि देही याचि डोळा थोरल्या महाराजांचे 'हिंदवी स्वराज्याचे' स्वप्न ते प्रत्यक्ष पाहू शकले नाहीत. त्यांच्या बलिदानाच्या पायावर पुढे हिंदवी स्वराज्याचा झेंडा अटकेपार गेला हेही तेवढेच सत्य आहे." ✍🏼 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त