#PSSM World ಎದುರಾಗುವ ಪ್ರತಿಯೊಂದು ಸವಾಲುಗಳನ್ನು ಸ್ವೀಕರಿಸಿ; ಅದು ಕೇವಲ ಜೀವನದ ಒಂದು ಭಾಗವಾಗಿ ಅಲ್ಲ, ಯಾಕೆಂದರೆ ಇಡೀ ಜೀವನವೇ ಒಂದು ಸವಾಲು.
ಹಾಗಂತ ನಾವು ಅಷ್ಟಕ್ಕೇ ಸಮಾಧಾನ ಪಟ್ಟರೇ ಸಾಲದು. ನಮ್ಮ ಜೀವನದ ಕೊನೆಯ ಘಳಿಗೆಯವರೆಗೂ ನಾವು ಸವಾಲಿನಲ್ಲಿಯೇ ಬದುಕಿದರೆ, ಎದುರಾಗುವ ಸವಾಲುಗಳನ್ನು ಸ್ವೀಕರಿಸುತ್ತ ಬದುಕಿದರೆ ಮಾತ್ರ ನಮ್ಮ ಪ್ರತಿಯೊಂದು ಕನಸುಗಳು ನಮ್ಮ ಜೊತೆಯಲ್ಲಿ ಜೀವಂತವಾಗಿರುತ್ತದೆ.
ನಾವು ಸ್ವಾಭಾವಿಕವಾಗಿ ನಮ್ಮ ಜೀವನದಲ್ಲಿ ಕಳೆದುಹೋದ ಘಟನೆಗಳಿಂದ ಆದ ನೋವನ್ನೇ ಸದಾ ಮೆಲುಕು ಹಾಕಿ ವ್ಯಥೆಪಡುತ್ತಿರುತ್ತೇವೆ. ಆದರೆ ಎಲ್ಲರಂತೆ ನಾನಲ್ಲ. ನಾನು ಇಂದು ಹಾಗೂ ನಾಳೆಯ ಬಗ್ಗೆ ಬರೀ ಚಿಂತಿಸಲ್ಲ, ಯೋಚಿಸುತ್ತೇನೆ.
ನಾವು ಯಾವತ್ತೂ ಒಳ್ಳೆಯ ಕೆಲಸಗಳನ್ನೇ ಮಾಡಲು ಪ್ರಯತ್ನಿಸಬೇಕು; ಉಳಿದುದನ್ನು ದೇವರು ನೋಡಿಕೊಳ್ಳುತ್ತಾನೆ ಅಂದುಕೊಂಡು ಬದುಕುತ್ತಿರಬೇಕು ಅಷ್ಟೇ.
ಈ ಪ್ರಪಂಚದಲ್ಲಿ ಇಂದಿನ ಕಾಲದಲ್ಲಿ ನಂಬಿಕೆಗೆ ಬೆಲೆ ಎಲ್ಲಿದೆ? ನಂಬಿ ಸಹಾಯ ಮಾಡಿ, ಕೊನೆಗೆ ನಂಬಿಕೆಗೆ ದ್ರೋಹ ಬಗೆಯುವ ಜನರ ಮಧ್ಯೆ ಏನೋ ಮಾಡೋಕೆ ಹೋಗಿ ಏನೋ ಆಗಿದ್ದಿಕ್ಕೆ ನನ್ನ ಜೀವನದಲ್ಲಿ ಭರವಸೆ ಅನ್ನೋದನ್ನೇ ಕಳೆದುಕೊಂಡಿದ್ದೇನೆ. ನಂಬಿಕೆ ಅನ್ನೋ ಪದಕ್ಕೆ ಕೂಡ ಯಾಕೆಂದರೆ ‘ನಂಬಿಕೆ’ ಅನ್ನೋದು ಗಾಜಿನ ಗ್ಲಾಸ್ ಥರ, ಒಮ್ಮೆ ಒಡೆದು ಹೋದರೆ ಮತ್ತೆ ಅದನ್ನು ಯಥಾಸ್ಥಿತಿಗೆ ತರುವುದು ಕಷ್ಟ ಹಾಗು ಅಸಾಧ್ಯ.
ನಂಬಿಕೆ ಅನ್ನೋದು ಎಲ್ಲರ ಜೀವನದಲ್ಲಿಯೂ ಒಂದು ಪ್ರಯಾಣ; ನಂಬಿಕೆ ಅನ್ನೋದು ಒಂದು ಇತಿಹಾಸ. ಕಣ್ಣಿಗೆ ಕಾಣದ ದೇವರು ಅಮೂರ್ತ ಸತ್ಯಗಳನ್ನು ನಿರ್ದೇಶಿಸುವ ಮೂಲಕ ತನ್ನನ್ನು ಬಹಿರಂಗಪಡಿಸಲಿಲ್ಲ. ಆದರೆ ಮಾನವ ಇತಿಹಾಸದಲ್ಲಿ ಕಾರ್ಯನಿರ್ವಹಿಸುವ ಮೂಲಕ. ನಂಬಿಕೆಯ ಪ್ರತಿಕ್ರಿಯೆಯು ಐತಿಹಾಸಿಕವಾಗಿದೆ, ಅಂದರೆ ಅದನ್ನು ಮತ್ತೆ ಮತ್ತೆ ನವೀಕರಿಸುವುದು ನಮ್ಮೆಲ್ಲರ ಆಧ್ಯ ಕರ್ತವ್ಯವಾಗಬೇಕು.
ಜೀವಿಗಳಲ್ಲೆಲ್ಲಾ ಶ್ರೇಷ್ಠವಾದುದು ಮಾನವಜೀವಿ, ಈ ಭೂಮಿಯ ಮೇಲೆ ಹುಟ್ಟಿದ ಪ್ರತಿಯೊಂದು ಜೀವಿಯಲ್ಲೂ ಈ ನಂಬಿಕೆ ಅನ್ನುವುದು ಇದ್ದೇ ಇದೆ. ಮತ್ತೆ ಮನುಷ್ಯರಾದ ನಮಗೆ ಇದು ಸಾಮಾನ್ಯವೇ ಅಲ್ಲವೇ. ಜೀವನ ಅನ್ನೋದು ನಿಂತಿರುವುದೇ ನಂಬಿಕೆಯ ಮೇಲೆ ಹಾಗಂತ ನಂಬಿಕೆಯೇ ಜೀವನ ಆಗಲಾರದು ಅನ್ನೋದು ಸತ್ಯ. ಮನುಷ್ಯ ಸಂಘ ಜೀವಿ ಅದಕ್ಕೆ ಕಾರಣ ಹಲವಾರು ಇದ್ದರೂ ನಂಬಿಕೆಯೇ ಮೊದಲು ಹೊರತು ಬೇರೆ ಯಾವುದೂ ಅಲ್ಲ ಅನ್ನೋದು ಸತ್ಯ. ಸಾಮಾಜಿಕವಾಗಿದ್ದುಕೊಂಡು ಬದುಕುವುದು ಅವಶ್ಯಕವೇ ಆಗಿದ್ದರೂ ಅನಿವಾರ್ಯವೇನಲ್ಲ. ಸೃಷ್ಟಿಯಲ್ಲಿ ನಂಬಿಕೆಯು ಸೃಷ್ಟಿಸಿರುವ ಬುನಾದಿಯ ಮೇಲೆ ನಮ್ಮೆಲ್ಲರ ಜೀವನ ನಡೆದಿದೆ ಅಷ್ಟೇ. .
ಯಾವುದೇ ನಂಬಿಕೆಯನ್ನು ವಿರೋಧಿಸುವ ಅಥವಾ ಇದೇ ಸರಿ ಅಂತ ಇನ್ನೊಬ್ಬರ ಮೇಲೆ ಹೇರುವ ಅಧಿಕಾರವಂತೂ ಯಾರಿಗೂ ಇಲ್ಲ. ದೇವರನ್ನು ನಾನು ನೋಡಿಲ್ಲ ಅನ್ನುವುದು ಎಷ್ಟು ಸತ್ಯವೋ ನೋಡಿದವರು ಆ ಶಕ್ತಿಯನ್ನು ಕರಗತ ಮಾಡಿಕೊಂಡಿರುವವರು ಇದ್ದಾರೆ ಅನ್ನುವುದು ಸೂರ್ಯ ಚಂದ್ರರಷ್ಟೇ ಸತ್ಯ. ಪ್ರಕೃತಿಯಲ್ಲಿರುವ ಕಲ್ಲು ಮಣ್ಣನ್ನೇ ಪೂಜಿಸಿರುವ ಹಿರಿಯರ ಈ ನಂಬಿಕೆಗಳೇ ದೇವರು, ವ್ರತಗಳು, ಹಬ್ಬಗಳ ಆಚರಣೆಗೆ ಕಾರಣವಾಗಿದ್ದು. ಹಾಗಂತ ತಮ್ಮ ಮನಸ್ಸಿಗೆ ಬಂದಂತೆ ಕಾರಣವಿಲ್ಲದೆ ಈ ಹಬ್ಬ ಹರಿದಿನಗಳು ಹುಟ್ಟಿಕೊಳ್ಳಲಿಲ್ಲ, ಪ್ರತಿಯೊಂದಕ್ಕೂ ಒಂದೊಂದು ಅರ್ಥವಿದೆ. ನಮ್ಮ ಋಣಾತ್ಮಕ ಯೋಚನೆಗಳನ್ನು ಬದಿಗಿಟ್ಟು ಸಾಮಾಜಿಕವಾಗಿ ಯೋಚಿಸೋಣ ಹಬ್ಬ ಅಂದಾಗ ಏನೋ ಸಂಭ್ರಮ, ಸಡಗರ ಎಲ್ಲರೂ ಜೊತೆಯಾಗಿ ಕೂಡಿ ನಲಿಯುತ್ತೇವೆ ಹಂಚಿ ತಿನ್ನುತ್ತೇವೆ ಖುಷಿಯನ್ನು ಕಾಣುತ್ತೇವೆ, ಬಹುಶಃ ಈ ಸಮ್ಮಿಲನಗಳು ಪದೇ ಪದೇ ನಡೆಯಲಿ ಎನ್ನುವ ಆಶಯಕ್ಕಾಗಿಯೇ ನಾನಾ ಆಚರಣೆಗಳು ಹುಟ್ಟಿರಬಹುದು ಅಲ್ಲವೇ?
ನಾವು ಏನನ್ನು ಕಂಡಿದ್ದೇವೆ? ನಾವು ಯಾಕೆ ಹೀಗೇ ನಡೆಯಬೇಕು? ಅಂತ ಅಂದುಕೊಳ್ಳದೆ ಪರಸ್ಪರರ ಭಾವನೆಗಳನ್ನು ಗೌರವಿಸಿದಾಗಲೇ ಜೀವನಕ್ಕೆ ಒಂದು ಬೆಲೆ ಅಲ್ಲವೇ? ಆದರೂ ನಮ್ಮಲ್ಲಿನ ನಂಬಿಕೆಗಳು ಮಿತಿ ಮೀರಿದಾಗ ಸಮಾಜದ ಸ್ವಾಸ್ಥ್ಯವನ್ನು ಹಾಳುಮಾಡಿ ಮೂಢನಂಬಿಕೆಗಳಾಗಿವೆ ಅನ್ನುವುದೂ ನಿಜ, ಹಾಗೆಯೇ ಅತಿಯಾದ ಆಧುನಿಕತೆಯ ನಾಸ್ತಿಕವಾದವೂ ಸೃಷ್ಟಿಯ ಸಮತೋಲನ ಕಾಪಾಡುವಲ್ಲಿ ಎಡವಿದೆ ಅನ್ನುವುದು ವಸ್ತುಸತ್ಯ.
ನಂಬಿಕೆ ಬದುಕಿನ ಆಧಾರ. ಆದರೆ ಬದುಕಿನ ಉನ್ನತೀಕರಣದಲ್ಲಿ ನಂಬಿಕೆ ಅನ್ನೋದು ತನ್ನ ಮೌಲ್ಯ ಕಳೆದುಕೊಳ್ಳದಿರಲಿ. ಮೌಡ್ಯದ ಪರಮಾವಧಿಯೂ ಆಗದಿರಲಿ ಎಂಬ ಆಶಯದೊಂದಿಗೆ ಬದುಕೋಣ ಮಾನವೀಯ ಮೌಲ್ಯಗಳ ಪ್ರೀತಿಯ ಜೊತೆಗೆ.
ಜೀವನದಲ್ಲಿ ಬೆಳವಣಿಗೆಯನ್ನು ಅನುಭವಿಸಲು, ನಮಗೆ ಮೂರು ವಿಷಯಗಳಲ್ಲಿ ನಂಬಿಕೆ ಬೇಕು - ತನ್ನಲ್ಲಿ, ಸಮಾಜದ ಒಳ್ಳೆಯತನದಲ್ಲಿ ಮತ್ತು ದೇವರಲ್ಲಿ. ಆದರೆ, ಇತ್ತೀಚೆಗಿನ ಹಲವು ಘಟನೆಗಳನ್ನು ನೋಡಿದಾಗ ಅದೆಷ್ಟೋ ಅಮಾಯಕರ ಜೀವಗಳು ಬಲಿಯಾದವು, ದೇವರು ಇದ್ದಾನೆಯೇ ಎಂದು ಆಶ್ಚರ್ಯವಾಗುತ್ತದೆ. ಅವನು ಮಾಡಿದರೆ, ಅವನು ಅಂತಹ ಕೆಲಸಗಳನ್ನು ಏಕೆ ಮಾಡುತ್ತಾನೆ? ಅಂತಹ ಸಂದರ್ಭಗಳಲ್ಲಿ ನಂಬಿಕೆಯು ದುರ್ಬಲವಾಗುತ್ತದೆ ಮತ್ತು ಒಬ್ಬರು ಅದನ್ನು ಕಳೆದುಕೊಳ್ಳುತ್ತಾರೆ. ಈ ಸಂದರ್ಭಗಳಲ್ಲಿಯೇ ನಂಬಿಕೆಯು ಹೆಚ್ಚು ಅಗತ್ಯವಾಗಿರುತ್ತದೆ.
ನಮಗೆ ನಂಬಿಕೆಯ ಕೊರತೆಯಿದ್ದರೆ ಮತ್ತು ಘಟನೆಗಳು ನಮ್ಮನ್ನು ಹೆದರಿಸಿದರೆ, ನಾವು ಅವುಗಳಿಂದ ದೂರ ಹೋಗುತ್ತೇವೆ, ನಮ್ಮಲ್ಲಿ ನಾವೇ ಕಳೆದುಹೋಗುತ್ತೇವೆ ಮತ್ತು ಆಧಾರರಹಿತರಾಗುತ್ತೇವೆ. ಅಂತಹ ಸಂದರ್ಭದಲ್ಲಿ ದೃಢವಾದ ಒಂದು ನೆಲೆಯನ್ನು ಹುಡುಕಲು ನಮ್ಮಲ್ಲಿನ ಯಾವುದೋ ಒಂದು ಭರವಸೆಯ ನಂಬಿಕೆ ನಮಗೆ ಸಹಾಯ ಮಾಡುತ್ತದೆ. ಕಷ್ಟದ ಸಮಯದಲ್ಲಿ ಹಾದುಹೋಗುವಾಗ, ನಾವು ನಮ್ಮ ನಂಬಿಕೆಯನ್ನು ನವೀಕರಿಸಬೇಕಾಗಿದೆ. ಅಂತಹ ಸಮಯದಲ್ಲಿ, ನಮ್ಮಲ್ಲಿರುವ ಶೌರ್ಯವನ್ನು ಆಹ್ವಾನಿಸಿ ಮತ್ತು ಸವಾಲನ್ನು ಆತ್ಮವಿಶ್ವಾಸದಿಂದ ಎದುರಿಸಬೇಕಾಗುತ್ತದೆ.
ಇಂದಿನ ಜನರಲ್ಲಿ ತಾಳ್ಮೆ ಸ್ವಲ್ಪ ಕಡಿಮೆ ಎಂದೇ ಹೇಳಬಹುದು. ಇದು ಆಧುನಿಕ ಯುಗವಾಗಿರುವುದರಿಂದ ಏನೇ ಕೆಲಸ ಮಾಡಿದರೂ ತತ್ಕ್ಷಣ ಫಲಿತಾಂಶ ಬೇಕೇ ಬೇಕು. ಯಾವುದೇ ಕೆಲಸವನ್ನು ಮಾಡಿದರೂ ಶೀಘ್ರ ಪ್ರತಿಫಲ ದೊರೆಯದಿದ್ದಲ್ಲಿ, ಆ ಕೆಲಸವನ್ನು ಬಿಟ್ಟು ಮತ್ತೊಂದು ಕೆಲಸಕ್ಕೆ ಕೈ ಹಚ್ಚುತ್ತಾರೆ. ಇದರಿಂದಾಗಿ ಯಶಸ್ಸು ಎಂಬುದು ಮರೀಚಿಕೆಯಾಗಿಯೇ ಉಳಿದಿದೆ. ಒಂದು ನಿರ್ದಿಷ್ಟ ಕೆಲಸದಲ್ಲಿ ಒಮ್ಮೆ ಸೋಲಾದರೆ ಅಷ್ಟಕ್ಕೇ ಗುರಿಯನ್ನು ಬದಲಿಸದೆ ದೃಢ ನಂಬಿಕೆಯಿಂದ ನಿರಂತರವಾಗಿ ಪ್ರಯತ್ನವನ್ನು ಮಾಡಿ ಗೆಲುವನ್ನು ದಕ್ಕಿಸಿಕೊಳ್ಳುವಂತಹ ತಾಳ್ಮೆಯು ಬಹಳ ಮುಖ್ಯವಾಗಿ ಇರಬೇಕು.
ನಮ್ಮ ಮೇಲೆ ನಾವಿಡುವ ನಂಬಿಕೆ ಮತ್ತು ತಾಳ್ಮೆಯೇ ನಮ್ಮನ್ನು ಜೀವನವನ್ನು ಔನ್ನತ್ಯಕ್ಕೇರಿಸುತ್ತದೆ. ಇದೇ ಜೀವನದ ಬಲು ಅಮೂಲ್ಯವಾದ ಹಾಗು ಕಷ್ಟಕರವಾದ ತಪಸ್ಸು.
ನಮಗೆ ಅಗತ್ಯವಿರುವಾಗಲೆಲ್ಲಾ ನಮ್ಮ ನಂಬಿಕೆಯು ಅದ್ಭುತ ರೀತಿಯಲ್ಲಿ ಕೆಲಸ ಮಾಡುತ್ತದೆ. ಇದು ಅಂತಿಮವಾಗಿ ನಮ್ಮನ್ನು ಸಂತೋಷ, ಆರೋಗ್ಯ ಮತ್ತು ಸಮೃದ್ಧಿಯೊಂದಿಗೆ ಆಶೀರ್ವದಿಸುವ ಜೀವನದ ಕಡೆಗೆ ಕರೆದೊಯ್ಯುತ್ತದೆ. ನಮ್ಮ ಜೀವನದ ಕೆಲವು ಕರಾಳ ದಿನಗಳನ್ನು ನಾವು ಎದುರಿಸುತ್ತಿದ್ದರೂ ಅಥವಾ ದೊಡ್ಡ ಆರ್ಥಿಕ ಅಥವಾ ವೈಯಕ್ತಿಕ ನಷ್ಟದಿಂದ ಚೇತರಿಸಿಕೊಳ್ಳುತ್ತಿದ್ದರೂ ಸಹ ನಮ್ಮ ಮೇಲೆ ನಮಗೆ ನಂಬಿಕೆ ಇದ್ದರೆ, ನಮ್ಮ ಭರವಸೆ ಎಷ್ಟೇ ಮಸುಕಾಗಿದ್ದರೂ ಸಹ ನಮ್ಮಲ್ಲಿ ನಮಗೆ ನಂಬಿಕೆ ಇದ್ದರೆ ನಾವು ಯಾವುದೇ ಪರಿಸ್ಥಿತಿಯಿಂದ ಬೇಕಾದರೂ ಹಿಂತಿರುಗಬಹುದು. ಯಾಕೆಂದರೆ ನಮ್ಮಲ್ಲಿನ ಶಕ್ತಿಗಳಲ್ಲಿ ಬಲವಾದ ನಂಬಿಕೆಯನ್ನು ನಾವು ಹೊಂದಿರುತ್ತೇವೆ.
ಈ ನಂಬಿಕೆ ಅನ್ನೋದು ನಮ್ಮ ಮನೋಭಾವವನ್ನು ಪರಿವರ್ತಿಸುತ್ತದೆ. ನಾವು ನಮ್ಮಲ್ಲಿ ಹೆಚ್ಚಿನ ಶಕ್ತಿಯಲ್ಲಿ ನಂಬಿಕೆಯನ್ನು ಹೊಂದಿದಾಗ, ನಮ್ಮ ಮನೋಭಾವವು ಸಂಪೂರ್ಣವಾಗಿ ಬದಲಾಗುತ್ತದೆ. ನಾವು ಯಾವುದೇ ಋಣಾತ್ಮಕ ಪರಿಸ್ಥಿತಿಯಲ್ಲಿ ಧನಾತ್ಮಕತೆಯನ್ನು ಹುಡುಕಲು ಪ್ರಾರಂಭಿಸುತ್ತೇವೆ. ಇದು ನಮ್ಮ ದೃಷ್ಟಿಕೋನವನ್ನು ಪರಿವರ್ತಿಸುತ್ತದೆ ಮತ್ತು ಕತ್ತಲೆಯಾದ ಸುತ್ತಮುತ್ತಲಿನ ಹೊರತಾಗಿಯೂ ನಾವು ಜೀವನದ ಉತ್ತಮ ನೋಟವನ್ನು ಪಡೆಯುತ್ತೇವೆ ಹಾಗು ಕಾಣುತ್ತೆವೆ.
ನಂಬಿಕೆ ಅನ್ನೋದು ಸಮಸ್ಯೆಯಷ್ಟೇ ಅಲ್ಲ ಪರಿಹಾರದ ಕಡೆಗೆ ನಮ್ಮ ದೃಷ್ಟಿಯಲ್ಲಿ ನಮ್ಮನ್ನು ಪ್ರೇರೇಪಿಸುವಂತೆ ಮಾಡುತ್ತದೆ.
ನಂಬಿಕೆಯು ಚಲನಾ ಶಕ್ತಿಯಾಗಿದ್ದು ಅದು ನಮಗೆ ಜೀವನದಲ್ಲಿ ಯಶಸ್ವಿಯಾಗಿ ಮುಂದೆ ಸಾಗಲು ಸಹಾಯ ಮಾಡುತ್ತದೆ.
ನಂಬಿಕೆ ಅನ್ನೋದು ನಮಗೆ ಅಗತ್ಯವಿರುವ ಶಕ್ತಿಯನ್ನು ನಮ್ಮಲ್ಲಿಯೇ ಒದಗಿಸುತ್ತದೆ ಮತ್ತು ಎಂದಿಗೂ ಬಿಟ್ಟುಕೊಡದಂತೆ ನಮ್ಮನ್ನು ಪ್ರೇರೇಪಿಸುವಂತೆ ಮಾಡುತ್ತದೆ.
ನಾವು ಯಾವಾಗಲೂ ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಪ್ರಮುಖ ವಿಷಯವೆಂದರೆ:- 'ಸಂತೋಷವೇ ಮುಖ್ಯ'. ನಮ್ಮ ದೈನಂದಿನ ಜೀವನವು ನಗು ಮತ್ತು ಸಂತೋಷದ ಕೆಲವು ಸಂಚಿಕೆಗಳಿಂದ ತುಂಬಿಲ್ಲದಿದ್ದರೆ, ನಾವು ಮಾನವರಾಗಿರುವ ಸಂಪೂರ್ಣ ಅಂಶವನ್ನು ಕಳೆದುಕೊಳ್ಳುತ್ತೇವೆ. ಆದ್ದರಿಂದಲೇ ದೇವರು ಸುಂದರವಾದ ಜಗತ್ತನ್ನು ಸೃಷ್ಟಿಸಿದ್ದಾನೆ. ನಾವು ಆತನಲ್ಲಿ ಮತ್ತು ಆತನ ಪವಾಡಗಳಲ್ಲಿ ನಂಬಿಕೆ ಹೊಂದಿದ್ದರೆ, ನಾವು ಯಾವಾಗಲೂ ಸಂತೋಷವಾಗಿರಲು ಪ್ರಯತ್ನಿಸುತ್ತೇವೆ ಮತ್ತು ಕಷ್ಟಗಳನ್ನು ಎದುರಿಸುವ ವಿಶ್ವಾಸವನ್ನು ಗಳಿಸುತ್ತೇವೆ. ನಮ್ಮ ನಂಬಿಕೆಯು ಜೀವನದ ಬಗೆಗಿನ ನಮ್ಮ ಮನೋಭಾವವನ್ನು ಬದಲಾಯಿಸುತ್ತದೆ.
ಆದ್ದರಿಂದ, ನಾವು ಜೀವನದಲ್ಲಿ ಏನೇ ಕಷ್ಟ-ನಷ್ಟ, ನೋವು-ಕಣ್ಣೀರು, ದುಃಖ-ದುಮ್ಮಾನಗಳನ್ನು ಎದುರಿಸುತ್ತಿದ್ದರೂ ಸಹ ಕಣ್ಣಿಗೆ ಕಾಣುವ ಜನರಿಂದ ಮೋಸ ವಂಚನೆಗೆ ಗುರಿಯಾಗಿದ್ದರೂ ಸರಿ ಮುಂದಿನ ಜೀವನದ ಕ್ಷಣ ಗಳನ್ನು ಕಣ್ಣಿಗೆ ಕಾಣದ ಆ ದೇವರಲ್ಲಿ ನಂಬಿಕೆ ಇರಿಸಿಬಿಡೋಣ. ಮತ್ತು ಸದಾಚಾರದ ಹಾದಿಯಲ್ಲಿ ಸಾಗುತ್ತಾ ನಮ್ಮ ಕರ್ಮವನ್ನು ಮಾಡುವ ಮೂಲಕ ನಮ್ಮಲ್ಲಿ ನಾವೇ ನಂಬಿಕೆಯನ್ನು ಬೆಳೆಸಿಕೊಳ್ಳೋಣ. ಅಲ್ಪಾವಧಿಯಲ್ಲಿ. ಬಲವಾದ ನಂಬಿಕೆಯನ್ನು ಹೊಂದಿರುವುದು ನಮ್ಮ ಜೀವನದ ಮಹತ್ವದ ತಿರುವು ಎಂದು ನಾವು ಅರ್ಥಮಾಡಿಕೊಳ್ಳೋಣ....