#🙏शिवदिनविशेष📜 🚩 #आजचे_ऐतिहासिक_दिनविशेष 🚩🏇🚩🏇🚩🏇🚩🏇🚩🏇🚩 #३०_मार्च_१६६३ सरसेनापती नेतोजी पालकर जखमी. मोघली मुलुखात छापा टाकण्यासाठी नेतोजी पालकर गेले होते पण दैव प्रतिकूल होते, परंतु मोगली मूलखातच मुघल फौजेन त्यांना गाठले व चकमक झाली, त्यांनी पराक्रमाची शर्थ केली परंतु बळ कमी पडल्याने मराठी सैन्याला माघार घ्यावी लागली व त्यातच नेतोजींना दुखापत होऊन ते जायबंदी झाले. परंतु मराठी सैन्याचा पाठलाग करत मुघल सैनिक विजापुरात दाखल झाले यावेळी रुस्तुम ए जमान याने मोगलांची भेट घेऊन त्यांचे मन वळवले व पूढे दर्याखोऱ्यांचा अनवट मुलुख आणि जंगले असल्याने नेतोजींचा पाठलाग करू नये असू सांगून मुघल सैन्य माघारी वळवले, रुस्तुम ए जमान आणि शिवरायांचा अंतस्थ स्नेह अशा प्रकारे उपयोगास आला. 🚩🏇🚩🏇🚩🏇🚩🏇🚩🏇🚩 #३०_मार्च_१७२९ थोरले बाजीराव पेशवे यांनी जैतापुर इथे महंमदशहा बंगश याचा पराभव केला. नर्मदेच्या उत्तरेकडच्या प्रदेशाला हिंदुस्थान म्हणत. त्या सुमारास रोहिलखंडाच्या महमद बंगश याने बुंदेलखंडावर आक्रमण केले. बुंदेल राजे महाराज छत्रसाल आक्रमणाने त्रस्त झाले. त्यांनी राऊंना आपल्या भाषेत दोन चरणांत आपली स्थिती लिहून कळवली, त्याचा मथितार्थ ✍️ जो गती गजेंद्र की, सोही गत पावत आज बाजी जात बुंदेल की, राखो बाजी लाज ।। ✍️ सुसरीच्या तोंडात पाय अडकलेल्या लक्ष्मीच्या गजेंद्र-हत्तीची जी गत, त्या अवस्थेत मी आहे. अशा प्रकारचा छत्रसाल यांचा याचनास्पद निरोप येताच, राऊंनी महाराज छत्रसाल बुंदेल्यांना त्यांच्यावर झालेल्या आक्रमणासमयी प्रत्यक्ष जाऊन मदत केली आणि बंगशला पळवून लावले. 🚩🏇🚩🏇🚩🏇🚩🏇🚩🏇🚩