ICC T20 World Cup 2026- ನ್ಯುೂಜಿಲೆಂಡ್ ವಿರುದ್ಧದ 5 ಪಂದ್ಯಗಳ ಟಿ20 ಸರಣಿಯನ್ನು ಭಾರತ ತಂಡ ಇನ್ನೆರಡು ಪಂದ್ಯಗಳು ಬಾಕಿ ಉಳಿದಿರುವಾಗಲೇ ಗೆದ್ದಾಗಿದೆ. ಹಾಗಾಗಿ ಇನ್ನುಳಿದ 2 ಪಂದ್ಯಗಳು ಟಿ20 ವಿಶ್ವಕಪ್ ಗೂ ಮುನ್ನ ಟೀಂ ಇಂಡಿಯಾಗೆ ಪ್ರಯೋಗ ಮಾಡಲು ಉತ್ತಮ ವೇದಿಕೆಯಾಗಿ ಪರಿಣಮಿಸಿದೆ. ಈ ಹಂತದಲ್ಲಿ ಗಾಯಾಳುವಾಗಿದ್ದ ತಿಲಕ್ ವರ್ಮಾ ಅವರು ಫಿಟ್ ಆಗಿರುವುದು ಸಂತಸದ ಸಂಗತಿ. ಆದರೆ ಇದು ಮೊದಲ ಮೂರು ಪಂದ್ಯಗಳಲ್ಲಿ ಕಳಪೆ ಪ್ರದರ್ಶನ ನೀಡಿರುವ ಸಂಜು ಸ್ಯಾಮ್ಸನ್ ಅವರಿಗೆ ಎಚ್ಚರಿಕೆಯ ಕರೆಗಂಟೆಯಾಗಿದೆ.