#PSSM World ಹೊಂದಾಣಿಕೆ ಎಷ್ಟು ಮುಖ್ಯ? ಮತ್ತು ಯಾಕೆ? ಜೀವನ ವೆಂದರೇನೇ ಹೊಂದಾಣಿಕೆ. ಜೀವನದ ಪ್ರತಿ ಹಂತದಲ್ಲಿಯೂ ಹೊಂದಾಣಿಕೆ ಅಗತ್ಯ. ಮಕ್ಕಳು ಬೆಳೆದು ದೊಡ್ದವರಾದಂತೆ, ಅಪ್ಪ ಅಮ್ಮ ಮಕ್ಕಳಿಗೆ ಹೊಂದಿಕೊಳ್ಳಬೇಕು. ಮಕ್ಕಳು , ವಯಸ್ಸಾಗುತ್ತಿರುವ ಅಪ್ಪ ಅಮ್ಮಅಥವಾ ವೃದ್ಧ ತಂದೆ ತಾಯಿಯರಿಗೆ ಹೊಂದಿಕೊಳ್ಳಬೇಕು. ಗಂಡ ಹೆಂಡತಿ ಒಬ್ಬರಿಗೊಬ್ಬರು ಹೊಂದಿಕೊಳ್ಳಬೇಕು. ಅತ್ತೆಮಾವ ಸೊಸೆಗೆ ಹೊಂದಿಕೊಳ್ಳಬೇಕು. ಸೊಸೆ ಅತ್ತೆ ಮಾವಂದಿರಿಗೆ ಹೊಂದಿಕೊಳ್ಳಬೇಕು. ಸೊಸೆ ಹೊರಗೆಲ್ಲಾದರೂ ಹೋಗಿದ್ದರೆ, ಅತ್ತೆ ಮನೆಗೆಲಸಗಳನ್ನು ಅವಳೇ ಬಂದು ಮಾಡಲಿ ಎಂದು ಬಿಡದೆ ಸಾಧ್ಯವಿದ್ದಷ್ಟು ಮಾಡಬೇಕು. ಹಾಗೆ ಸೊಸೆಯೂ ಅತ್ತೆ ಹೋದಾಗ ಮನೆಯ ಜವಾಬ್ದಾರಿ ವಹಿಸಿಕೊಳ್ಳಬೇಕು. ಗಂಡ ಹೆಂಡತಿಯರೂ ಸಹ ಜವಾಬ್ದಾರಿಗಳನ್ನು ಪರಸ್ಪರ ಹಂಚಿಕೊಂಡು ಪ್ರೀತಿಯಿಂದ ನಿರ್ವಹಿಸಬೇಕು. ಪರಸ್ಪರರ ಅಭಿರುಚಿ ಆಸಕ್ತಿಗಳಿಗೆ ಗೌರವ ಪ್ರೋತ್ಸಾಹ ನೀಡಬೇಕು. ಹೊಂದಾಣಿಕೆ ಎಂಬುದು ಇಬ್ಬರ ಕಡೆಯಿಂದಲೂ ಇರಬೇಕು. ಪ್ರೀತಿ ಇದ್ದಲ್ಲಿ ಹೊಂದಾಣಿಕೆ ಸಹಜವಾಗಿಯೇ ಬರುತ್ತದೆ.ಸಮರಸವೇ ಜೀವನ ಅಲ್ಲವೆ!