‘बोटावर मार्कर वापरताना नखावरील शाई पुसली जातेय, हे सत्य आहे’; मुंबई आयुक्तांची कबुली राज्यातील २९ महानगरपालिकांसाठी आज मतदान होत आहे. मात्र, मतदानाच्या सुरुवातीच्या काही तासांतच अनेक केंद्रांवरून एक वेगळी तक्रार समोर आली आहे. मतदारांच्या बोटावर लावली जाणारी निळी शाई ही पारंपरिक शाई नसून मार्कर पेन असल्याचे सांगितले जात आहे. विशेष म्हणजे, हा मार्कर काही वेळातच पुसला जात असल्याच्या घटना समोर आल्या आहेत. यामुळे बोगस मतदानाची भीती व्यक्त होत असून राजकीय वातावरण तापले आहे. या प्रकरणाची दखल घेत मुंबई महानगरपालिका आयुक्तांनी महत्त्वाची माहिती दिली. “बोटावर मार्कर वापरताना नखावरील शाई पुसली जात असल्याच्या घटना समोर आल्या आहेत, हे सत्य आहे,” अशी कबुली त्यांनी दिली. मात्र, हे मार्कर किट महापालिका प्रशासनाने तयार केलेले नसून ते State Election Commission कडून पुरवण्यात आल्याचे त्यांनी स्पष्ट केले. #💥राज ठाकरे #🙋‍♂️उद्धव ठाकरे #🏛️राजकारण #🏛️महाराष्ट्राचे राजकारण😎 #1️⃣महाराष्ट्र अपडेट्स