स्वाभिमान, देशाभिमान आणि धर्माभिमानासाठी सर्वोच्च बलिदान देणारे छत्रपती संभाजीराजे... संभाजी महाराजांनी आपल्या कारकिर्दीचा, कदाचित आयुष्याचाही, क्षण नि क्षण 'कर्मण्ये-वाधिकारस्ते मा फलेषु कदचान' या मनोवृत्तीनेच वेचला आणि राजभोग तर राहोच पण सामन्य गृहसुखाच्याही लोभास विन्मुख राहून मोगली परचक्राला तोंड देण्यासाठी कर्तव्यनिष्ठेने म्हणा किंवा स्वराज्यनिष्ठेने म्हणा त्यांना सतत झगडावे लागले तसेच आपल्या भिषण मृत्यूसमयीच्या कालात धारण केलेल्या स्थितप्रज्ञतेने संभाजी महाराजांनी 'स्वधर्म निधनं श्रेय: परधर्मो भयावह:' या गितावचनाची अति तेजस्वी अशी जाणिव करून देऊन महाराष्ट्राच्या प्रतिकारातील चैतन्य जागृत राखले या ज्वलन ज्वलनतेजस छत्रपती संभाजी महाराजांची आणि त्याची सखी व राज्ञि येसूबाईसाहेब यांची नऊ वर्षांची कारकिर्द अत्यंत महत्वपुर्ण प्रसगांनी आणि अनेक व विविधप्रकारच्या हालचालींनी भरलेली आहे. या सर्व प्रसंगांचा आणि विशेषत: एकट्या संभाजी महाराजांनी अखिल हिंदूस्तानातील शक्तीसामर्थ्यशी हिंदवी स्वराज्यासाठी सुसंघटितपणे दीर्घकाल दिलेल्या झगड्याचा विचार केल्यास महाराष्ट्राची अखिल हिंदूस्तानात व परदेशात गाजलेली खरी कर्तबगारी, उज्ज्वल संस्कृती व तेजस्वी राष्ट्रीय संघटना यांच्या खर्या कसोटीचा आदर्श संभाजी महाराजांच्या कारकिर्दीत दिसून येत आहे.हा आदर्श महाराष्ट्रास आणि हिंदवी स्वराीज्यास सदोदित राष्ट्रीय संघटनेच्या व संस्कृतीच्या उच्च पातळीवर राखो, हिच सर्वेश्वराजवळ अनन्यभावाने प्रार्थना... इतिहासकार वा.सी.बेंद्रे. ११ मार्च तुळापूर. शंभूराजे बलिदानदिन. #🚩छत्रपती संभाजी महाराज स्टेटस🙏 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त