திருச்சி மாவட்டம் மணப்பாறை அருகேடாஸ்மாக் பாரில் பணிபுரிந்து வந்த பிரபாகரன் (32), தனது மனைவி அபிராமி மற்றும் இரு குழந்தைகளுடன் வசித்து வந்தார். ஆனால், அபிராமிக்கும் அவரது உறவினர் பிரபு என்பவருக்கும் இடையே நீடித்த முறையற்ற உறவு, அமைதியாகச் சென்றுகொண்டிருந்த அந்தக் குடும்பத்தின் அஸ்திவாரத்தையே அசைத்துப் பார்த்தது. இந்தத் தொடர்பு குறித்து பிரபாகரன் கனிவாக எச்சரித்த போதிலும், அதை ஏற்காத அபிராமி, தனது காதலுக்கு இடையூறாக இருக்கும் கணவனைத் தீர்த்துக்கட்டத் துணிந்து பிரபுவுடன் சேர்ந்து சதித்திட்டம் தீட்டினார். திட்டமிட்டபடி கடந்த பிப்ரவரி 12-ம் தேதி இரவு, நயவஞ்சகமாகப் பேசி கணவனை வெளியே அழைத்துச் சென்றார் அபிராமி. அங்கே மறைந்திருந்த பிரபு மற்றும் அவரது நண்பர் சரவணன் ஆகியோர், பிரபாகரனுக்கு அளவுக்கு அதிகமாக மதுவைக் கொடுத்து அவரை நிலைகுலையச் செய்தனர். போதையில் அவர் தன்னை மறந்திருந்த வேளையில், மூவரும் இணைந்து பிரபாகரனின் கழுத்தை நெரித்துக் கொலை செய்துள்ளனர். பின்னர், கொலையை மறைத்து விபத்து போலச் சித்தரிப்பதற்காக, சடலத்தைச் சாலையோரம் உள்ள புளிய மரத்தடியில் வீசிவிட்டுத் தப்பினர். மறுநாள் காலை சடலத்தைக் மீட்ட போலீசார், பிரபாகரனின் மரணத்தில் மர்மம் இருப்பதை உடற்கூறு ஆய்வின் மூலம் உறுதி செய்தனர். விசாரணையின் தொடக்கத்தில் கணவனை இழந்தவள் போல அபிராமி கண்ணீர் மல்க நாடகமாடினாலும், போலீசாரின் கிடுக்குப்பிடி விசாரணையில் முன்னுக்குப் பின் முரணாகப் பதிலளித்து வசமாகச் சிக்கிக்கொண்டார். இறுதியில், காதலனுடன் சேர்ந்து கணவனைக் கொன்ற உண்மையை அவர் ஒப்புக்கொண்டார். தலைமறைவாக இருந்த பிரபு நீதிமன்றத்தில் சரணடைய, உடந்தையாக இருந்த சரவணனும் கைது செய்யப்பட்டார். தகாத உறவுக்கு இடையூறாக இருந்த ஒரே காரணத்திற்காக, இரு குழந்தைகளின் தந்தை என்றும் பாராமல் கணவனைக் கொன்ற அபிராமியின் செயல் மணப்பாறைப் பகுதியையே பெரும் அதிர்ச்சியில் ஆழ்த்தியுள்ளது. ஏற்கனவே பல குற்ற வழக்குகளில் தொடர்புடைய பிரபுவுடன் சேர்ந்து, ஒரு குடும்பத் தலைவி இத்தகைய கொடூரத்தைச் செய்தது சமூகச் சீரழிவின் உச்சமாகக் கருதப்படுகிறது. தற்போது மூவரும் சிறையில் அடைக்கப்பட்டுள்ள நிலையில், அந்த இரு பிஞ்சு குழந்தைகளின் எதிர்காலம் கேள்விக்குறியாகியுள்ளது பெரும் சோகத்தை ஏற்படுத்தியுள்ளது. #காதல் செய் 💞 கள்ளக்காதல் செய்யாதே 💔 #வாழ்க்கையை அழிக்கும் கள்ளக்காதல் 💔 #கள்ளகாதல் விவகாரம் #🔴இன்றைய முக்கிய செய்திகள்