#😱 അലറിക്കരഞ്ഞു, തടയുന്നവരെ കടിക്കാൻ ശ്രമം; അസാധാരണമായി പെരുമാറി മലയാള നടിഭജന ചടങ്ങിനിടെ അതിവൈകാരികമായി പെരുമാറുന്ന നടിയും നർത്തകിയുമായ സുധ ചന്ദ്രന്റെ വിഡിയോയാണ് സമൂഹമാധ്യമങ്ങളിൽ വൈറലാകുന്നത്. ഭജന നടക്കുന്നതിനിടെ നടി നിയന്ത്രണം വിട്ട് അസാധാരണമായി പെരുമാറുന്നതാണ് വിഡിയോയിൽ കാണാനാകുന്നത്. ജനുവരി മൂന്നിന് മുംബൈയില്‍ നടന്ന ആത്മീയ ചടങ്ങായ മാതാ കീ ചൗക്കിയാലാണ് സംഭവം. വേദിയിൽ പ്രാർഥനയും ചടങ്ങുകളും നടക്കുന്നതിനിടെയാണ് സുധ അസാധാരണമായി പെരുമാറാൻ തുടങ്ങുന്നത്. നിന്നയിടത്തു നിന്നും നിന്ത്രണമില്ലാതെ ചാടുകയും അലറിക്കരയുകയും ചെയ്യുന്ന സുധ ചന്ദ്രനെ വിഡിയോയിൽ കാണാം. ചടങ്ങിനെത്തിയവർ സുധ ചന്ദ്രനെ ശാന്തമാക്കാന്‍ ശ്രമിക്കുന്നതും ഇതിനിടെ സുധ ഒരാളുടെ കയ്യില്‍ കടിക്കാൻ ശ്രമിക്കുന്നതും വിഡിയോയിലുണ്ട്. സുധ ചന്ദ്രന്‍റെ കുടുംബാംഗങ്ങളും പരിചയക്കാരും ടെലിവിഷന്‍ ഇന്‍ഡസ്ട്രിയില്‍ നിന്നുള്ളവരും പങ്കെടുത്ത ചടങ്ങായിരുന്നു ഇത്. വെള്ളയും ചുവപ്പും നിറത്തിലുള്ള സാരിയാണ് സുധ ധരിച്ചിട്ടുള്ളത്. നെറ്റിയിൽ ‘ജയ് മാതാ ദി’ എന്നെഴുതിയ തുണിയും കെട്ടിയിട്ടുണ്ട്. വിഡിയോ കണ്ടതോടെ ആരാധകരും അമ്പരന്നിരിക്കുകയാണ്. വിഡിയോ വൈറലായതോടെ പലവിധ അഭിപ്രായങ്ങളും ഉയരുന്നുണ്ട്. ദൈവികമായ പ്രഭയുടെ സ്വാധീനത്തിലാകാം സുധ ഈ വിധം പെരുമാറുന്നത് എന്നാണ് ഒരു വിഭാഗം ആരാധകർ പറയുന്നത്. പ്രശസ്തിക്കും മാധ്യമശ്രദ്ധയ്ക്കും വേണ്ടിയുള്ള നാടകമാണെന്ന് മറ്റൊരു വിഭാഗവും പറയുന്നു. മലയാളം ഡാൻസ് റിയാലിറ്റി ഷോകളിലൂടെയും ‘നാഗിൻ’, ‘യേ ഹെ മൊഹബത്തേൻ’ തുടങ്ങിയ പരമ്പരകളിലൂടെയും മലയാളികൾക്ക് ഏറെ പ്രിയങ്കരിയായ താരമാണ് സുധ ചന്ദ്രൻ. വർഷങ്ങൾക്ക് മുൻപ് കാറപകടത്തിൽ കാൽ നഷ്ടമായ സുധ, ഏറെ നാളത്തെ വിശ്രമത്തിന് ശേഷം വീണ്ടും നൃത്തരംഗത്തും അഭിനയരംഗത്തും തിരിച്ചെത്തുകയായിരുന്നു.