#📙 നോവൽ - മുറ ചെറുക്കൻ..... 🔻 ഭാഗം_28 ✍️ രചന - Aysha akbar പച്ചയും ചുവപ്പും നിറത്തിലുള്ള വളകളായിരുന്നത്...... അവൾ വിടർന്ന കണ്ണുകളാൽ അവനെ നോക്കി വല്ലാത്തൊരു ആവേശത്തോടെ അത്‌ കൈ കൊണ്ടെടുക്കുമ്പോൾ വല്ലാത്തൊരു ഭാവത്തോടെ അവനവളെ നോക്കി നിൽക്കുകയാണ്.... അവൾ വിരലുകളാൽ ആ വളകളിലൊന്ന് തൊട്ടു..... കിലു കിലെയുള്ള ആ ശബ്ദം അവളുടെ ഹൃദയത്തിലാകെ നിറഞ്ഞു നിന്നു..... കേവലം താൻ കണ്ട് ശീലിച്ച വളകളല്ല അത്‌......മറിച് താഴെ വീണാൽ പൊട്ടി പോകുന്ന തരത്തിലുള്ള കുപ്പി വളകളാണ്...... അവൻ തനിക്ക് വേണ്ടി വാങ്ങി തന്നതാണ്.... അവൾ വിടർന്ന കണ്ണുകളാൽ അവനെ യൊന്നു നോക്കി..... ഉള്ളിൽ കുമിഞ്ഞു കൂടുന്ന വികാരങ്ങളത്രയും അവളിൽ നിന്ന് മറച്ചു പിടിക്കാൻ അവന്റെ മിഴികളേറെ പ്രയാസപ്പെടുന്നത് പോലെ യവൾക്ക് തോന്നി...... ദേ..... ഇത് പിടിച്ചേ...... അവൾ ഒരു കയ്യിലുള്ള ജ്യൂസ് ഗ്ലാസ്സ് അവന് നേരെ നീട്ടിയത് പറയുമ്പോൾ അവൻ പെട്ടെന്നത് വാങ്ങി.... അവളുടെ കണ്ണുകളിലെ തിളക്കം അവന്റെ യുള്ളിലാകെ പടർന്നു പിടിച്ചിട്ടുണ്ടായിരുന്നു..... അവളാ വളകൾ കയ്യിലേക്കിടുമ്പോൾ കണ്ണുകളിൽ ആഹ്ലാദം തിര തല്ലിയിരുന്നു..... കണ്ണിമ വെട്ടാതെ അവളെ നോക്കി നിൽക്കാൻ മനസ്സാഗ്രഹിക്കുന്ന അതേ നിമിഷം അതിൽ നിന്ന് മനസ്സിനെ പിടിച്ചു മാറ്റാനെന്ന വണ്ണം ആ ഗ്ലാസ്സ് രണ്ടും തിരികെ അവർക്ക് കൊടുക്കാനവൻ പോയിരുന്നു.. അവൻ ഗ്ലാസ്സ് വെച്ചു വന്നതും അവളാ നീളൻ കൈകൾ ഒന്ന് കുലുക്കുമ്പോൾ ഒരീണത്തോടെ വളകൾ കിലുങ്ങി........ എത്ര പിടിച്ചു വെച്ചിട്ടും ഒന്ന് കൂടി നോക്കാതിരിക്കാൻ അവനും കഴിഞ്ഞില്ല...... ഇപ്പൊ പറ.... എങ്ങനെയുണ്ട്.... അവൾ ആർദ്രമായ ശബ്ദത്തിൽ വീണ്ടുമത് ചോദിക്കുമ്പോൾ അവൻ അവളെ തന്നെ യൊന്നു ഉറ്റു നോക്കി...... ആ കണ്ണുകളിലെ ഭാവത്തിൽ അവളൊന്നു പിടഞ്ഞു...... കണ്ണിലെ കൃഷ്ണ മണികൾ തെന്നി നീങ്ങുന്നത് പോലെ..... അവൻ അവൾക്കടുത്തേക്കൊന്ന് കൂടി നീങ്ങി വന്നു....... അവൾ നിലത്തെ പൊടി മണ്ണിലേക്ക് മിഴികൾ താഴ്ത്തി വെച്ചു.... കുപ്പി വളകൾ ഒന്ന് കുലുക്കി കൊണ്ടാ കൈ തെരു പ്പിടിച്ചു....... നന്നായിട്ടുണ്ട്........ അവൻ അടക്കി പിടിച്ചൊരു ശബ്ദത്തോടെ അവൾക്കേറെ അരികിൽ നിന്നത് പറഞ്ഞതും അവൾ പിന്നേ മിഴികളുയർത്തി അവനെ നോക്കിയില്ല....... അത്ര മേൽ എന്തോ ഭംഗി അവന്റെയാ ശബ്ദത്തിനുള്ളത് പോലെ.... അത്‌ പറയുമ്പോഴുള്ള അവന്റെ ഭാവവും അവൾക്ക് കാണണമായിരുന്നു.വെങ്കിലും എന്തോ മുഖമുയർത്താൻ കഴിയുന്നില്ല..... അവനും ഒന്നവളെ നോക്കി..... അവളുടെ കണ്ണുകൾ വല്ലാതെ തെളിഞ്ഞത് അവനറിഞ്ഞു..... ആ കണ്ണുകളെ കലങ്ങി ക്കാണാൻ ആഗ്രഹമില്ലെന്ന വണ്ണം അവൻ തന്റെ നോട്ടം മനഃപൂർവം പിൻ വലിച്ചു ബൈക്കിനടുത്തേക്ക് നടന്നു........ നിറഞ്ഞ ആഹ്ലാദഹത്തോടെ നിൽക്കുന്ന അവൾക്ക് തിരികെ പോകാൻ ഒട്ടും മനസ്സുണ്ടായിരുന്നില്ല..... കുറച്ചു നേരം കൂടി അവന്റെ കൂടെ നിൽക്കാനവൾക്ക് തോന്നി.. എനിക്ക്.... എനിക്ക് ദേ... അവിടെ അല്പ നേരമിരിക്കണം....... അവൾ പെട്ടെന്ന് ആൽ തറയിലേക്ക് ചൂണ്ടിയത് പറഞ്ഞതും ബുള്ളറ്റിലേക്ക് കയറിയിരുന്നു അവൻ അവളെയൊന്ന് നോക്കി... എന്ത് പറഞ്ഞാലും എതിര് പറയില്ലെന്നൊരു വിശ്വാസം അവളിലുമുണ്ടായിരുന്നു..... ആ കണ്ണുകളെ അവനൊരു നിമിഷം തിരിച്ചറിയാൻ കഴിഞ്ഞില്ല..... ഈ കാഴ്ചകളൊക്ക അല്പം നേരം കൂടി കണ്ടിരിക്കാനാവും എന്ന ചിന്ത യിൽ അവനും താഴെയിറങ്ങി നടന്നു..... ചുണ്ടിൽ വിരിഞ്ഞൊരു പുഞ്ചിരിയാലെ അവളും അവന് പിറകെ നടന്നു....... ഇളം കാറ്റ് വീശുന്ന ആ ആൽത്തറയിൽ അവർ രണ്ടു പേരുമിരുന്നു....... അൽപ നേരം നിറഞ്ഞു നിന്നൊരു നിശബ്ദത..... നിലത്തു വീണു കിടക്കുന്ന ആലിലകൾ കാറ്റിൽ കൂട്ടമായി അങ്ങോട്ടും ഇങ്ങോട്ടും ഒഴുകി നടക്കുന്ന ശബ്ദമുണ്ട്....... ആൽ മരത്തിനു മുകളിൽ നിന്നും നീളമുള്ള വേരുകൾ പോലെ എന്തോ ഒന്ന് താഴേക്ക് തൂങ്ങി നിൽക്കുന്നുണ്ട്...... കാവിയിട്ട ആ തറയിൽ രണ്ട് കയ്യും കുത്തി വെച്ചു കൊണ്ട് അവരങ്ങനെയിരുന്നു.... രണ്ട് പേരുടെയും സാമീപ്യം നൽകുന്ന ആനന്ദം രണ്ട് ഹൃദയങ്ങളിലും നിറഞ്ഞു നിന്നിരുന്നെങ്കിൽ കൂടി ആരും ഒന്നും മിണ്ടിയില്ല..... പതിയെ ആൽ മരത്തിനു മുകളിൽ നിന്നൊരു ഇല ഞെട്ടറ്റ് കൊണ്ടവളുടെ കയ്യിലേക്ക് വീണു.... അവളാ ഇലയെടുത്തൊന്ന് നോക്കി..... എന്ത് ഭംഗിയാണതിന്റെ ആകൃതി...... അവളുടെ ചുണ്ടിലൊരു ചെറു ചിരി വിടർന്നു..... ഇവിടം കാണാൻ എന്ത് ഭംഗിയാ........ ഇവിടെ യിരിക്കാൻ ഒരു പ്രത്യേക സുഖമുണ്ട്...... നിശബ്ദത യെ ഭേധിച്ചു കൊണ്ടത് പറഞ്ഞത് ഇഷാനി യായിരുന്നു..... സച്ചു അവളിലേക്കൊന്ന് തിരിഞ്ഞു..... പക്ഷെ ഒന്നും മിണ്ടിയില്ല...... എനിക്കിവിടം വല്ലാതെ ഇഷ്ട്ടപ്പെട്ടു....... അവൾ അവനോടെന്ന പോലത് പറഞ്ഞു കൊണ്ട് അവനെ യൊന്നു നോക്കുമ്പോൾ അവൻ അവളിലേക്കൊന്ന് കൂടി നോക്കി..... ഇയാളെയും...... അവൻ നോക്കിയെന്ന് തോന്നിയ അതേ നിമിഷം അവൾ പതിഞ്ഞ ശബ്ദത്തിൽ അത്‌ പറഞ്ഞത് ആ മിഴികളിൽ നോക്കിയായിരുന്നു..... ഇനിയെങ്കിലും തുറന്ന് പറഞ്ഞില്ലെങ്കിൽ താൻ മരിച്ചു പോകുമോയെന്നവൾക്ക് തോന്നി പോയിരുന്നു..... പെട്ടെന്നുള്ള അവളുടെ യാ തുറന്ന് പറച്ചിൽ പ്രതീക്ഷിക്കാത്തത് കൊണ്ട് തന്നെ അവനൊന്നു പതറി പ്പോയി...... അവൻ അവളിൽ നിന്നും പെട്ടെന്ന് കണ്ണുകൾ വെട്ടിച്ചു...... ആ കണ്ണുകൾ ക്ക് തന്നോടെന്തൊക്കെയോ പറയാനുണ്ടെന്ന തിരിച്ചറിവിൽ അവനല്പം ഭയം തോന്നിയിരുന്നു... സമയം വൈകി.....വാ..... പോകാം...... അവൾ പറഞ്ഞത് കേട്ടില്ലെന്ന വണ്ണം അതും പറഞ്ഞവനെഴുന്നേൽക്കുമ്പോൾ അവൾ ക്ക് കരച്ചിൽ വന്നു........ അവളവിടെ നിന്ന് എഴുന്നേറ്റില്ല....... ഞാൻ..... ഞാൻ തിരിച്ചു പോകാതിരുന്നോട്ടെ..... എനിക്കിയാളില്ലാതെ പറ്റില്ലെന്ന് തോന്നുവാ....ഇയാളുടെ കൂടെയാ ഞാനേറ്റവും സന്തോഷിച്ചിട്ടുള്ളത്.... പിറകിൽ നിന്നും അവളത് പറയുമ്പോൾ ആ വാക്കുകൾ വല്ലാതെ ഇടറിയിരുന്നു..... സച്ചുവിന്റെ കാലുകൾ ഒരു നിമിഷം നിശ്ചലമായി...... പിറകിലേക്ക് തിരിഞ്ഞാൽ തന്റെ ഭാവങ്ങൾ അവൾ പിടിക്കപ്പെടില്ലേ യെന്ന് മനസ്സ് ഭയക്കും പോലെ..... അവൻ അല്പ നേരത്തേക്ക് ഒന്നും മിണ്ടിയില്ല...... തിരിഞ്ഞു നോക്കുക പോലും ചെയ്യാതെ അങ്ങനെ നിന്നു...... അവൾ ഇരുന്നിടത്ത് നിന്നെഴുന്നേൽക്കുന്നില്ലെന്നത് കണ്ടതും അവൾക്ക് നേരെ തിരിയുക യല്ലാതെ അവന് വേറെ നിവൃത്തിയില്ലായിരുന്നു...... അവൻ അവളെയൊന്ന് നോക്കുമ്പോൾ മുഖം വീർപ്പിച്ചിരിക്കുകയാണവൾ....... ആ കണ്ണുകളാകെ കലങ്ങി മറിഞ്ഞിട്ടുണ്ട്.. തന്നിൽ നിന്നുള്ള മറുപടിക്കാണ് അവൾ കാതു നിൽക്കുന്നതെന്ന് വ്യക്തം.... അവൻ ദീർഘമായോന്ന് നെടു വീർപ്പിട്ടു...... പിന്നേ പതിയെ അവൾക്കരികിൽ തന്നെ വന്നിരുന്നു.... അവളുടെ ഉള്ളിലൊരു കുളിര് പരന്നു.... അപ്പോഴും അവനെന്താവും പറയാൻ പോകുന്നതെന്ന ഭയം അവളിലുണ്ടായിരുന്നു.... അവൻ ദൂരേക്ക് നോക്കി കൈ രണ്ടും മാറോട് പിണച്ചു കെട്ടിയിരുന്നു...... കനത്ത നിശബ്ദത അവർക്കിടയിൽ തളം കെട്ടി...... ആശങ്കയുടെയോ....ഭയത്തിന്റെയോ.. അതിലേറെ വീർപ്പു മുട്ടുന്ന പ്രണയത്തിന്റെയും ഭാരം കലർന്നിരുന്നൊരു നിശബ്ദത........ തനിക്ക്...... തനിക്ക് ഇഷ്ടമായത് ഈ നാടും വീടുമൊക്കെയായിരിക്കാം...... അതിനിടയിൽ ഇതെല്ലാം നില നിർത്താൻ മനസ്സ് കണ്ടെത്തിയ ഒരു കാരണം മാത്രമാണ് ഞാൻ.... അതിനു എന്റെ ആവശ്യമില്ല..... നീയിവിടെക്ക് വന്നത് പോലെയല്ല തിരിച്ചു പോകുമ്പോൾ....എല്ലാം നിന്റേത് കൂടിയായിട്ടുണ്ടാകും...... നിനക്ക് എപ്പോൾ വേണമെങ്കിലും വരാമെന്ന തരത്തിൽ ആ വീടും വീട്ടുകാരും നിന്റെ സ്വന്തമായിട്ടുണ്ടാകും..... അവൻ ഗൗരവത്തോടെ തന്നെ അത്‌ പറഞ്ഞു നിർത്തുമ്പോൾ ഒരു നിമിഷം അവളുടേ മുഖത്ത് വല്ലാത്തൊരു ദേഷ്യം പടർന്നു...... എങ്കി വാ..... നമുക്കെങ്ങോട്ടെങ്കിലും ഒളിച്ചോടി പോകാം..... ഈ നാടും വീടുമൊന്നും വേണ്ടാ.... അവൾ മുഖം കൂർപ്പിച്ചു കൊണ്ടത് പറയുമ്പോൾ ആ വാക്കുകളിൽ നിറഞ്ഞു നിന്നത് താൻ മാത്രമായിരുന്നെന്ന് അവനറിയാമായിരുന്നു... അത്രയേറെ നിഷ്കളങ്കമായിരുന്നാ വാക്കുകൾ....... അവൻ കണ്ണിമ വെട്ടാതെ അവളെ നോക്കി നിന്നു..... ഇനിയും എങ്ങനെ പറയണമെന്നെനിക്കറിയാത്തത് കൊണ്ടാണ്..... അത്രക്കിഷ്ടമാണെനിക്ക്... തന്നെ ഉറ്റു നോക്കി നിൽക്കുന്നവനോടായി അവളത് പറയുമ്പോൾ ആ ചുണ്ടുകളേറെ വിതുമ്പി പോയിരുന്നു..... പ്രണയം അവളുടെ കാഴ്ചയെ മറക്ക തക്ക ഒരു പാട വലിച്ചു കിട്ടിയിരുന്നു..... അതേത് നിമിഷവും പൊട്ടി പുറപ്പെടാമെന്ന വണ്ണം അങ്ങനെ നിൽക്കുകയാണ്...... സച്ചു ഒന്ന് കണ്ണുകളടച്ചു ശ്വാസമെടുത്തു...... ആയിരിക്കാം...... എന്നെ ഇഷ്ടമാണെന്നത് ശെരി തന്നെയായിരിക്കാം...... ഈ സമയത്ത് ഇവിടെ നിൽക്കുമ്പോൾ തോന്നിയ ഒരു ഇൻഫാച്ചുവേഷനായിരിക്കാം അത്‌....... ഇനി അതല്ലെങ്കിൽ കൂടി തന്റെ വീട്ടുകാർ ഇങ്ങനെയോരിഷ്ടത്തിന് സമ്മതിക്കുമെന്ന് തനിക്ക് തോന്നുന്നുണ്ടോ........ അവൻ അത്ര മേൽ ഗൗരവത്തോടെ അത്‌ ചോദിച്ചതും ഒരു നിമിഷം അവൾ നിശബ്ദയായി പോയിരുന്നു..... ഒരു ഭയം തൊണ്ടയിൽ കടന്ന് പിടിച്ചത് പോലെ.... മമ്മയുടെയും പപ്പയുടെയും മുഖം മനസ്സിൽ നിറഞ്ഞു നിന്നു.... തിരികെ പോകേണ്ട ഓർമകളും കൂടെയായപ്പോൾ അവൾക്ക് ശ്വാസമെടുക്കാൻ പ്രയാസം തോന്നി..... എങ്കിലും അതിനെ വക വെക്കാതെ അവൾ മിഴികൾ അവന് നേരെയൊന്നുയർത്തി.... അവരുടെ സമ്മതം ഞാൻ ആലോചിക്കുന്നില്ല..... ഉള്ള് ശക്തിയായി മിടിക്കുമ്പോഴും അവൾ മുഖത്ത് ഗൗരവം വരുത്തി അത്‌ പറഞ്ഞു തീർത്തു...... പക്ഷെ ഞാൻ അറിഞ്ഞ ഇഷാനി രവി പിള്ളക്ക് നോ പറയാനറിയില്ലല്ലോ...... അപ്പൊ പിന്നേ എല്ലാവരുടെയും സമ്മതം താൻ ആലോചിച്ചേ മതിയാവു..... അവൻ പുച്ഛത്തോടെ അത്‌ പറയുമ്പോൾ ആ വാക്കുകൾക്ക് പതിവിലേറെ ഗൗരവമുള്ളതായി അവൾക്ക് തോന്നി... അവളൊരു നിമിഷം വല്ലാതെ പതറി പ്പോയി.... അത്‌ അന്നല്ലേ......ഇന്ന്.... ഇന്ന് നോ പറയാൻ എനിക്ക് കഴിയും.... അവളത് പറയുമ്പോൾ ശ്വാസം വല്ലാതെ ഉയർന്നു പൊങ്ങുന്നുണ്ടായിരുന്നു.... അവളുടെ കഴുത്തിലെ നീല ഞരമ്പുകൾ ഒരു വേള തെളിഞ്ഞു കണ്ടു...... ഉള്ളിലെ വികാരങ്ങൾ അവളെ ബലഹീനയാക്കുന്നത് അവനറിഞ്ഞു.... അവനവളോട് എന്തെന്നില്ലാത്തൊരു അലിവ് തോന്നി.... അവൾക്ക് നോ പറയാൻ കഴിയും എന്നവൾ വിശ്വസിക്കുന്നുണ്ടെങ്കിൽ കൂടി അതിന് മാത്രം ധൈര്യം അവൾക്ക് വന്നിട്ടില്ലെന്നത് തനിക്ക് വ്യക്തമാണ്...... പക്ഷെ ഉള്ളിൽ നിറഞ്ഞ തന്നോടുള്ള പ്രണയം അവളിൽ നൽകുന്ന ഒരു തോന്നൽ മാത്രമാണത്..... ഒന്നും നടക്കില്ല........ അവളുടെ ഇഷ്ടങ്ങൾക്ക് വേണ്ടി അവളുടെ മാതാ പിതാക്കളോട് എതിർക്കാൻ തക്ക ധൈര്യം കിട്ടാത്തിടത്തോളം ഒന്നും നടക്കില്ലെന്ന് അവനറിയാമായിരുന്നു..... അവൾ അവരെ അത്ര മാത്രം ഭയക്കുന്നുണ്ട്.... അവളൊരു മറുപടിക്കായെന്ന വണ്ണം അവനെ ഉറ്റു നോക്കി നിൽക്കുകയാണ്....... അവളെ വേദനിപ്പിക്കാനെന്തോ അവന് കഴിഞ്ഞില്ല........ അങ്ങനെ നീയെന്ന് നോ പറയുന്നുവോ അന്ന് നമുക്കാലോചിക്കാം..... അവനല്പം കുസൃതി കലർത്തി അത്‌ പറഞ്ഞതും അത്‌ വരെ വലിഞ്ഞു മുറുകിയിരുന്ന അവളുടെ മുഖം ഒന്ന് വിടർന്നു....... അവനിൽ നിന്ന് തനിക്ക് ആദ്യമായി ഒരു മറുപടി കിട്ടി..... തന്നെ ഇഷ്ടമല്ലെന്ന് അവൻ പറഞ്ഞിട്ടില്ല..... പകരം നോ പറയാനുള്ള ധൈര്യം വന്നാൽ നോക്കാമെന്നാണു പറഞ്ഞത്..... അല്ലെങ്കിലും അവന് തന്നെ ഇഷ്ട കുറവില്ലെന്ന് തനിക്കും അറിയാം..... തന്റെ വീട്ടുകാരെ പേടിച്ചായിരിക്കും..... എങ്ങനെയെങ്കിലും തനിക്ക് അവന്റെ മുമ്പിൽ ജയിച്ചു കാണിച്ചേ മതിയാവു എന്നവളുറപ്പിക്കുമ്പോഴും മമ്മയുടെയും പപ്പയുടെയും മുഖം അവളുടെ ഉള്ളിലാകെ യൊരു വിറയൽ നൽകുന്നുണ്ടായിരുന്നു..... അപ്പൊ ഞാൻ ഇന്ന് തന്നെ നോ പറഞ്ഞാലോ..... അവൾ വീണ്ടും ഒരു കുസൃതി യോടെ അത്‌ ചോദിക്കുമ്പോൾ അവൻ ഇടം കയ്യാലേ മീശയൊന്ന് പിരിച്ചു കൊണ്ടവളെ നോക്കി..... അപ്പൊ ഇന്ന് തന്നെ ആലോചിച്ചു തുടങ്ങും..... അവനോരു പ്രത്യേക ഭാവത്തിൽ അത്‌ പറയുമ്പോൾ എപ്പോഴേ അവളെ കുറിച് ഒരു നൂറ് തവണ ആലോചിച്ചു തുടങ്ങിയിട്ടുണ്ടെന്ന് മനസ്സവനെ ഓർമിപ്പിച്ചു കൊണ്ടിരുന്നു..... അത്‌ കേട്ടതും ഇഷാനിയുടെ കണ്ണുകൾ വിടർന്നു...... ചുണ്ടിൽ ഒരിളം ചിരി വിരിഞ്ഞു... ആ ചിരി പതിയെ അവനിലേക്കും പടർന്നത് പോലെ..... എങ്കി പോകാം......വാ...... അവളൊരു ചിരിയോടെ അതും പറഞ്ഞു മുമ്പിൽ നടക്കുമ്പോൾ അവനും അവൾക്ക് പിറകെ നടന്നു...... അവൻ ബൈക്ക് സ്റ്റാർട്ട്‌ ചെയ്യുമ്പോഴും അവന്റെ ചുണ്ടിൽ പതിവില്ലാത്തൊരു ചിരി യുണ്ടായിരുന്നു..... അവന്റെ തോളിൽ കൈ വെച്ച് കൊണ്ട് അവന് പിറകിലേക്ക് കയറിയിരിക്കുമ്പോൾ അവളുടെ കയ്യിൽ കിടന്ന കുപ്പി വളകൾ വല്ലാത്തൊരു ആനന്ദത്തോടെയെന്ന വണ്ണം ശബ്ദമുണ്ടാക്കി..... തനിക്ക് നോ പറയാൻ കഴിയില്ലെന്നും തന്റെ വീട്ടുകാരിതിന് സമ്മതിക്കില്ലേന്നു മാണ് അവൻ പറഞ്ഞത്..... തനിക്ക് എതിർത്ത് നിൽക്കാൻ ധൈര്യം വന്നിട്ടുണ്ടെന്നവന് മുമ്പിൽ തെളിയിക്കുകയാണ് വേണ്ടത്.... അതിനു തന്നേ കൊണ്ടാവും വിധം ശ്രമിച്ചേ മതിയാവൂ.... പപ്പയുടേടും മമ്മ യുടെയും മുഖം ഓർക്കുമ്പോൾ നിറഞ്ഞു നിന്ന ആ ഭയത്തെ അവൾ കണ്ടില്ലെന്ന് വെച്ചു..... അവന്റെ കൂടെയുള്ള നിമിഷങ്ങൾ അവൾ ഹൃദയത്തോടെ ചേർത്ത് വെക്കുന്ന തിരക്കിലായിരുന്നു.... എന്നാൽ പിറകിലിരിക്കുന്നവളുടേ ചുണ്ടിലെ നിറഞ്ഞ പുഞ്ചിരി അവനിൽ ഭയമാണ് നൽകിയത്..... കാരണം...... അവരെ എതിർക്കാൻ മാത്രം അവൾക്ക് ധൈര്യം വന്നിട്ടില്ലെന്ന് അവനുറപ്പായിരുന്നു..... വിടർന്ന കണ്ണുകളിലെ വേദന അവന് താങ്ങാൻ കഴിയില്ലായിരുന്നു....... (തുടരും) Aysha Akbar #📔 കഥ